RRRએ વિદેશી ભાષાના 3 શ્રેષ્ઠ એવોર્ડ જીત્યા, વિદેશી ધરતી પર ધૂમ મચાવી રહી છે ફિલ્મ
RRR Awards : એસએસ રાજામૌલીની ફિલ્મ RRR વિદેશમાં ધૂમ મચાવી રહી છે. આ ફિલ્મને 28મા વાર્ષિક ક્રિટિક્સ ચોઈસ એવોર્ડ્સમાં પાંચ નોમિનેશન મળ્યા, જેમાંથી તેણે ત્રણ જીત્યા છે.
RRR બેસ્ટ ફોરેન લેંગ્વેજ ફિલ્મ : સાઉથની ફિલ્મ RRR વિદેશની ધરતી પર ધૂમ મચાવી રહી છે. ફિલ્મને સાઉથ બાદ બોલિવૂડમાં સારો પ્રતિસાદ મળ્યો હતો અને હવે આ ફિલ્મ વિદેશોમાં પણ કમાલ બતાવી રહી છે. નિર્દેશક એસએસ રાજામૌલીની ફિલ્મ RRR એ 3 ઇન્ટરનેશનલ એવોર્ડ જીત્યા છે. RRR એ ફિલાડેલ્ફિયા ફિલ્મ ક્રિટીક્સ સર્કલ એન્યુઅલ એવોર્ડ્સમાં 3 એવોર્ડ જીત્યા છે. RRR એ ત્રણ કેટેગરીમાં ત્રણ એવોર્ડ જીત્યા છે – શ્રેષ્ઠ વિદેશી ભાષાની ફિલ્મ, શ્રેષ્ઠ સિનેમેટોગ્રાફી અને શ્રેષ્ઠ સ્કોર/સાઉન્ડટ્રેક.
RRRએ 3 એવોર્ડ જીત્યા
RRR એ તેના ઓફિશિયલ ટ્વિટર પરથી એક ટ્વીટમાં આ માહિતી આપી છે અને લખ્યું છે- “અમને 3 ટ્રોફી #RRRForOscars #RRRMovie સાથે એનાયત કરવા બદલ @PhilaFCC તમારો આભાર”. ફિલ્મની આ સફળતા બાદ ઘણા ચાહકોએ અભિનંદન પાઠવ્યા છે.
Thank you @PhilaFCC for awarding us with 3 Trophies 🏆🏆🏆!! 🤩❤ #RRRForOscars #RRRMovie pic.twitter.com/hK41MdHzC0
— RRR Movie (@RRRMovie) December 19, 2022
RRR વિદેશમાં અદ્ભુત પ્રદર્શન કરી રહ્યું છે
RRRને સમગ્ર વિશ્વમાં સફળતા અને પ્રેમ મળી રહ્યો છે. આ ફિલ્મે અત્યાર સુધીમાં 1,200 કરોડની કમાણી કરી લીધી છે. આ સાથે વિદેશમાં પણ ફિલ્મનો દબદબો રહ્યો છે. RRR એ 1920ના દાયકા પર આધારિત ઐતિહાસિક ફિલ્મ છે. ફિલ્મમાં સાઉથ એક્ટર રામ ચરણ અને જુનિયર એનટીઆર લીડ રોલમાં છે. આ સિવાય આલિયા ભટ્ટ અને અજય દેવગન પણ મહત્વના રોલમાં છે. RRR વિશ્વભરમાં માર્ચમાં તેલુગુ, તમિલ, કન્નડ, મલયાલમ અને હિન્દીમાં રિલીઝ કરવામાં આવ્યું હતું.
RRRએ 2 ગોલ્ડન ગ્લોબ એવોર્ડ જીત્યા
આ ફિલ્મે તાજેતરમાં 28મા વાર્ષિક ક્રિટિક્સ ચોઈસ એવોર્ડ્સમાં પાંચ નોમિનેશન મેળવ્યા હતા, જેમાં બેસ્ટ પિક્ચર, બેસ્ટ ડિરેક્ટર, બેસ્ટ ફોરેન લેંગ્વેજ ફિલ્મ, બેસ્ટ સોંગ અને બેસ્ટ સ્પેશિયલ ઈફેક્ટ્સનો સમાવેશ થાય છે. RRRએ 2 ગોલ્ડન ગ્લોબ નોમિનેશન પણ મેળવ્યા છે. વિશ્વની ટોચની 50 ફિલ્મોની યાદીમાં RRR નવમા નંબરે છે. સાઉથની આ ફિલ્મને દર્શકોનો ઘણો પ્રેમ મળી રહ્યો છે.