Jolly LLB 3: આ વખતે સાથે જોવા મળશે બંને ‘જોલી’, સોશિયલ મીડિયા પર મીમ્સ થયા વાયરલ

જોલી એલએલબીને (Jolly LLB) બોલિવૂડની બેસ્ટ ફિલ્મોમાંની એક ગણવામાં આવે છે. આ ફિલ્મના અત્યાર સુધીમાં બે ભાગ બની ચૂક્યા છે. પહેલા જોલી એલએલબીમાં અરશદ વારસી (Arshad Warsi) જોવા મળ્યો હતો, ત્યારબાદ તેની સિક્વલ એટલે કે જોલી એલએલબી 2માં અક્ષય કુમાર (Akshay Kumar) જોવા મળ્યો હતો. બંને કલાકારોએ શાનદાર કામ કર્યું હતું અને આ જ કારણ છે કે બંને ફિલ્મોને થિયેટરોમાં દર્શકોએ ખૂબ પસંદ કરી હતી. હવે સમાચાર આવી રહ્યા છે કે જોલી એલએલબી 3 પણ આવવાની છે, જેમાં અરશદ વારસી અને અક્ષય કુમારની ટક્કર જોવા મળી શકે છે. નિર્દેશક સુભાષ કપૂરની આ ફિલ્મમાં બંને સાથે જોવા મળશે અને સૌથી મહત્વની વાત એ છે કે ત્રીજા ભાગમાં પણ એક્ટર સૌરભ શુક્લા જજ તરીકે જોવા મળશે.

તમને જણાવી દઈએ કે એલએલબીમાં અરશદ વારસી એક હિટ એન્ડ રનનો કેસ લડતો જોવા મળ્યો હતો, જ્યારે જોલી એલએલબી 2માં અક્ષય કુમાર એક ફેક એન્કાઉન્ટર કેસની વકીલાત કરતો જોવા મળ્યો હતો. હવે એવું કહેવામાં આવી રહ્યું છે કે આ ત્રીજી ફિલ્મ પણ એ જ પ્રકારનો કમાલ બતાવશે, જેવી કમાલ અન્ય બે ફિલ્મોમાં બતાવવામાં આવી હતી. સોશિયલ મીડિયા પર તેની ચર્ચા થઈ રહી છે. કેટલાક લોકોનું કહેવું છે કે આ ફિલ્મ જબરદસ્ત હશે, દર્શકો તેની રાહ જોઈ રહ્યા છે, તો કેટલાક લોકો આ પર અલગ અલગ ફની મીમ્સ બનાવીને શેયર કરી રહ્યા છે.

જુઓ ફની મીમ્સ