હાલમાં જ ‘OMG 2’ને લઈ ચર્ચામાં આવેલા અમિત રાયનું નામ ફરી એકવાર ચર્ચામાં આવ્યું છે. આ વખતે કારણ તેમના દ્વારા લખાયેલ ફિલ્મ છે. આ દિવસોમાં સિનેમા જગતમાં ટોરોન્ટો ફિલ્મ ફેસ્ટિવલ 2023ને લઈને ઘણી ચર્ચા ચાલી રહી છે અને આ ફેસ્ટિવલમાં અમિત રાય દ્વારા લખાયેલી ફિલ્મ ‘ડિયર જસ્સી’ (Dear Jassi) એ ધૂમ મચાવી દીધી છે. તરસેમ સિંહ ધંધવાર દ્વારા નિર્દેશિત ‘ડિયર જસ્સી’એ ટોરોન્ટો ફિલ્મ ફેસ્ટિવલ 2023માં બેસ્ટ ફિલ્મ માટે પ્લેટફોર્મ એવોર્ડ જીત્યો છે.
પ્રખ્યાત ફિલ્મ નિર્માતા તરસેમ સિંહ ધંડવાર દ્વારા નિર્દેશિત ભારતીય ફિલ્મ ડિયર જસ્સીએ તાજેતરમાં યોજાયેલા 48મા ટોરોન્ટો ઈન્ટરનેશનલ ફિલ્મ ફેસ્ટિવલ (TIFF)માં બેસ્ટ ફિલ્મ માટે પ્રતિષ્ઠિત પ્લેટફોર્મ પુરસ્કાર જીત્યો છે. ભારતીય ફિલ્મ ઉદ્યોગ માટે આ એક ગર્વની ક્ષણ છે. આ પ્રથમ વખત છે જ્યારે કોઈ ભારતીય ફિલ્મને આ સન્માન મળ્યું છે.
વરિષ્ઠ કેનેડિયન પત્રકાર ફેબિયન ડોસનના જણાવ્યા મુજબ ‘ડિયર જસ્સી’ અમિત રાયે લખી છે, જેમણે OMG2નું નિર્દેશન કર્યું હતું. આ ફિલ્મમાં અભિનેતા પાવિયા સિદ્ધુ અને યુગમ સૂદ મુખ્ય ભૂમિકામાં છે. જીત અંગે કોમેન્ટ કરતા અમિત રાયે કહ્યું, ‘મેં એક હોલીવુડ ફિલ્મની સ્ક્રિપ્ટ લખી હતી, જેને તાજેતરમાં એવોર્ડ મળ્યો હતો. ડિયર જસ્સીને શ્રેષ્ઠ ફિલ્મ તરીકે પસંદ કરવાના TIFF ખાતે જ્યુરીના સર્વસંમતિથી નિર્ણયથી સ્ક્રિપ્ટના મહત્વમાં મારી માન્યતા મજબૂત થઈ છે.’
‘ડિયર જસ્સી’ એ તરસેમ સિંહ ધંધવારની ભારત પર આધારિત પહેલી વાર્તા છે, જે એક યુવાન યુગલની સાચી રોમિયો અને જુલિયટ વાર્તા કહે છે. કપલ સાથે રહેવા માટે આતુર છે પરંતુ સમય, અંતર અને પરિવારની અપેક્ષાઓને કારણે અલગ થઈ ગયા છે. ટોરોન્ટો ફિલ્મ ફેસ્ટિવલમાં એવોર્ડ જીત્યા પછી, ‘ડિયર જસ્સી’ આ વર્ષે ઓક્ટોબરમાં BFI લંડન ફિલ્મ ફેસ્ટિવલમાં ધૂમ મચાવવા માટે તૈયાર છે.
આ પણ વાંચો: સાઉથની આ 7 ફિલ્મોએ હિન્દીમાં બમ્પર કમાણી કરી, એક ફિલ્મોના ડાયલોગ આજે પણ ચાહકોના મોઢા પર છે