Jhalak Dikhlaa Jaa : હવે સેલિબ્રિટીઓના ડાન્સ રિયાલિટી શો કલર્સ ટીવી પર નહીં પરંતુ આ ચેનલ પર થશે શરૂ
'ઝલક દિખલા જા' ઈન્ટરનેશનલ ડાન્સ રિયાલિટી શો 'ડાન્સિંગ વિથ સ્ટાર્સ'થી ભારે પ્રભાવિત છે. આ શોની અત્યાર સુધી 10 સીઝન આવી ચૂકી છે. તમારા મનપસંદ સ્ટાર્સને ડાન્સ કરાવતો આ રિયાલિટી શો ફરી એકવાર આવી રહ્યો છે. આ વખતે આ શો કલર્સ પર નહીં પરંતુ આ ટીવી ચેનલ પર કમબેક કરી રહ્યો છે.
સેલિબ્રિટી ડાન્સ રિયાલિટી શો ‘ઝલક દિખલા જા‘ ટૂંક સમયમાં ટીવી પર કમબેક કરી રહ્યો છે, જોકે એક વર્ષ પછી શરૂ થનારો આ શો કલર્સ ટીવી પર નહીં પરંતુ સોની ટીવી પર પ્રસારિત થશે. તમને જણાવી દઈએ કે, ઝલક દિખલા જાની શરૂઆત સોની ટીવીથી જ થઈ હતી. પરંતુ ચાર સિઝન પછી આ ધમાકેદાર શો સોની ટીવીમાંથી કલર્સ ટીવી પર બદલાઈ ગયો. હવે 6 સીઝન બાદ ફરી એકવાર આ ડાન્સ રિયાલિટી શો તેની મૂળ ચેનલ પર પરત ફરી રહ્યો છે.
આ પણ વાંચો : ‘ઝલક દિખલા જા’ શો હોસ્ટ કરવા ગયો હતો Kapil Sharma, વજન ઉતારવાની મળી ગઇ સલાહ અને આ રીતે શરૂ થયો The Kapil Sharma Show
સોની ટીવીએ શેર કર્યા સમાચાર
નવી ચેનલની સાથે ‘ઝલક દિખલા જા’માં નવા જજ પણ જોવા મળશે. આ શોની સીઝન 10 માધુરી દીક્ષિત, કરણ જોહર, નોરા ફતેહી અને ટેરેન્સ લુઈસ દ્વારા હોસ્ટ કરવામાં આવી હતી. પરંતુ હવે ચેનલની સાથે આ શોની જજ પેનલ પણ સંપૂર્ણપણે બદલાઈ જશે. તેના ઓફિશિયલ સોશિયલ મીડિયા હેન્ડલ પર ચાહકો સાથે આ સારા સમાચાર શેર કરતી વખતે સોની ટીવીએ લખ્યું છે કે તેમનો મનપસંદ શો ટૂંક સમયમાં તેની પુનરાગમન કરવા માટે તૈયાર છે.
જાણો ‘ઝલક દિખલા જા’ સીઝન 1 વિશે
ઝલક દિખલા જા સિઝન 1ની શરૂઆત વર્ષ 2006માં થઈ હતી. શિલ્પા શેટ્ટી, ફરાહ ખાન અને સંજય લીલા ભણસાલી આ શોના જજ હતા. ‘જસ્સી જૈસી કોઈ નહીં’ ફેમ મોના સિંહે આ શો જીત્યો હતો, જ્યારે શ્વેતા સાલ્વે આ સિઝનની રનર અપ બની. પ્રથમ સિઝન ખૂબ જ સફળ હોવા છતાં ત્રણેય જજોએ પ્રથમ સિઝન પછી શો છોડી દીધો.
નિયા શર્માથી લઈને રૂબીના સુધીની ઘણી જાણીતી હસ્તીઓએ ભાગ લીધો છે
આ શોમાં શિબાની અખ્તરથી લઈને દ્રષ્ટિ ધામી, નિયા શર્મા, રૂબિના દિલાઈક સુધીની ઘણી જાણીતી હસ્તીઓએ ભાગ લીધો છે. ગુરમીત ચૌધરી, દ્રષ્ટિ ધામી, આશિષ શર્મા પણ આ શોના વિનર રહી ચૂક્યા છે. સુશાંત સિંહ રાજપૂત પણ સ્પર્ધક તરીકે ‘ઝલક દિખલા જા’નો ભાગ હતો.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો