મુંબઈમાં આવકવેરા વિભાગે (IT Department)એ 28 સપ્ટેમ્બર, 2026ના રોજ દિગ્ગજ ફિલ્મ નિર્માતા વાશુ ભગનાની સાથે જોડાયેલા અનેક સ્થળોએ દરોડા પાડ્યા હતા. દ્વારા હાથ ધરવામાં આવેલા એક મોટા ઓપરેશનને કારણે બોલિવૂડ ઉદ્યોગ ફરી એકવાર હચમચી ગયો છે. મુંબઈ આવકવેરા વિભાગની ટીમોએ કરચોરી અને ફિલ્મ-સંબંધિત પ્રવૃત્તિઓના બહાને વિદેશમાં નાણાં ટ્રાન્સફર કરવાના મામલે અનેક જાણીતી હસ્તીઓ અને પ્રોડક્શન હાઉસ સામે એકસાથે મોટા પાયે કાર્યવાહી શરૂ કરી છે.

મુશ્કેલીમાં આ સ્ટાર્સ

અહેવાલો અનુસાર, અભિનેત્રી રકુલ પ્રીત સિંહ, દિગ્ગજ ફિલ્મ નિર્માતા વાશુ ભગનાની અને ‘પેનોરમા સ્ટુડિયોઝ’ સાથે સંકળાયેલા લગભગ 12 સ્થળોએ તપાસની કાર્યવાહી (સર્ચ ઓપરેશન) હાથ ધરવામાં આવી રહી છે.

સૂત્રોના જણાવ્યા અનુસાર, આવકવેરા વિભાગને થોડા સમયથી એવી માહિતી મળી રહી હતી કે ફિલ્મ શૂટિંગ, વિદેશી વિતરણ અને નિર્માણના નામે વિદેશમાં મોટી રકમ મોકલવામાં આવી રહી હતી. તપાસ એજન્સીઓને આ પ્રક્રિયામાં મોટા પાયે કરચોરી અને નાણાકીય ગેરરીતિઓની શંકા છે. આ સંદર્ભમાં, મુંબઈ IT વિભાગની વિવિધ ટીમો મુંબઈમાં આવેલી અનેક ઓફિસો અને પરિસરોની તપાસ કરી રહી છે.

IT વિભાગની નજરમાં મુખ્ય નામો :

રકુલ પ્રીત સિંહ: બોલિવૂડ અને દક્ષિણ ભારતીય સિનેમાની લોકપ્રિય અભિનેત્રી.

વાશુ ભગનાની: જાણીતા નિર્માતા જેમણે ‘પૂજા એન્ટરટેઈનમેન્ટ’ બેનર હેઠળ બોલિવૂડની ઘણી મોટી ફિલ્મો બનાવી છે.

પેનોરમા સ્ટુડિયોઝ: ‘દ્રશ્યમ’ ફ્રેન્ચાઇઝી જેવી બ્લોકબસ્ટર ફિલ્મો પાછળનું મુખ્ય પ્રોડક્શન હાઉસ.

આવકવેરા વિભાગની તપાસની કાર્યવાહી હાલ ચાલુ છે. એવી અપેક્ષા છે કે તપાસ પૂર્ણ થયા પછી, વિભાગ આ નાણાકીય અનિયમિતતાઓ અંગે મહત્વપૂર્ણ વિગતો જાહેર કરી શકે છે.

“બહુ વધારે બોલી રહ્યો છે તું..”પાપારાઝી પર અચાનક ભડક્યો રણબીર કપૂર, જુઓ-Vidoe, આ સ્ટોરી વાંચવા અહીં ક્લિક કરો