Bollywood News : સુષ્મિતા સેન (Sushmita Sen)ના એક્સ બોયફ્રેન્ડ રોહમન શોલ ટુંક સમયમાં જ ફિલ્મમાં ડેબ્યુ કરનાર છે. અંદાજે એક દશક પહેલા રોહમન શોલ મોડલ તરીકે કામ કરી રહ્યો છે. જોવામાં આવે તો તેનું મોડલિંગ કરિયર શાનદાર ચાલી રહ્યું છે હવે તે એક્ટિંગની દુનિયામાં પગ રાખવા માટે તૈયાર છે. રોહમન શોલ (Rohman Shawl) એક ફિલ્મ કરશે. જેમાં તે એક કાશ્મીર છોકરાના રોલમાં જોવા મળશે. હજુ સુધી ફિલ્મના ટાઈટલનું નામ સામે આવ્યું નથી. એક ઓનલાઈન પોર્ટલને આપેલા ઈન્ટરવ્યુમાં રોહમને પોતાની નવી ફિલ્મ અને પોતાના કરિયરને લઈ વાત કરી છે.
પોતાની આવનારી ફિલ્મ વિશે વાત કરતા રોહમન કહે છે કે, આ એક શાનદાર સ્ટોરી છે. આ ફિલ્મનો સંબંધ જમ્મુ-કાશ્મીર સાથે છે. હું ફિલ્મમાં કાશ્મીરી છોકરાનું પાત્ર નિભાવી રહ્યો છું. હું કાશ્મીર ખુબ ઓછી વખત ગયો છુ આ માટે મારા માટે મારા પાત્ર માટે ખુબ મુશ્કેલ હતુ. હું આ ફિલ્મ વિશે વધુ જણાવી શકતો નથી. બસ એજ કહી શકુ કે, આ ફિલ્મ ઓટીટી પ્લેટફોર્મ પર રિલીઝ થઈ શકે છે.
રોહમને પોતાની પ્રથમ જાહેરાત 19 વર્ષની ઉંમરમાં દેહરાદુનમાં કરી હતી. ત્યારબાદ દિલ્હી આવી રોહમને તેનું કરિયર મોડલ તરીકે શરુ કર્યું, ત્યારબાદ ટુંક સમયમાં જ સબ્યસાચી મુખર્જી અને મનીષ મલ્હોત્રા જેવા ડિઝાઈનર માટે રેમ્પ વોક કર્યું હતુ.
રોહમને કહ્યું કે, મેં એક સ્ક્રિપ્ટ શોધવાની શરુ કરી હતી. જેવી મારી પાસે તક આવી હું તે સ્ક્રિપ્ટ સાથે જોડાઈ ગયો હતો. એક અભિનેતા તરીકે હજુ મારે ધણું બધુ શીખવાનું છે.
તેના મુંબઈના સ્ટ્રગલના દિવસોને યાદ કરતા રોહમને કહ્યું કે, જ્યારે હું મુંબઈ આવ્યો હતો. ત્યારે એક્ટિંગમાં મને કોઈ જ રસ ન હતો. આ મારા માટે મુશ્કેલ હતુ અને મને લાગ્યું કે હું નહિ કરી શકું. ત્યારબાદ મે એક એક્ટિંગ શાળાની સાથે શરુઆત કરી હતી. મે એક ફિલ્મ માટે ઓડિશન આપ્યું હતુ, જેનું નામ હું લઈ શકીશ નહિ.