ઋતિક રોશનની કઝીન પશ્મિનાને ડેટ કરી રહ્યો છે કાર્તિક આર્યન? બોલિવૂડને મળ્યું નવું કપલ !

બોલિવૂડ એક્ટર કાર્તિક આર્યન હાલમાં ઋતિક રોશનની કઝિન પશ્મિના સાથે ‘ક્વોલિટી ટાઈમ’ સ્પેન્ડ કરતો જોવા મળ્યો છે. રિપોર્ટનું માનીયે તો બંને એકબીજાને ડેટ કરી રહ્યાં છે. તમને જણાવી દઈએ કે પશ્મિના રાજેશ રોશનની પુત્રી છે. કાર્તિક અને પશ્મિના મીડિયાની નજરથી દૂર એકબીજાના ઘરે મળી રહ્યા છે. મીડિયા રિપોર્ટ્સ મુજબ જ્યારે એક્ટર શૂટિંગ પર નથી હોતા, ત્યારે તેઓ પશ્મિના સાથે તેમના ઘરે ટાઈમ સ્પેન્ડ કરવાનું પસંદ કરે છે. બંનેએ ઘણી વખત તેમના વાહનો તેમના ઘરથી દૂર મોકલી દીધા છે જેથી મીડિયાને તેમના પર શંકા ન થાય.

દિવાળીના દિવસે પણ પશ્મિના સાથે જોવા મળ્યો હતો કાર્તિક?

કાર્તિક દિવાળીના દિવસે પણ તેની નવી મૈકલારેનમાં પણ પશ્મિના સાથે જોવા મળ્યો હતો. બંને જીઓ વર્લ્ડ ડ્રાઈવ પર જોવા મળ્યા હતા. આ પહેલા કાર્તિક આર્યનનું નામ લવ આજ કલની કો-સ્ટાર સારા અલી ખાન અને લાઈગર એક્ટ્રેસ અનન્યા પાંડે સાથે જોડાઈ ચૂક્યું છે. પરંતુ એક્ટરે આ અફવાઓ પર ક્યારેય કંઈ કહ્યું નથી. હાલમાં જ તે કૃતિ સેનન સાથે ડેટિંગ કરી રહ્યો હોવાના અહેવાલો પણ સામે આવ્યા હતા.

‘ફ્રેડી’માં જોવા મળશે બોલિવૂડ એક્ટર

વર્કફ્રન્ટની વાત કરીએ તો કાર્તિક આર્યનની નવી ફિલ્મ ફ્રેડીનું ટીઝર રિલીઝ કરવામાં આવ્યું છે. કાર્તિક એક ઇન્ટ્રોવર્ટ ડેન્ટિસ્ટની ભૂમિકા ભજવી રહ્યો છે, જે દેખાવમાં એકદમ સિમ્પલ છે પરંતુ તેનો ઈરાદો બિલકુલ સાચો નથી. તે દિવસભર દર્દીઓની સારવાર કરે છે અને રાત્રે સિરિયલ કિલર બની જાય છે. હાલમાં તે સત્ય પ્રેમ કી કથા ફિલ્મના શૂટિંગમાં બિઝી છે, જેમાં તેની સાથે કિયારા અડવાણી જોવા મળશે.

ટૂંક સમયમાં બોલિવૂડમાં ડેબ્યૂ કરશે પશ્મિના

જો આપણે કાર્તિક આર્યનની કથિત ગર્લફ્રેન્ડ પશ્મિના રોશનની વાત કરીએ તો તે ટૂંક સમયમાં બોલિવૂડમાં ડેબ્યૂ કરવા જઈ રહી છે. પશ્મિના ફેમસ ફિલ્મ ઈશ્ક વિશ્કની સિક્વલથી એક્ટિંગ કરિયરની શરૂઆત કરશે. તેની ફિલ્મનું નામ ઈશ્ક વિશ્ક રિબાઉન્ડ હશે. આ ફિલ્મમાં રોહિત સરાફ પશ્મિના સાથે જોવા મળશે. શહીદ કપૂરે ફિલ્મ ઈશ્ક વિશ્કથી બોલિવૂડમાં ડેબ્યૂ કર્યું હતું . આ ફિલ્મમાં તેની સાથે અમૃતા રાવ જોવા મળી હતી. આ ફિલ્મ યુવાનોને ઘણી પસંદ આવી હતી.