Koffee With Karan 7 Promo : સેલિબ્રિટીઝ સામે વિનંતી કરતો જોવા મળ્યો કરણ જોહર, ‘કોફી વિથ કરણ 7’થી અંતર રાખી રહ્યા છે સ્ટાર્સ!
Koffee With Karan Season 7: કરણ જોહરના આ વીડિયો પર દર્શકો તરફથી પણ ઘણી પ્રતિક્રિયા મળી રહી છે. દરેક વ્યક્તિએ જાણવા માટે ઉત્સુક છે કે કરણ જોહરની સામે સોફા પર બેસીને તેના રહસ્યો જાહેર કરનારા આ સિઝનના પ્રથમ સેલિબ્રિટી કોણ હશે?
Karan Johar Kofffe With Karan 7 Promo Video: ફિલ્મ નિર્માતા કરણ જોહરનો લોકપ્રિય અને વિવાદાસ્પદ ચેટ શો કોફી વિથ કરણની સીઝન 7 ટૂંક સમયમાં પ્રસારિત થવા જઈ રહી છે. આ શોનો નવો પ્રોમો આજે એટલે કે મંગળવારે શેર કરવામાં આવ્યો હતો. જેમાં કરણ જોહર (Karan Johar) ખૂબ જ આશ્ચર્યચકિત અને પરેશાન જોવા મળ્યો હતો. કરણ જોહરનો આ શો ડિઝની પ્લસ હોટસ્ટાર પર 7 જુલાઈથી પ્રસારિત થવા જઈ રહ્યો છે અને દર્શકો તેના માટે ખૂબ જ ઉત્સાહિત છે. તે ઉત્સાહિત છે કારણ કે તેને ફરી એકવાર સેલિબ્રિટીઓના રહસ્યો સાંભળવા મળશે, જેનાથી તે અત્યાર સુધી અજાણ હતો.
કરણ જોહરે સ્ટાર્સની સામે તેને શોમાં આમંત્રણ આપવા કરી વિનંતી
જો કે, નવો પ્રોમો જોયા પછી, ચાહકો થોડી મૂંઝવણમાં હશે, કારણ કે કરણ સેલિબ્રિટીઓને ફોન કરીને તેમના શોમાં આવવા માટે વિનંતી કરતો જોવા મળે છે. કરણ આવું કેમ કરી રહ્યો છે, તે આ પ્રોમો વીડિયોમાં જોવું રસપ્રદ છે. કોફી વિથ કરણ સીઝન 7 ના નવા પ્રોમો વીડિયોમાં તમે જોશો કે કરણ જોહર તેના નફરત કરનારાઓને તેની પોતાની શૈલીમાં ચૂપ કરતો જોવા મળી રહ્યો છે. તે પોતાની મજાક ઉડાવે છે અને સતત સેલિબ્રિટીને ફોન કરીને તેમના શોમાં હાજર રહેવા વિનંતી કરે છે.
વીડિયોમાં, તમે કરણ જોહરને કહેતા સાંભળી શકો છો કે તમે મને પ્રેમ કરી શકો છો, મને નફરત કરી શકો છો, પણ કોફી વિથ કરણ સીઝન 7થી દૂર નથી જઈ શકતા. તો શું તમે તૈયાર છો? આ પછી, વીડિયોમાં બતાવવામાં આવ્યું છે કે કરણ જોહર એક પછી એક ઘણા સ્ટાર્સને ફોન કરે છે અને શોમાં આવવા માટે કહે છે. આટલું જ નહીં, તે શોમાં આવવા માટે સેલિબ્રિટીઝને કેટલીક ગિફ્ટ્સ આપવાની વાત પણ કરે છે અને કરણ જોહર કોઈને કહેતા સાંભળવામાં આવ્યો હતો કે મેં તમને બ્રેક આપ્યો છે.
કોફી વિથ કરણ 7નો નવો પ્રોમો વીડિયો અહીં જુઓ……..
Screw it, I’m still going to brew it!☕#HotstarSpecials #KoffeeWithKaran S7 new season starts 7th July only on Disney+ Hotstar.@DisneyPlusHS @apoorvamehta18 @jahnvio @aneeshabaig @Dharmatic_ pic.twitter.com/3uNqZhEW5c
— Karan Johar (@karanjohar) June 28, 2022
કરણ જોહરના આ વીડિયો પર દર્શકો તરફથી પણ ઘણી પ્રતિક્રિયા મળી રહી છે. દરેક વ્યક્તિ એ જાણવા માટે ઉત્સુક છે કે આ સિઝનની પહેલી સેલિબ્રિટી કોણ હશે, જે કરણ જોહરની સામે સોફા પર બેસીને તેના રહસ્યો જાહેર કરશે?
તમને જણાવી દઈએ કે કરણ જોહરના આ શોમાં આ વખતે નવી જોડી સોફા પર બેઠેલી બતાવવામાં આવશે. આ સિઝન માટે ઘણા ઈ-લિસ્ટર્સના નામ જાહેર કરવામાં આવ્યા છે. જેમાં સમંથા રૂથ પ્રભુ, આલિયા ભટ્ટ, અક્ષય કુમાર, રણબીર કપૂર, રશ્મિકા મંદન્ના, સિદ્ધાંત ચતુર્વેદી, કેટરિના કૈફ જેવા સ્ટાર્સનો સમાવેશ થાય છે.