Viral Video: મુંબઈ એરપોર્ટ પર સાથે જોવા મળ્યા પરિણીતી ચોપરા-રાઘવ ચઢ્ઢા, આ દિવસે દિલ્હીમાં થશે સગાઈ, મહેમાનોને આપ્યું આમંત્રણ!
Parineeti And Raghav Engagement: પરિણીતી ચોપરા (Parineeti Chopra) અને રાઘવ ચઢ્ઢા હાલમાં તેમના સંબંધોને લઈને ચર્ચામાં છે. બંને વિશે એવા રિપોર્ટ સામે આવી રહ્યા છે કે તેઓ ટૂંક સમયમાં દિલ્હીમાં સગાઈ કરી શકે છે અને તેનું આમંત્રણ મહેમાનો આપવામાં આવ્યું છે.
Parineeti Chopra And Raghav Chadha Engagement: વર્ષ 2023માં ઘણા સ્ટાર્સે લગ્ન કર્યા અને તેમના સંબંધોને ઓફિશિયલ કર્યા. હવે પ્રિયંકા ચોપરાની કઝીન સિસ્ટર અને બોલિવુડ એક્ટ્રેસ પરિણીતી ચોપરા (Parineeti Chopra And Raghav Chadha) પણ પોતાની રિલેશનશિપને ઓફિશિયલ કરી શકે છે. રિપોર્ટ મુજબ એક્ટ્રેસ ટૂંક સમયમાં આપ નેતા રાઘવ ચઢ્ઢા સાથે સગાઈ કરશે. તેની તારીખ પણ જાહેર કરવામાં આવી છે. જો કે, ભૂતકાળમાં કેટલાક ફોટા વાયરલ થયા હતા, જેમાં કપલ આઈપીએલ મેચની મજા લેતા જોવા મળ્યા હતા. આ દરમિયાન બંનેના હાથમાં વીંટી જોઈને ફેન્સે એવું અનુમાન લગાવ્યું કે બંનેની સગાઈ થઈ ચૂકી છે.
છેલ્લા કેટલાક સમયથી પરિણીતી ચોપરા અને રાઘવ ચઢ્ઢા વચ્ચેના સંબંધોને લઈને ચર્ચા થઈ રહી છે. ફેન્સને પણ આ જોડીને ખૂબ પસંદ કરે છે અને ઈચ્છે છે કે બંને જલ્દી લગ્ન કરી શકે છે. લેટેસ્ટ રિપોર્ટ મુજબ આ કપલ 13 મેના રોજ દિલ્હીમાં સગાઈ કરશે. બંને મુંબઈ એરપોર્ટ પર જોવા મળ્યા હતા અને સગાઈની તૈયારી માટે દિલ્હી જવા રવાના થયા હતા.
છેલ્લા કેટલાક સમયથી બંને ઘણી વખત સાથે જોવા મળ્યા છે. હવે ફેન્સ માત્ર 13 તારીખની રાહ જોઈ રહ્યા છે જ્યારે કપલની સગાઈની તસવીરો સોશિયલ મીડિયા પર દેખાશે. એવું પણ માનવામાં આવે છે કે આ કપલ વર્ષ 2023 માં જ લગ્ન કરી શકે છે. સગાઈ સેરેમની વિશે વાત કરીએ તો, તેમાં કેટલાક ખાસ મહેમાનો હાજરી આપે તેવી શક્યતા છે. બંનેએ તેમના ખાસ દિવસે લગભગ 150 નજીકના મિત્રો અને પરિવારના સભ્યોને આમંત્રણ આપ્યું છે.
આ પણ વાંચો : કિંગ ચાર્લ્સની તાજપોશીમાં સોનમ કપૂરે દેશી સ્ટાઈલમાં શરૂ કર્યું ભાષણ, તો લોકો ખુશીથી ઝૂમી ઉઠ્યા, જુઓ Video
આ ફિલ્મમાં જોવા મળશે પરિણિતિ
બંને લાંબા સમય સુધી મીડિયા સાથે વાતચીત કરે છે, ત્યારે તેઓ લગ્નના વિશે આ સવાલની અવગણના કરતા જોવા મળે છે અથવા તો આ સવાલ પર ગોળ ગોળ જવાબો આપે છે. પરંતુ સગાઈ બાદ કપલના ફેન્સ તેમને એક જ સવાલ પૂછવા જઈ રહ્યા છે કે તેઓ લગ્ન ક્યારે કરશે. વર્ક ફ્રન્ટની વાત કરીએ તો પરિણીતી ચોપરા છેલ્લે વર્ષ 2022માં આવેલી ફિલ્મ ઉંચાઈમાં જોવા મળી હતી. અત્યારે તે ચમકીલા અને કેપ્સ્યુલ ગિલ જેવી ફિલ્મોનો ભાગ છે.
મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…