Parineeti Chopra Wedding : લગ્નની તારીખ શું છે ? પરિણીતી ચોપરાને પૂછવામાં આવ્યો સવાલ, એક્ટ્રેસે હસીને આપ્યો ફની જવાબ, જુઓ Video
Parineeti Chopra Wedding: ફિલ્મ એક્ટ્રેસ પરિણીતી ચોપરા (Parineeti Chopra) અને રાઘવ ચઢ્ઢાની સગાઈ બાદ હવે દરેક લોકો તેમના લગ્નની રાહ જોઈ રહ્યા છે. જ્યારે પાપારાઝીએ પણ લગ્નની તારીખ વિશે પૂછ્યું તો પરિણીતીએ આ જવાબ આપ્યો. આ વીડિયો સોશિયલ મીડિયા પર વાયરલ થઈ રહ્યો છે.
Mumbai: ફિલ્મ એક્ટ્રેસ પરિણીતી ચોપરાને (Parineeti Chopra) હાલમાં દરેક લોકો એક જ સવાલ પૂછે છે કે લગ્ન ક્યારે છે? પરિણીતી ચોપરા અને આમ આદમી પાર્ટીના સાંસદ રાઘવ ચઢ્ઢાએ આ મહિનાની 13મી તારીખે ધૂમધામથી સગાઈ કરી હતી. બંનેની સગાઈમાં પરિવાર, સંબંધીઓ સિવાય ઘણા મિત્રો, બોલિવુડ સેલેબ્સ અને રાજકારણીઓ પણ સામેલ થયા હતા.
સગાઈ પછી બધા પરિણીતી ચોપરા અને રાઘવ ચઢ્ઢાના લગ્નની રાહ જોઈ રહ્યા છે. હાલમાં જ પરિણીતી અને રાઘવ રાજસ્થાન પહોંચ્યા હતા. એવું કહેવામાં આવી રહ્યું છે કે બંને તેમના લગ્નની તૈયારીઓને લઈને ત્યાં ગયા છે. બંનેની સાથેની તસવીરો પણ ત્યાંથી આવી હતી. હાલમાં પરિણીતિ ચોપરાનો એક વીડિયો સામે આવ્યો છે, જેમાં તેને લગ્નને લઈને સવાલ કરવામાં આવી રહ્યા છે અને તે હસી રહી છે. આ વીડિયો સોશિયલ મીડિયા પર વાયરલ થઈ રહ્યો છે.
પરિણીતી ચોપરાને પૂછવામાં આવ્યો સવાલ
પાપારાઝી વિરલ ભાયાણીએ આ વીડિયો પોતાના ઈન્સ્ટાગ્રામ પર શેર કર્યો છે. મુંબઈથી સામે આવેલા એક વીડિયોમાં પાપારાઝી પરિણીતીને પૂછે છે, “લગ્નની તારીખ શું છે? કંઈક તો બોલો.” આ સવાલો પર પરિણીતી હસી પડે છે અને કહે છે કે દિશા જાણે છે. તેની સાથે એક મહિલા હતી, પરિણીતીએ સવાલને ટાળવા માટે જ તેને પૂછવાનું કહ્યું.
તમને જણાવી દઈએ કે થોડા મહિના પહેલા પરિણીતી ચોપરા અને રાઘવ ચઢ્ઢા મુંબઈની એક રેસ્ટોરન્ટમાંથી એકસાથે બહાર નીકળતા જોવા મળ્યા હતા. ત્યારથી બંનેના ડેટિંગની વાતો ચાલી રહી હતી. પરંતુ બંનેએ તેમના પ્રેમનો સ્વીકાર ન કર્યો અને ત્યારબાદ સીધી સગાઈ કરી લીધી.
આ પણ વાંચો : Aamir Khan Video: ભાંગડા કરતો આમિર ખાનનો વીડિયો થયો વાયરલ, ફિલ્મના પ્રમોશન દરમિયાન કર્યો જોરદાર ડાન્સ
સગાઈની ઘણી તસવીરો થઈ વાયરલ
સગાઈ બાદ પરિણીતી ચોપરા અને રાઘવ ચઢ્ઢા રોકા સેરેમનીની ઘણી તસવીરો સતત શેર કરી રહ્યાં છે. સગાઈની પરિણીતી અને રાઘવની ઘણી સુંદર તસવીરો સામે આવી છે. હાલમાં જ એક તસવીર સામે આવી છે, જેમાં પરિણીતી તેના પિતાના આંસુ લૂછતી જોવા મળી રહી છે. બંનેની સગાઈ દિલ્હીના કપૂરથલા હાઉસમાં થઈ હતી.