TV9 GUJARATI | Edited By: Bhavesh Bhatti
Aug 24, 2021 | 4:53 PM
બોલીવૂડની એક્ટ્રેસ કૃતિ સેનન (Kriti Sanon) પોતાની ફેશન સેન્સથી ઘણી વાર લોકોને ઇમ્પ્રેસ કરતી હોય છે.
આ વખતે કૃતિ લાલ રંગના લહેંગામાં જોવા મળી રહી છે. તેનું નવુ બ્રાઇડલ ફોટોશૂટ હાલ સોશિયલ મીડિયા પર છવાયેલુ છે.
કૃતિએ પ્રખ્યાત ફેશન ડિઝાઇનર મનીષ મલ્હોત્રા દ્વારા ડિઝાઇન કરેલી ચોલી પહેરી છે. 23 થી 29 ઓગસ્ટ વચ્ચે ઇન્ડિયા કૉઉચર વીર 2021 શરૂ થઇ ચૂક્યુ છે. આ ફેશન વીકની શરૂઆત મનીષ મલ્હોત્રાએ પોતાના કલેક્શન નૂરાનિયત સાથે કરી છે. જેમાં કૃતિ દુલ્હનના અવતારમાં જોવા મળી.
કૃતિની ચોલીમાં મોટિક, સ્ટોન અને મિરર વર્કની સાથે ભરતકામ કરવામાં આવ્યુ છે. આ ચોલી સાથે તેણે હેવી જ્વેલરી પણ પહેરી હતી. લહેંગા સાથે કૃતિએ માંગ ટીકો, કલીરા, ટ્રેડિશનલ નેક પીસ પહેર્યો હતો. એક્ટ્રેસે લહેંગામાં ઘણા બધા પોઝ આપ્યા.
કૃતિ આ લહેંગામાં ખૂબ સુંદર લાગી રહી હતી. આ હેવી લહેંગા સાથે તેણે ડીપ કટ ચોલી પહેરી હતી. બ્લાઉઝ પર પણ લહેંગાની મેચિંગ એમ્બ્રોઇડરી કરવામાં આવી હતી. તેના દુપટ્ટામાં ગોટા પટ્ટીનું કામ પણ કરવામાં આવ્યુ છે.
મેકઅપની વાત કરીએ તો કૃતિએ સ્મોકી આઇઝ, કોહલ કાજલ, શિમરી આઇશેડો, રેડ લિપ્સટીક લગાવી હતી.