Pankaj Udhas Ghazals : ‘ચિઠ્ઠી આયી હૈ’ થી ‘ચાંદી જૈસા રંગ હૈ તેરા’, પંકજ ઉધાસની 10 બેસ્ટ ગઝલો અને ગીતો

દિગ્ગજ સિંગર અને પોતાની ગઝલ ગાયકીથી દિલને શાંતિ આપનાર પંકજ ઉધાસ હવે આ દુનિયામાં નથી. લાંબી માંદગીના કારણે 72 વર્ષની વયે તેમનું અવસાન થયું. પંકજ ઉધાસની પુત્રી નાયબે આ દુઃખદ સમાચાર આપ્યા છે. પંકજ ઉધાસે પોતાના ભાવપૂર્ણ અવાજથી દરેક હૃદયના તારને સ્પર્શ કર્યો, તે એવા ગાયકોમાંના એક હતા જેમણે સિનેમેટિક સ્ક્રીન પર ગઝલને પ્રખ્યાત કરી. તેમના અવાજમાં ‘ચિઠ્ઠી આયી હૈ’, ‘ના કજરે કી ધર’, ‘ચાંદી જૈસા રંગ હૈ તેરા’ સહિત આવા ડઝનબંધ ગીતો અને ગઝલો છે, જે આજે પણ ફેન્સના હોઠ પર છે.

પંકજ ઉધાસનો જન્મ 17 મે 1951ના રોજ ગુજરાતના જેતપુરમાં થયો હતો. તેમને 1980માં ‘આહત’ નામના ગઝલ આલ્બમથી પોતાના કરિયરની શરૂઆત કરી હતી. આ પછી તેને 1981માં ‘મુકરાર’, 1982માં ‘તરન્નુમ’, 1983માં ‘મહેફિલ’ જેવા આલ્બમ્સથી ઓળખ મેળવી. ફિલ્મી પડદા પર તેમને મહેશ ભટ્ટની ફિલ્મ ‘નામ’ માટે માત્ર ‘ચિઠ્ઠી આયી હૈ’ ગીત જ ગાયું ન હતું, પરંતુ ફિલ્મમાં તેમને રજૂ કરતા પણ જોવા મળ્યા હતા. આ ગીત માત્ર સુપરહિટ જ નથી થયું, પણ ઘણા રેકોર્ડ પણ બનાવ્યા છે. 2006 માં, પંકજ ઉધાસને પદ્મશ્રી, ભારતનો ચોથો સર્વોચ્ચ નાગરિક પુરસ્કાર એનાયત કરવામાં આવ્યો હતો.

પંકજ ઉધાસના 10 સૌથી પ્રખ્યાત ગીતો અને ગઝલો

ચિઠ્ઠી આયી હૈ (નામ)

ચાંદી જૈસા રંગ હૈ તેરા

થોડી થોડી પિયા કરો

આહિસ્તા- આહિસ્તા

ના કજરે કી ધાર

જિયે તો જિયે કૈસે બિન આપકે

સબકો માલૂમ હૈ મૈં શરાબી નહીં

એક તરફ ઉસકા ઘર

ઘુંઘરૂ ટૂટ ગયે

ચુપકે ચુપકે સખિયો સે વો બાતેં કરના ભૂલ ગયે

આ પણ વાંચો: જિયે તો જિયે કૈસે બિન આપકે ફેમસ ગઝલ સમ્રાટ પંકજ ઉધાસનું થયું નિધન, જાણો તેમની લવસ્ટોરી

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો