Video: સની દેઓલને ગુસ્સો કેમ આવ્યો? સ્ક્રિપ્ટ ફાડીને કહ્યું – ઇન્દિરાનગરનો ગુંડો સમજ્યો છે મને?

1993 માં રિલીઝ થયેલી સુપરહિટ ફિલ્મ દામિનીને (Damini) ચાહકો ક્યારેય ભૂલી શકશે નહીં. વર્ષો પહેલા રિલીઝ થયેલી આ ફિલ્મ હજુ પણ ખૂબ પસંદ કરવામાં આવી રહી છે. ભલે ફિલ્મમાં ઋષિ કપૂર અને મીનાક્ષી શેષાદ્રી મુખ્ય ભૂમિકામાં દેખાયા હતા, પરંતુ તેમ છતાં જેણે ફિલ્મમાંથી લાઈમલાઈટ પકડી હતી તે અભિનેતા સની દેઓલ હતા (sunny deol). સની આ ફિલ્મમાં સ્પોર્ટિંગ રોલમાં જોવા મળ્યા હતા પરંતુ તેમની એક્ટિંગે દરેકનું દિલ જીતી લીધું હતું.

અભિનયની સાથે સાથે રાજકારણમાં જોડાયેલા સની દેઓલે પોતાની કારકિર્દીમાં ઘણી ફિલ્મોમાં કામ કર્યું છે. પરંતુ દામિની ફિલ્મમાં સનીને તેમના નાના રોલથી જબરદસ્ત ખ્યાતિ મળી. આવી સ્થિતિમાં તાજેતરમાં જ સની ફરી એક વખત દામિની સ્ટાઇલમાં જોવા મળ્યા છે.

સની દેઓલે શેર કર્યો વિડીયો

સની દેઓલે તાજેતરમાં જ એક વિડીયો શેર કર્યો છે, આ વિડીયોમાં સની ફરી એક વખત ફિલ્મના દામિનીના પ્રખ્યાત સંવાદ ‘તારીખ પર તારીખ’ બોલતા જોવા મળે છે. સની એક સ્ક્રિપ્ટ લઈને બેઠા છે અને પછી ધીમા અવાજમાં કહે છે ‘તારીખ પર તારીખ’, પણ તેની સામે બેઠેલી વ્યક્તિ કહે છે કે સર ફરી એક વાર. આ પછી ફરી સની ખૂબ જ ઊંચા અવાજમાં તે જ સંવાદ બોલે છે, પરંતુ વારંવાર બોલાવવાથી સની દેઓલને ગુસ્સો આવી જાય છે.

જુઓ વિડીયો

ગુસ્સામાં ફરી એકવાર સની દેઓલ દામિનીના ગોવિંદની સ્ટાઇલમાં આવી જાય છે. તે સ્ક્રિપ્ટને ફાડતા કહે છે કે હું ઈન્દિરાનગરનો ગુંડો છું? આટલું બોલ્યા પછી તે ત્યાંથી ચાલ્યા જાય . આ વિડીયો શેર કરતી વખતે સનીએ લખ્યું છે કે નથી થવું મારે વાયરલ યાર.

સની દેઓલનો દામિની ગોવિંદનો અવતાર જોઈને ચાહકો તેના દીવાના બની ગયા છે. સની દેઓલના આ વિડીયો પર ચાહકો લાઈકનો વરસાદ કરી રહ્યા છે. અભિનેતાનો આ વિડીયો સોશિયલ મીડિયા પર ઝડપથી વાયરલ થઈ રહ્યો છે.

તમને જણાવી દઈએ કે સની દેઓલે ફિલ્મ પલ પલ દિલ કે પાસ હૈ થી નિર્દેશનમાં પણ પગ મુક્યો છે. આ ફિલ્મ સાથે, સનીએ તેના પુત્ર કરણ દેઓલને સિનેમામાં લોન્ચ કર્યો હતો. જોકે આ ફિલ્મ પડદા પર વધારે ચમત્કાર કરી શકી નથી. હવે સની ટૂંક સમયમાં તેના ભાઈ બોબી અને પિતા ધર્મેન્દ્ર સાથે અપને 2 માં જોવા મળશે.

આ પણ વાંચો: 2 વર્ષ બાદ ફરી સોશિયલ મીડિયામાં એક્ટીવ થયો આર્યન ખાન, તસ્વીર જોઇને તમને પણ કહેશો શાહરૂખનો કાર્બન કોપી

આ પણ વાંચો: Birthday Special: કરોડોનો મહેલ, અબજોની મિલકત, ઘણી લક્ઝરી કાર, જાણો સૈફ અલી ખાનનો નવાબી અંદાજ