એક સમયે ફિલ્મો ફલોપ થતા પ્રોફેશન બદલવાનો હતો શાહરુખ ખાન? અભિનય છોડી આ વસ્તુની કરવા લાગ્યો હતો તૈયારી

એક સમયે બોલિવુડના સુપરસ્ટાર શાહરુખ ખાનની એક પછી એક ફિલ્મો ફલોપ જઈ રહી હતી. તે સમયે અભિનેતા શાહરુખ ખાન વિશે એવી પણ વાતો થઈ રહી હતી કે તેનું કરિયર હવે ખત્મ થઈ જશે અને તેની ફિલ્મો હવે નહીં ચાલે. તમને જાણીને નવાઈ લાગશે કે આવા સમયે શાહરુખ ખાને પ્રોફેશન બદલવા માટેની તૈયારીઓ શરુ કરી દીધી હતી. આજે એક પ્રેસ કોન્ફરન્સ દરમિયાન શાહરુખ ખાને આ વાત મીડિયા સાથે શેયર કરી હતી.

હાલમાં જ શાહરુખ ખાનની ફિલ્મ પઠાણ રિલીઝ થઈ છે. આ ફિલ્મને લઈને ઘણા વિવાદ થયા હતા. શાહરુખ ખાને પઠાણ ફિલ્મમી રિલીઝ પહેલા એ નિર્ણય કર્યો હતો કે તે ફિલ્મનું પ્રમોશન નહીં કરે પણ હવે તેની ફિલ્મ બોક્સ ઓફિસ પર સારુ પ્રદર્શન કરી રહી છે. આ ખુશીના અવસર પર પઠાણ ફિલ્મને લઈને એક પ્રેસ કોન્ફરન્સ યોજાઈ હતી. આ દરમિયાન ફિલ્મની કાસ્ટ પોતાના અનુભવ શેયર કરતા જોવા મળ્યા હતા.

પ્રોફેશન બદલવાનું મન બનાવી બેઠો હતો શાહરુખ

શાહરુખ ખાને આ પ્રેસ કોન્ફરન્સ દરમિયાન પોતાના કરિયરને લઈને કેટલીક વાતો શેયર કરી હતી. તેણે જણાવ્યું કે જ્યારે તેની ફિલ્મ ફલોપ થઈ રહી હતી. ત્યારે તેણે પોતાનું પ્રોફેશન બદલવાનું મન બનાવી લીધું હતું. પોતાના કરિયર વિશે વાત કરતા તેણે જણાવ્યું કે જ્યારે લોકો કહ્યું કે મારી ફિલ્મો નથી ચાલી રહી ત્યારે મેં કુકિંગ શીખવાનું શરુ કર્યું. મેં વિચાર્યું હતું કે રેસ્ટોરન્ટ શરુ કરીશ. આ દરમિયાન મેં ઈટાલિયન ડિશ બનાવતા શીખી લીધી હતી.

પોતાનો કુકિંગ અનુભવ શેયર કરતા શાહરુખે જણાવ્યું હતું કે, તેણે ફિલ્મ ડાયરેક્ટર સિદ્ધાર્થ આનંદને પણ પોતાના હાથથી ડિશ બનાવીને ખવડાવી હતી. તેણે મજાકના અંદાજમાં કહ્યું કે, તેણે ફિલ્મ ડાયરેક્ટર સિદ્ધાર્થ આનંદને પિઝ્ઝાની લાંચ આપી હતી.

દીપિકા પાદુકોણ અને જોન અબ્રાહમ પણ રહ્યા હાજર

આજે મીડિયા માટે યોજાયેલી આ પ્રેસ કોન્ફ્રેન્સ દરમિયા શાહરુખ ખાન, દીપિકા પાદુકોણ અને જોન અબ્રાહમ સહિત પઠાણ ફિલ્મના ઘણા લોકો હાજર રહ્યા હતા. આ દરમિયાન તેઓ એક પછી એક મીડિયાના સવાલોના જવાબ આપતા જોવા મળ્યા હતા. શાહરુખ ખાન, દીપિકા પાદુકોણ અને જોન અબ્રાહમ પઠાણ ફિલ્મના અનુભવો શેયર કરવાની સાથે એકબીજા સાથે મસ્તી કરતા પણ જોવા મળ્યા હતા.

શાહરુખ ખાનની ફ્લોપ ફિલ્મોનું લિસ્ટ

ઝીરો (2018), જબ હેરી મેટ સેજલ (2017), ફેન (2016), બિલ્લુ (2009), પહેલી (2005), સ્વદેશ (2004), યે લમ્હે જુદાઈ કે (2004), શક્તિ-ધ પાવર (2002), અશોકા (2002), વન ટુ કા ફોર (2001), ફિર ભી દિલ હૈ હિન્દુસ્તાની (2000), કોયલા (1997), અંગ્રેજી બાબુ દેશી મેમ (1996), ચાહત (1996), જમાના દીવાના (1995), ઓહ ડાર્લિંગ યે હૈ ઇન્ડિયા (1995), કિંગ અંકલ (1993), માયા મેમસાબ (1993)

(રિપોર્ટર- સોનાલી નાયક )