Zara Hatke Zara Bachke: સારા અલી ખાને જણાવ્યા છૂટાછેડાના ફાયદા, જુઓ Video

Sara Ali Khan On Divorce: સારા અલી ખાન (Sara Ali Khan) અને વિકી કૌશલની અપકમિંગ ફિલ્મ ઝરા હટકે ઝરા બચકેનું ટ્રેલર લોન્ચ કરવામાં આવ્યું હતું. ટ્રેલર લોન્ચ માટે મુંબઈમાં એક ઈવેન્ટ રાખવામાં આવી હતી, જેમાં સારા અને વિકી પણ પહોંચ્યા હતા. આ દરમિયાન બંને સ્ટાર્સે ડિવોર્સના ફાયદા વિશે જણાવ્યું. આ વીડિયો સોશિયલ મીડિયા પર વાયરલ થઈ રહ્યો છે.

ઝરા હટકે ઝરા બચકે સારા અલી ખાન અને વિકી કૌશલ એક નાના શહેરના એક એવા કપલનો રોલ કરે છે, જેઓ પહેલા પ્રેમમાં પડે છે, પછી લગ્ન કરે છે અને પછી ઝઘડો થાય છે. મામલો છૂટાછેડા સુધી પહોંચે છે. એટલા માટે ટ્રેલર લોન્ચ દરમિયાન બંનેને છૂટાછેડાના ફાયદા વિશે પૂછવામાં આવ્યું હતું.

સારાએ જણાવ્યા છૂટાછેડાના ફાયદા

ઈવેન્ટ દરમિયાન સારા અલી ખાન યલો કલરની સાડીમાં જોવા મળી હતી. છૂટાછેડાના ફાયદાના સવાલ પર તેણે કહ્યું કે છૂટાછેડાનો ફાયદો એ છે કે તમે ફરીથી લગ્ન કરી શકો છો. પછી તેણી કહે છે રાઉન્ડ 2. આના પર એન્કર કહે છે રાઉન્ડ ત્રણ રાઉન્ડ ચાર. તેના જવાબમાં સારા કહે છે રાઉન્ડ 12 અને બધા હસવા લાગે છે.

વિકી કૌશલે આપ્યો આ જવાબ

છૂટાછેડાના ફાયદાના સવાલ પર વિકી કૌશલે કહ્યું, “છૂટાછેડાના ફાયદા? જુઓ દોસ્ત, આ આપવીતી નથી… એકલા થઈ જવાય છે, કદાચ એમાં પણ થોડી ખુશી છે. આ જવાબ સાંભળીને ત્યાંના લોકો પણ હસી પડે છે. તમને જણાવી દઈએ કે રિયલ લાઈફમાં વિકી કૌશલે કેટરીના કૈફ સાથે લગ્ન કર્યા છે અને બંને ખૂબ જ ખુશ છે, જ્યારે સારા અલી ખાને હજી લગ્ન કર્યા નથી.

આ પણ વાંચો : કપિલ શર્માએ પુત્રી અનાયરા સાથે અને ભારતી સિંહે પુત્ર ગોલા અને મિત્ર કૃષ્ણા સાથે કર્યું રેમ્પ વોક, જુઓ Viral Video

ઝરા હટકે ઝરા બચકે ફિલ્મનું નિર્દેશન લક્ષ્મણ ઉટેકર દ્વારા કરવામાં આવ્યું છે. દિનેશ વિજાન અને જ્યોતિ દેશપાંડે આ ફિલ્મના પ્રોડ્યુસર છે. ફિલ્મમાં સંગીત સચિન જીગરે આપ્યું છે. આ ફિલ્મ 2 જૂને સિનેમાઘરોમાં રિલીઝ થશે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો