શાહરુખ ખાને આલિયા ભટ્ટને આપી ટિપ્સ, એક્ટ્રેસે કર્યો ખુલાસો, જુઓ Video

એક્ટ્રેસ આલિયા ભટ્ટ (Alia Bhatt) બોલિવુડના કિંગ ખાન શાહરૂખને પોતાનો સાચો માર્ગદર્શક માને છે. જ્યારે પણ તે મૂંઝવણમાં હોય છે ત્યારે તે શાહરૂખ ખાનની સલાહ લે છે અને તે તેનો અમલ પણ કરે છે.

આલિયા ભટ્ટની તાજેતરની રિલીઝ ‘રોકી ઔર રાની કી પ્રેમ કહાની’ માટેની એક પ્રેસ કોન્ફરન્સ દરમિયાન ફિલ્મના ગીત ‘તુમ ક્યા મિલે’ માટે શાહરૂખ ખાન પાસેથી લિપ સિંક કરવાનું શીખી તે વાતનો ખુલાસો કર્યો. લિપ સિંક એ એક કળા છે જેમાં કોઈ કલાકાર પ્લેબેક સિંગર દ્વારા પહેલેથી જ ગાયેલા ગીત પર શૂટિંગ કરતી વખતે ગીતના બોલ અનુસાર તેના હોઠ ચલાવે છે.

આલિયાએ જે ગીતની વાત કરી તે ફિલ્મ ‘રોકી ઔર રાની કી પ્રેમ કહાની’માં રણવીર સિંહ અને આલિયા ભટ્ટ વચ્ચે શૂટ કરવામાં આવ્યું હતું. આ ફિલ્મનું ખૂબ જ સુંદર અને રોમેન્ટિક ગીત છે.

આલિયા ભટ્ટે કહ્યું કે ફિલ્મ ‘સ્ટુડન્ટ ઓફ ધ યર’ના ‘ઈશ્ક વાલા લવ’ ગીત પછી ‘તુમ ક્યા મિલે’ ગીત છે જેના પર તેણે લિપ સિંક કરવું પડ્યું અને આ માટે તેણે શાહરૂખ ખાનની મદદ કેવી રીતે લીધી. લિપ સિંક ગીતો એક સમયે હિન્દી સિનેમાનું જીવન હતું, પરંતુ તેને શૂટ કરવા માટે ઘણી મહેનત કરવી પડે છે. કલાકારોએ જ્યારથી પોતાને સુપરસ્ટાર માનવા માંડ્યા છે ત્યારથી તેઓ આવા ગીતો ભાગ્યે જ કરે છે અને તેથી જ આજકાલ મોટાભાગના ગીતો બેકગ્રાઉન્ડમાં વાગતા સાંભળવા મળે છે.

અહીં જુઓ વીડિયો

(VC: Neelima Kulkarni Twitter)

કરણ જોહરે શાહરૂખ ખાનને મળવાની આપી સલાહ

ફિલ્મ ‘રોકી ઔર રાની કી પ્રેમ કહાની’ની પ્રેસ કોન્ફરન્સ દરમિયાન આલિયા ભટ્ટે જ્યારે આ ગીતનો ઉલ્લેખ કર્યો ત્યારે તેણે કહ્યું, ‘ફિલ્મ ‘સ્ટુડન્ટ ઓફ ધ યર’ના ગીત ‘ઈશ્ક વાલા લવ’ પછી હું ખૂબ જ નર્વસ હતી કે કેવી રીતે આ ગીત થશે.? લિપ સિંક શીખવા માટે કરણ જોહરે મને શાહરૂખ ખાનને મળવાની સલાહ આપી. જ્યારે શાહરૂખ ખાનને આ વિશે વાત કરવામાં આવી તો તેણે કહ્યું, ‘તમે ઘરે આવો. સુહાના પણ શીખવા માંગે છે, હું તમને બંનેને સાથે શીખવીશ.’

એક્ટ્રેસ આલિયા ભટ્ટે વધુમાં કહ્યું કે, ‘હું શાહરૂખ ખાનના ઘરે ગઈ હતી અને ત્યાં 2-3 કલાક રોકાઈ હતી. હું સુહાના સાથે ગાતી હતી. શાહરૂખ ખાને ખૂબ જ સરળતાથી અને સરળ રીતે અમને લિપ સિંક કરવાની ટેકનિક શીખવી. તેણે અમને એક એપ ડાઉનલોડ કરવા અને તેનો ઉપયોગ કરીને રિહર્સલ કરવાનું પણ કહ્યું. શાહરૂખ ખાન ખૂબ જ ઉદાર અને મોટા દિલનો છે. તે હંમેશા મને મદદ કરવા તૈયાર છે.

આ પણ વાંચો : Pakistanની સીમા હૈદરે ફિલ્મ માટે આપ્યું ઓડિશન, રો એજેન્ટનો કરશે રોલ!

રસપ્રદ વાત એ છે કે ફિલ્મ ‘રોકી ઔર રાની કી પ્રેમ કહાની’નું ગીત ‘તુમ ક્યા મિલે’ આલિયા ભટ્ટ માતા બન્યાના ચાર મહિના પછી કાશ્મીરમાં શૂટ કરવામાં આવ્યું હતું. કાશ્મીરની બરફીલા ખીણોમાં શિફોન સાડીમાં આલિયા ભટ્ટ ખૂબસૂરત લાગી રહી હતી. પરંતુ આખા ગીત દરમિયાન રણવીર ગરમ કપડાંમાં ઢંકાયેલો હતો અને આલિયા ચિલ કરતી રહી. કરણ કટ બોલે કે તરત જ તે પોતાનો ઓવરકોટ પહેરી આગની પાસે બેસી જતી.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો