સામંથાની ‘યશોદા’થી લઈને બિગ બીની ‘ઊંચાઈ’ સુધી, આ અઠવાડિયે મળશે મનોરંજનનો મહાડોઝ

સિનેમા પ્રેમીઓ માટે નવેમ્બર મહિનો મનોરંજનથી ભરપૂર રહેવાનો છે. જોકે, અત્યાર સુધી રિલીઝ થયેલી ફિલ્મો અને વેબ સિરીઝમાંથી લોકોને મનોરંજનનું સંપૂર્ણ પેકેજ મળ્યું છે. તે જ સમયે, હવે બીજું અઠવાડિયું પણ OTT પ્લેટફોર્મ પર નવા અને મનોરંજક શોથી ભરેલું રહેવાનું છે. આ અઠવાડિયે એક-બે નહીં પરંતુ પુરી 7 ફિલ્મો સિનેમાહોલ અને OTT પર રિલીઝ થવાની તૈયારીમાં છે. તો ચાલો જાણીએ કઈ છે તે ફિલ્મો?

‘બ્લેક પેન્થર: વકંડા ફોરેવર’

સૌથી વધુ રાહ જોવાતી ‘બ્લેક પેન્થર: વકંડા ફોરેવર’ અથવા ફક્ત ‘બ્લેક પેન્થર 2’ આગામી શુક્રવારે વિશ્વભરમાં બોક્સ ઓફિસ પર ધમાલ મચાવવા માટે તૈયાર છે. તે 11 નવેમ્બરે ભારતમાં ચારેય ભાષાઓ અંગ્રેજી, હિન્દી, તમિલ અને તેલુગુમાં રિલીઝ થઈ રહી છે.

યશોદા

આ ફિલ્મ ઘણી ભાષાઓમાં પણ રિલીઝ થઈ છે. ‘યશોદા’માં લીડ રોલમાં ‘ફેમિલી મેન’ની રાજી મતલબ કે સામંથા રૂથ પ્રભુ મુખ્ય ભૂમિકામાં છે.

રાણા

કન્નડ ફિલ્મ ‘રાણા’ એ તેના દમદાર ટ્રેલર દ્વારા તેની રિલીઝ પહેલાં ખૂબ જ ધૂમ મચાવી દીધી છે. આ એક એક્શન થ્રિલર ફિલ્મ છે અને ટ્રેલર મુજબ તે હાઈ-ઓક્ટેન એક્શન સીન્સવાળી ફિલ્મ છે.

મોનિકા ઓ માય ડાર્લિંગ

મોનિકા ઓ માય ડાર્લિંગ એ એક ડાર્ક કોમેડી છે. જેમાં રાજકુમાર રાવ, હુમા કુરેશી અને રાધિકા આપ્ટે મુખ્ય ભૂમિકામાં છે. Netflix પર તેનું સ્ટ્રીમિંગ 11 નવેમ્બરથી શરૂ થશે.

ઊંચાઈ

‘ઊંચાઈ’માં પીઢ અભિનેતા અમિતાભ બચ્ચન, અનુપમ ખેર, બોમન ઈરાની અને નીના ગુપ્તા છે. આ ફિલ્મમાં પરિણીતી ચોપરા પણ છે, જે માઉટેનર ટ્રેનરની ભૂમિકા ભજવી રહી છે.