Google Doodle : ઘર બળી ગયું, જીવ બચાવવા ટ્રક ડ્રાઈવર સાથે કર્યા લગ્ન, જાણો PK Rosy ની સ્ટોરી

PK Rosy Google Doodle : ગૂગલ ડૂડલે મલયાલમ સિનેમાની પ્રથમ મહિલા અભિનેત્રી પીકે રોઝીને આજે તેમના જન્મદિવસના અવસર પર સન્માનિત કર્યા છે. 1903માં તિરુવનંતપુરમમાં જન્મેલી રોઝીનું જીવન ખૂબ જ મુશ્કેલ હતું. રોઝીનું સાચું નામ રાજમ્મા હતું, પરંતુ બધા તેને પ્રેમથી રોઝી કહેતા. રોઝીના પિતાનું અચાનક અવસાન થયું હતું. પિતાનો પડછાયો માથા પરથી ઊઠતાની સાથે જ અભિનેત્રીનો પરિવાર ધીમે-ધીમે ગરીબી તરફ આગળ વધવા લાગ્યો.

આ પણ વાંચો : Google Doodle: વર્ષના અંતિમ દિવસની ઉજવણી કરતા ગૂગલે નવા વર્ષની પૂર્વ સંધ્યાએ બનાવ્યું ખાસ ડૂડલ

રોઝીએ તેના ઘરનો આધાર બનવા માટે શરૂઆતમાં ઘાસ કાપવાનું શરૂ કર્યું. રોઝીએ ખૂબ જ નાની ઉંમરે અભિનેત્રી બનવાનું નક્કી કરી લીધું હતું. અભિનયનો જુસ્સો તેના માથા પર એટલો હતો કે તેણે તેના માટે ઘણું ગુમાવ્યું. રોઝીમાં કલાની ઓળખ તેના કાકા દ્વારા થઈ હતી. રોઝીનું જીવન અનેક પ્રશ્નોથી ઘેરાયેલું છે. એવું માનવામાં આવે છે કે રોઝીએ ધર્મ પરિવર્તન કરી લીધું હતું, તેથી તેનું નામ રોઝમ્માથી બદલીને રોઝી થઈ ગયું.

લોકોની માનસિકતા તોડી નાખી

રોઝીએ સિનેમા જગતનો હિસ્સો બનવાનું મન બનાવ્યું જ્યારે તેને મહિલાઓ માટે સારું માનવામાં આવતું ન હતું. રોઝીએ મલયાલમ ફિલ્મ વિગાથાકુમારન (ધ લોસ્ટ ચાઈલ્ડ)માં અભિનય કર્યો હતો અને તેણે પોતાના આ કદમની સાથે લોકોની માનસિકતા પણ તોડી નાખી હતી. જો કે તે એટલું સરળ પણ નહોતું. જ્યાં કેટલાક લોકોએ તેનું સમર્થન કર્યું તો ઘણા લોકોએ તેના આ પગલાનો વિરોધ કર્યો.

એક સમય એવો આવ્યો કે, જ્યારે રોઝીએ પોતાનું જીવન ગુમનામીમાં વિતાવવું પડ્યું. ગુમનામીનો અંધકાર એટલો ઘેરો હતો કે, આજે ગુગલ પાસે માત્ર રોઝીની ઝાંખી તસવીર જ ઉપલબ્ધ છે. પીકે રોઝી ભારતીય સિનેમાની પ્રથમ મલયાલમ અભિનેત્રી બની હતી. રોઝીની પહેલી ફિલ્મ વિગથાકુમારન (ધ લોસ્ટ ચાઈલ્ડ) રિલીઝ પહેલાં જ સમાચારમાં હતી. કારણ હતું આ ફિલ્મની સામે થઈ રહેલો વિરોધ. એક સમુદાયને સિનેમામાં કામ કરતી મહિલા બિલકુલ પસંદ ન હતી.

ટ્રક ડ્રાઈવર સાથે કર્યા લગ્ન

આ વિરોધ એટલો વધી ગયો હતો કે, ઉચ્ચ જાતિના લોકોએ રોઝીનું ઘર પણ સળગાવી દીધું હતું. તે દરમિયાન લોકોમાં રોઝી માટે ઘણો ગુસ્સો હતો. જેના કારણે રોઝી પોતાનો જીવ બચાવવા ત્યાંથી ભાગી ગઈ હતી. જ્યારે રોઝીએ એક ટ્રક જોયો ત્યારે તે ગઈ અને તેમાં સંતાઈ ગઈ. આ ટ્રક તામિલનાડુ તરફ જઈ રહ્યો હતો. જે પછી રોઝીએ ટ્રક ડ્રાઈવર સાથે લગ્ન કર્યા અને બાકીનું જીવન ‘રાજમ્મલ’ બનીને વિતાવ્યું.