Pakistanની સીમા હૈદરને બોલિવુડ ફિલ્મમાં કામ કરવાની મળી ઓફર? પ્રોડ્યુસરે કરી એપ્રોચ
પાકિસ્તાનથી ભારત આવેલી સીમા હૈદર (Seema Haider) હાલમાં ચર્ચામાં છે અને તેના વિશે દરેક જગ્યાએ ચર્ચાઓ થઈ રહી છે. સચિન અને સીમાની ખરાબ હાલતના સમાચાર સાંભળીને ફિલ્મ નિર્માતા અમિત જાનીએ મદદનો હાથ લંબાવ્યો અને તેમને તેમના ફિલ્મ પ્રોડક્શન હાઉસમાં અભિનય કરવાની તક આપી છે.
પાકિસ્તાનથી નેપાળ થઈને પોતાના 4 બાળકોને લઈને ભારત આવેલી સીમા હૈદરને (Seema Haider) લઈને એક નવું અપડેટ સામે આવી રહ્યું છે. સીમા અને સચિનની જોડી હવે આખી દુનિયામાં પોપ્યુલર થઈ ગઈ છે અને દરેક જગ્યાએ આ જોડીની ચર્ચા જોવા મળી રહી છે. જો અહેવાલો પર વિશ્વાસ કરવામાં આવે તો, સીમા હૈદરની ખરાબ હાલત પર એક ફિલ્મ નિર્માતાનું દિલ પીગળી ગયું છે અને તેને તેની ફિલ્મમાં કામ કરવાની ઓફર કરી છે.
સીમા પોતાનો દેશ પાકિસ્તાન છોડીને ભારત આવી ગઈ છે અને તેના પતિ સચિન અને 4 બાળકો સાથે રહે છે. પરંતુ તેમના માટે જીવવું એટલું સરળ નથી. સીમાને મોટાભાગે સેફટીના પર્પસથી બહાર નીકળવાની તક મળી રહી નથી. સીમાના સસરાએ પણ તાજેતરના એક ઈન્ટરવ્યુમાં આ વિશે પ્રકાશ પાડ્યો હતો અને કહ્યું હતું કે જ્યારે સચિન અને સીમા ઘરની બહાર નહીં નીકળે તો તેઓ શું કમાશે અને શું ખાશે. તેને જોતા હવે પ્રોડ્યુસર અમિત જાનીએ સીમાને પોતાના પ્રોડક્શન હાઉસમાં કામ કરવાની તક આપી છે.
રિપોર્ટ મુજબ ઉત્તર પ્રદેશ નવનિર્માણ સેનાના અધ્યક્ષ અમિત જાનીએ હાલમાં મુંબઈમાં એક ફિલ્મ પ્રોડક્શન હાઉસ ખોલ્યું છે. તે ઉદયપુરના દર્જી કન્હૈયા લાલ સાહુની હત્યા પર એક ફિલ્મ બનાવી રહ્યો છે, જેને ધ ટેલર મર્ડર સ્ટોરી નામ આપવામાં આવ્યું છે. તે નવેમ્બરમાં રિલીઝ થવાની છે. અમિતે સીમા અને સચિનને ફિલ્મમાં કામ કરવાની ઓફર કરી છે. તેમના મતે જો સીમા અને સચિન તેમના પ્રોડક્શન હાઉસ જાની ફાયરફોક્સ માટે કામ કરે છે, તો તેમને તેના માટે સારી રકમ મળી શકે છે.
પ્રેમની કોઈ સીમા હોતી નથી
તમને જણાવી દઈએ કે સીમા હૈદર અને સચિનની લવ સ્ટોરી એકદમ ફિલ્મી છે. બંનેના પ્રેમની શરૂઆત પબ્જી ગેમથી થઈ હતી. આ પછી સીમા પોતાનું ઘર અને પતિ છોડી નેપાળ થઈને ભારત આવી અને સચિન મીણા સાથે લગ્ન કર્યા. આ સમાચાર પોલીસ-પ્રશાસનના કાને પડતાં ભારે હોબાળો મચી ગયો હતો અને બોર્ડર પરથી તપાસ ચાલી હતી. હવે તેને પોલીસ તરફથી રાહત મળી છે, સાથે જ હવે આ ઓફર તેના માટે સારા સમાચારથી ઓછી નથી.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો