Film On Baba Bageshwar : બાગેશ્વર ધામના બાબા પર બનવા જઈ રહી છે ફિલ્મ, આ ડાયરેક્ટરે કરી જાહેરાત

Film On Baba Bageshwar : છેલ્લા કેટલાક સમયથી એક નામ દરેક જગ્યાએ ચર્ચામાં છે. એ નામ બાગેશ્વર ધામના બાબા એટલે કે ધીરેન્દ્ર શાસ્ત્રીનું છે. દરરોજ એક યા બીજા કારણોસર તેઓ ચર્ચામાં રહે છે. આજના સમયમાં તેના લાખો ચાહકો છે. જો કે કેટલાક લોકો તેના જ્ઞાન પર પણ સવાલ ઉઠાવે છે. હવે માહિતી સામે આવી રહી છે કે બાબા પર ફિલ્મ બનવા જઈ રહી છે.

આ પણ વાંચો : Bageshwar Baba: ધીરેન્દ્ર શાસ્ત્રીના દરબારમાં ભક્તોની ભીડ, બાબાએ કહ્યું- રામ રાજ્યની સ્થાપના સુધી વારંવાર બિહાર આવીશ

હા, બાબા બાગેશ્વર પર ફિલ્મ બનવા જઈ રહી છે. આ ફિલ્મનું નામ ‘ધ બાગેશ્વર સરકાર’ હશે, જે નોસ્ટ્રમ એન્ટરટેઈનમેન્ટ હબના બેનર હેઠળ બનાવવામાં આવશે. આ ફિલ્મનું નિર્દેશન વિનોદ તિવારી કરવાના છે. નોંધપાત્ર વાત એ છે કે આજના સમયમાં બાબાના લાખો ભક્તો છે. આવી સ્થિતિમાં આ ફિલ્મની જાહેરાત તેના ફેન્સ માટે સારા સમાચારથી ઓછી નહીં હોય.

વિનોદ તિવારીએ ફિલ્મ બનાવવાનું કેમ કર્યું નક્કી?

વિનોદ તિવારીએ કહ્યું કે, બાબા બાગેશ્વરના અનુયાયીઓ આખી દુનિયામાં છે. લોકોનો તેના પ્રત્યેનો પ્રેમ જોઈને તેણે ફિલ્મ બનાવવાનું નક્કી કર્યું. આ ફિલ્મમાં બાબાના જીવન, તેમના સંઘર્ષ અને તેમના વ્યક્તિત્વની ઝલક જોવા મળશે. વિનોદ તિવારી કહે છે કે બાબા જે રીતે સનાતનીઓને એક કરવા માટે કામ કરી રહ્યા છે. તેનાથી તેઓ ખૂબ જ પ્રભાવિત થયા છે.

આ ફિલ્મોને ડાયરેક્ટ કરી ચૂક્યા છે વિનોદ તિવારી

તમને જણાવી દઈએ કે, વિનોદ તિવારીએ આ પહેલા પણ ઘણી ફિલ્મો બનાવી છે. તેમની ફિલ્મોમાં ‘ધ કન્વર્ઝન’, ‘તેરી ભાભી હૈ પગલે’, ‘તબદલા’ જેવા અનેક નામ સામેલ છે. અને હવે તે ધીરેન્દ્ર શાસ્ત્રી પર ફિલ્મ લાવશે. હવે જોવાનું એ રહેશે કે આ ફિલ્મ વિશે વધુ માહિતી સામે આવે છે કે કેમ અને આ ફિલ્મ ક્યારે જોવા મળશે.