Tamannaah Bhatia : એરપોર્ટ પર ફેન્સનો ક્રેઝ જોઈને રડી પડી તમન્ના ભાટિયા, સોશિયલ મીડિયા પર વાયરલ થયો Video

Tamannaah Bhatia Fan: સાઉથથી લઈને બોલિવુડ સુધી પોતાની ઓળખ બનાવનાર એક્ટ્રેસ તમન્ના ભાટિયા (Tamannaah Bhatia) કોઈને કોઈ કારણોસર ચર્ચામાં રહે છે. તમન્નાના લાખો ફેન્સ છે, પરંતુ એરપોર્ટ પર તેને એવો ફેન મળ્યો, તેનો ક્રેઝ જોઈને તમન્ના ભાટિયા રડી પડી. આ ફીમેલ ફેનનો પ્રેમ જોઈને તમન્નાનો બોયફ્રેન્ડ વિજય વર્મા પણ તેની ઈર્ષ્યા થશે. તમન્નાના પ્રેમમાં આ ફેને તેના હાથ પર તેની તસવીરનું ટેટૂ પણ બનાવ્યું છે.

બાહુબલી ફેમ એક્ટ્રેસ તમન્ના જ્યારે મુંબઈ એરપોર્ટ પર પહોંચી ત્યારે એક ફેન્સે તેનું દિલ જીતી લીધું હતું. આ ફેન કોઈ છોકરો નહીં પરંતુ એક મહિલા હતી. હાથમાં બૂકે લઈને તમન્નાને મળવા માટે પહોંચેલી આ ફેન તમન્નાને જોઈને તેના પગને સ્પર્શ કર્યો હતો. પછી તમન્નાએ તેના હાથ ફેલાવીને તેને ગળે લગાવી લીધી. તમન્ના ભાટિયાનો આ વીડિયો સોશિયલ મીડિયા પર વાયરલ થઈ રહ્યો છે.

(VC: Viralbhayani Instagram)

દિવાનગી તો જોવો, આ ફીમેલ ફેને તમન્નાના ફેસનું ટેટૂ પોતાના હાથ પર બનાવ્યું. ગળે મળીને જ્યારે ફેન ઈમોશનલ થઈ ગઈ તો તમન્ના ભાટિયા પણ પોતાની લાગણીઓ ઉપર કાબૂ ન રાખી શકે અને આંસુ વહાવ્યા. તમન્નાએ ફેન સામે હાથ જોડીને વિદાય લીધી, પરંતુ તે આ પ્રેમ જોઈને ખૂબ ઈમોશનલ થઈ ગઈ.

હાલમાં તમન્નાનું દિલ એક્ટર વિજય વર્મા પર ફિદા છે. હાલમાં જ તમન્નાએ વિજયને પોતાની હેપ્પી પ્લેસ ગણાવી હતી. ટૂંક સમયમાં તમન્ના અને વિજયની જોડી ઓટીટી ફિલ્મ લસ્ટ સ્ટોરીઝ 2 માં જોવા મળશે. તમન્ના અને વિજય પહેલી વખત ગોવામાં એકસાથે રજાઓ એન્જોય કરતાં જોવા મળ્યા હતા, ત્યારથી તેમની રિલેશનશિપની ચર્ચા થઈ રહી છે.

આ પણ વાંચો : કાર્તિક આર્યને ઈકોનોમી ક્લાસમાં મુસાફરી કરી, લોકોએ કહ્યું- ફિલ્મ પ્રમોશનનો નવો ટ્રેન્ડ, જુઓ Video

આ પહેલા તમન્ના પ્રાઈમ વીડિયોની રોમેન્ટિક ડ્રામા વેબ સિરીઝ જી કરદામાં જોવા મળી હતી. ઓગસ્ટમાં તમન્નાની બે પાન ઈન્ડિયા ફિલ્મો આવવાની છે. જેમાં તેલુગુ એક્શન ભોલા શંકર છે. આ ફિલ્મમાં ચિરંજીવી લીડ રોલ પ્લે કરી રહી છે અને કીથ સુરેશ પણ છે. વધુ એક તમિલ એક્શન-કોમેડી ફિલ્મ જેલર આવવાની છે. આ ફિલ્મમાં રજનીકાંત, મોહનલાલ, જેકી શ્રોફ, શિવા રાજકુમાર અને રામ્યા કૃષ્ણન જેવા મોટા સ્ટાર્સ સામેલ છે. આ બંને ફિલ્મો 1 ઓગસ્ટના રોજ થિયેટરોમાં રિલીઝ થશે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો