Salman Khan New Look: ભાઈજાનનો નવો લૂક સામે આવ્યો, Video જોઈ લોકોએ કહ્યું ‘વિગ ઉતારી દીધી કે શું?’

Salman Khan New Look: હાલમાં બિગ બોસ ઓટીટીની બીજી સીઝન સમાપ્ત થઈ છે, જેનું હોસ્ટ સલમાન ખાને (Salman Khan ) કર્યું હતું. શોનો ગ્રાન્ડ ફિનાલે 14 ઓગસ્ટના રોજ થયો હતો અને એલ્વિશ યાદવ વિજેતા બન્યો હતો. શો પૂરો થતાં જ સલમાને પોતાનો લુક બદલી નાખ્યો છે. તે બાલ્ડ લુકમાં જોવા મળી રહ્યો છે. તાજેતરમાં તે પાપારાઝીના કેમેરા દ્વારા જોવા મળ્યો હતો અને કેમેરામાં કેદ થયો હતો. હવે તેનો વીડિયો સોશિયલ મીડિયા પર વાયરલ થયો છે. તેના આ લુકની ખૂબ ચર્ચા થઈ રહી છે.

જે વીડિયો સામે આવ્યો છે, તેમાં સલમાન ખાન હાફ સ્લીવ શર્ટ અને પેન્ટમાં જોવા મળી રહ્યો છે. તે એકદમ ડેશિંગ દેખાઈ રહ્યો છે, પરંતુ તેનો બાલ્ડ લુક તેના વ્યક્તિત્વને વધુ આકર્ષક બનાવી રહ્યો છે. આ વીડિયો સામે આવ્યા બાદ ચાહકોએ તેના પર રિએક્શન આપવાનું શરૂ કર્યું હતું. કોમેન્ટ સેક્શનમાં દરેક વ્યક્તિ અલગ-અલગ પ્રતિક્રિયા આપી રહી છે.

(source : viralbhayani)

સલમાનના વીડિયો પર ચાહકોની કોમેન્ટ્સ

સલમાન ખાનના આ વીડિયો પર કોમેન્ટ કરતાં એક યુઝરે લખ્યું કે, ભાઈ કા જલવો. અન્ય યુઝરે લખ્યું કે, ભાઈજાન જવાનને પ્રમોટ કરી રહ્યા છે. ઘણા યુઝર્સે તેના આ લુકને તેરે નામ સાથે જોડી દીધો છે. એક યુઝરે કમેન્ટ કરી, “તેરે નામ ફરી. તો ત્યાં બીજા યુઝરે લખ્યું કે, “જૂનો સલમાન પાછો આવી ગયો છે.” તમને જણાવી દઈએ કે, તેરે નામ અને સુલતાન જેવી બીજી ઘણી ફિલ્મોમાં સલમાન ખાન આ લૂકમાં જોવા મળ્યો છે.

આ પણ વાંચો : Bhumika Chawla Happy Birthday: ફિલ્મ ‘તેરે નામ’માં જેની સુંદરતામાં પાગલ હતો સલમાન ખાન, હવે આવી દેખાય છે ‘રાધે’ની આ ‘નિર્જલા’

આ ફિલ્મમાં સલમાન ખાન જોવા મળશે

જો આપણે સલમાન ખાનના વર્કફ્રન્ટ વિશે વાત કરીએ, તો તેની આગામી ફિલ્મ ટાઈગર 3 છે, જે આ વર્ષે નવેમ્બરમાં સિનેમાઘરોમાં આવવા જઈ રહી છે. તેની સાથે કેટરિના કૈફ ફિલ્મમાં જોવા મળશે. લોકો ઘણા સમયથી આ ફિલ્મની રાહ જોઈ રહ્યા હતા. આ ફિલ્મમાં શાહરૂખ ખાનનો કેમિયો પણ થવાનો છે. થોડા મહિના પહેલા સલમાન કિસી કી ભાઈ કિસી કી જાનમાં જોવા મળ્યો હતો. તે ફિલ્મ બોક્સ ઓફિસ પર થીક રહી હતી.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો