બધા જાણે છે કે મલાઈકા અરોરા અને અરબાઝ ખાન હવે અલગ થઈ ગયા છે. આ હોવા છતાં, એક જોડાણ એ છે જે બંનેને એક સાથે રાખે છે, તે છે તેમનો પુત્ર. હા, અરહાન ખાન પણ એક સ્ટાર કિડ તરીકે બોલિવૂડમાં એન્ટ્રી કરવા જઈ રહ્યો છે. આ સાથે હવે અરહાન પણ સુહાના ખાન, ન્યાસા દેવગન અને અનન્યા પાંડેની જેમ ફિલ્મો કરવા જઈ રહ્યો છે. તો ચાલો જાણીએ તે કઈ ફિલ્મમાં આવવાનો છે.
તમને જણાવી દઈએ કે અરહાન અરબાઝ અને મલાઈકાનો એકમાત્ર પુત્ર છે. તાજેતરના એક ઇન્ટરવ્યુ દરમિયાન, અરબાઝે તેના પુત્ર અરહાન ખાનની બોલિવૂડ કારકિર્દી વિશે વાત કરી. તમને જણાવી દઈએ કે અરહાન અમેરિકામાં ફિલ્મ મેકિંગનો કોર્સ કરી રહ્યો છે. તેણે તાજેતરમાં જ ફિલ્મમેકર કરણ જોહરની એક ફિલ્મમાં આસિસ્ટ કર્યું હતું. સમાચાર અનુસાર, તે તેના પિતાને ફિલ્મ નિર્માણમાં વધુ મદદ કરશે.
અરબાઝ અને મલાઈકાની વાત કરીએ તો આ કપલે 1998માં લગ્ન કર્યા હતા. જે બાદ લગ્નના 18 વર્ષથી વધુ સમય વીતાવ્યા બાદ મે 2017માં બંનેએ છૂટાછેડા લીધા હતા. તેમના પુત્ર અરહાનનો જન્મ 9 નવેમ્બર 2002ના રોજ થયો હતો. જ્યારે પૂછવામાં આવ્યું કે, શું અરહાન બોલિવૂડમાં એન્ટ્રી કરશે તો જવાબમાં અરબાઝે કહ્યું કે, તે તેની આગામી ફિલ્મ ‘પટના શુક્લા’માં તેની સાથે કામ કરવા માટે એક્સાઈટેડ છે.
તમને જણાવી દઈએ કે, સ્ટારકિડ અરહાન ખાન તેની માતા અને પિતા બંનેની ખૂબ નજીક છે. તે ઘણીવાર મલાઈકા સાથે પણ જોવા મળે છે. ઈન્ટરવ્યુ દરમિયાન અરબાઝે જણાવ્યું કે, તેના પુત્રએ હાલમાં જ કરણ જોહર સાથે એક પ્રોજેક્ટમાં કામ કર્યું છે અને તે તેની આગામી ફિલ્મમાં તેના મારી સાથે કામ કરશે. તે તેની આગામી ફિલ્મ ‘પટના શુક્લા’માં તેની સાથે કામ કરવા માટે એક્સાઈટેડ છે. કારણ કે તે ફિલ્મ મેકિંગ શીખવા માંગે છે.