Priyanka-Nick Daughter First look : ‘મધર્સ ડે’ પર પ્રિયંકા ચોપરા અને નિક જોનાસની નાનકડી પરી આવી ઘરે, પ્રિ-મેચ્યોર પ્રસૂતિને કારણે NICUમાં હતી દાખલ

પ્રિયંકા ચોપરા (Priyanka Chopra) અને નિક જોનાસ (Nick Jonas), હોલીવુડથી લઈને બોલિવૂડ સુધીના સૌથી પ્રખ્યાત અને લોકપ્રિય યુગલોમાંથી એક છે. જે ઘણીવાર ચર્ચામાં જોવા મળે છે. મધર્સ ડે આ કપલ માટે ખૂબ જ ખાસ હતો. આ મધર્સ ડે પર બંને તેમની પુત્રી માલતીને તેમના સાથે હોસ્પિટલમાંથી ઘરે પાછા લાવ્યા. આ અવસર પર પ્રિયંકાએ તેની પુત્રી સાથેની એક તસવીર શેયર કરી છે. મા-દીકરીની આ તસવીર સોશિયલ મીડિયા પર વાયરલ થઈ રહી છે. સાથે જ તેને ફેન્સ તરફથી પણ ઘણો પ્રેમ મળી રહ્યો છે. તમને જણાવી દઈએ કે, દંપતીની પુત્રીનો જન્મ સમય પહેલા એટલે કે પ્રિ-મેચ્યોર થયો હતો. જે બાદ તેમની પુત્રીને 100 દિવસ સુધી NICU (Neonatal Intensive Care Unit) માં દાખલ કરવામાં આવી હતી.

પ્રિયંકાએ પોતાની પ્રિય પુત્રીની પ્રથમ ઝલક તેના ચાહકોમાં શેયર કરતા લખ્યું, ‘આ મધર્સ ડે પર અમે છેલ્લા કેટલાક મહિનામાં રોલરકોસ્ટર જેવા ઉતાર-ચઢાવમાંથી પસાર થઈ રહ્યા હતા. આપણે જાણીએ છીએ કે, તે માત્ર આપણે જ નહીં પરંતુ આપણા જેવા બીજા ઘણા લોકોએ તેનો અનુભવ કર્યો હશે. NICUમાં 100થી વધુ દિવસો ગાળ્યા પછી, અમારી નાની પરી આખરે ઘરે પાછી આવી ગઈ છે.

આ તસવીરમાં મા-દીકરી વચ્ચેનો પ્રેમ સ્પષ્ટ દેખાય છે. મધર્સ ડેના અવસર પર પ્રિયંકા માટે આ ગિફ્ટ ખૂબ જ ખાસ હતી. તેના કેપ્શનમાં અભિનેત્રીએ આગળ લખ્યું કે, દરેક પરિવારની સફર અલગ-અલગ હોય છે અને તેમાં વિશ્વાસ જરૂરી છે. છેલ્લા કેટલાક મહિના અમારા માટે ખૂબ જ મુશ્કેલ રહ્યા છે. પરંતુ, પાછળ ફરીને જોતાં તે સ્પષ્ટ છે કે દરેક દિવસ કેટલો કિંમતી અને પરફેક્ટ હોય છે.

નિક-પ્રિયંકાએ હોસ્પિટલ સ્ટાફનો માન્યો હતો આભાર

તેની આગળ પ્રિયંકાએ લખ્યું છે કે, અમે ખૂબ જ ખુશ છીએ કે અમારી નાની પરી ઘરે આવી છે. આ સાથે દંપતીએ લોસ એન્જલસની રેડી ચિલ્ડ્રન્સ લા જોલા અને સીડર સિનાઈ હોસ્પિટલના દરેક ડૉક્ટર, નર્સ અને નિષ્ણાંતનો આભાર માન્યો હતો. જેણે નિઃસ્વાર્થ ભાવે તેને દરેક પગલે સાથ આપ્યો. આપણા જીવનનો હવે પછીનો અધ્યાય શરૂ થવાનો છે. મમ્મી અને પપ્પા તમને ખૂબ પ્રેમ કરે છે.

પુત્રીનો પ્રથમ લૂક અહીં જુઓ…

પ્રિયંકા-નિકની દીકરીનું પૂરું નામ શું છે?

તમને જણાવી દઈએ કે, પ્રિયંકા ચોપરા અને નિક જોનાસે તેમની દીકરીનું નામ માલતી મેરી ચોપરા જોનાસ રાખ્યું છે. દંપતીએ તેમના જન્મ પ્રમાણપત્ર પર તેમની બાળકીનું નામ માલતી મેરી ચોપરા જોનાસ લખેલું છે. સર્ટિફિકેટમાં લખ્યું છે કે, માલતીનો જન્મ કેલિફોર્નિયાના સેન ડિએગોમાં રાત્રે 8 વાગ્યા પછી થયો હતો.

પ્રિયંકાની પુત્રીનો જન્મ તારીખના 12 અઠવાડિયા પહેલા થયો હતો

આ સિવાય પ્રિયંકાની પુત્રીનો જન્મ ડોક્ટરે આપેલી તારીખના 12 અઠવાડિયા પહેલા થયો હતો. ફેબ્રુઆરીમાં તારીખ આપ્યા બાદ તેનો જન્મ જાન્યુઆરીમાં જ થયો હતો. પ્રી-મેચ્યોર ડિલિવરીને કારણે દંપતીએ નક્કી કર્યું કે, જ્યાં સુધી તેમનું બાળક સ્વસ્થ ન થાય ત્યાં સુધી તેઓ હોસ્પિટલમાં જ રહેશે.