No Makeup Look: ભૂમિ પેડનેકરે મેકઅપ વગરની સેલ્ફી શેર કરીને ચાહકોને ચોંકાવી દીધા, અભિનેત્રીને ઓળખવી બની મુશ્કેલ

મનોરંજનની દુનિયા સાથે જોડાયેલા સેલેબ્સની ઈમેજ તેમના ફેન્સની સામે અલગ જ પ્રકારની બને છે. ખાસ કરીને અભિનેત્રીઓની (Bollywood Actress) વાત કરવામાં આવે તો તેઓ ભાગ્યે જ મેકઅપ વગર જાહેરમાં જોવા મળે છે, પરંતુ હવે અભિનેત્રીઓ પણ પોતાને સામાન્ય લોકોની જેમ દેખાડી રહી છે. અભિનેત્રી ભૂમિ પેડનેકરે (Bhumi Pednekar) સોશિયલ મીડિયા પર પોતાની મેકઅપ વગરની તસવીર શેર કરીને બધાને ચોંકાવી દીધા છે. જોકે અભિનેત્રી મેકઅપ વિના સાવ અલગ જ દેખાય છે. તેની આ સેલ્ફી જોઈને તેના ફેન્સ ચોંકી ગયા છે. આ ચાહકો માટે થોડું આશ્ચર્યજનક છે. પરંતુ તેમના ઘણા ચાહકો તેમની આ તસવીરને પસંદ કરી રહ્યા છે અને મેકઅપ વિના પણ તેમને સુંદર કહી રહ્યા છે. ભૂમિ તેના સ્ટાઇલિશ વ્યક્તિત્વ (Bhumi Pednekar Photos) માટે પણ જાણીતી છે.

ભૂમિ પેડનેકરની ઇન્સ્ટાગ્રામ પોસ્ટ

બોલિવૂડ અભિનેત્રી ભૂમિ પેડનેકર એવી અભિનેત્રીઓમાંની એક છે જે ન માત્ર પોતાના કામથી લોકોને પ્રભાવિત કરે છે, સાથે જ પોતાના લુકથી ચાહકોને પણ આશ્ચર્યચકિત કરે છે. તાજેતરમાં, જ્યારે ભૂમિએ તેના ઇન્સ્ટાગ્રામ એકાઉન્ટ પરથી મેકઅપ વિનાની સેલ્ફી શેર કરી, ત્યારે દરેક તેને જોઈને દંગ રહી ગયા હતા. તે મેકઅપ વિના સંપૂર્ણપણે અલગ દેખાય છે. ઘણા લોકો તેને બહાદુર કહી રહ્યા છે, જેમણે આવી તસવીર શેર કરી છે. તેના ઘણા ચાહકો તેને ઓળખી પણ નથી શકતા અને એવા ઘણા ચાહકો છે જે તેની તસવીર પર ખૂબ જ પ્રેમથી સારી કમેન્ટ કરી રહ્યા છે.

કરિયરની શરૂઆતમાં જાડી સ્ત્રીની ભૂમિકા ભજવી હતી

ભૂમિએ તેની કારકિર્દીની શરૂઆતમાં બધાને કહ્યું હતું કે, તે અલગ છે, તેણે એક પાત્ર ભજવ્યું હતું જેમાં તેણે તેનું વજન ઘણું વધાર્યું હતું. ત્યારથી, તેણીએ તરત જ આગામી ફિલ્મ માટે વજન ઘટાડ્યું અને પડકાર સ્વીકારનાર અભિનેતાઓમાંની એક છે. મેકઅપ વગરની આ સેલ્ફી તેની બોલ્ડનેસનું ઉદાહરણ છે.

ભૂમિ હાલમાં જ કાર્તિક આર્યન અને અનન્યા પાંડે સાથે ફિલ્મ ‘દુર્ગાવતી’ અને ‘પતિ પત્ની ઔર વો’માં જોવા મળી હતી. તે ટૂંક સમયમાં વિકી કૌશલ સાથે ફિલ્મ ‘ગોવિંદા નામ મેરા’માં જોવા મળશે. આ સાથે તે અક્ષય કુમારની ફિલ્મ ‘રક્ષા બંધન’માં પણ જોવા મળશે.

આ પણ વાંચો: Gehraiyaan: રણવીર સિંહે દીપિકા પાદુકોણની ‘ગહરાઈયાં’ના ટ્રેલરની કરી પ્રશંસા, કહી દીધુ કંઈક આવું

આ પણ વાંચો: Sushant Singh Rajput Birthday: સુશાંત સિંહના 10 બેસ્ટ ફિલ્મી ડાયલોગ્સ, જે હંમેશા ફેન્સના મનમાં ગુંજતા રહેશે