પડદા પર સાથે જોવા મળશે સની દેઓલ અને આમિર ખાનની જોડી, આ ફેમસ ડાયરેક્ટરની ફિલ્મમાં મળશે જોવા

‘લાલ સિંહ ચઢ્ઢા’ પછી આમિર ખાન (Amir Khan) ફરી એકવાર સ્ક્રીન પર દેખાવા માટે તૈયાર છે. તેના અપકમિંગ લિસ્ટમાં બે પ્રોજેક્ટ છે. રિપોર્ટ્સનું માનીએ તો આમિર ખાનની આ ફિલ્મ રાજકુમાર સંતોષીના ડાયરેક્શનમાં રિલીઝ થશે, જેમાં સની દેઓલ (Sunny Deol) પણ જોવા મળશે. પરંતુ આ ફિલ્મનું ટાઈટલ હજુ ફાઈનલ કરવામાં આવ્યું નથી. એવું કહેવામાં આવી રહ્યું છે કે આ ફિલ્મ ડિસેમ્બર અથવા જાન્યુઆરી 2024માં ફ્લોર પર જઈ શકે છે. એવું કહેવામાં આવી રહ્યું છે કે ફિલ્મની ઓફિશિયલ જાહેરાત સની દેઓલના 66માં જન્મદિવસ (19 ઓક્ટોબર) પર કરવામાં આવી શકે છે. આ સિવાય આમિર સ્પેનિશ ફિલ્મ ‘ચેમ્પિયન્સ’ની રિમેકમાં જોવા મળશે.

આમિર અને સનીની આ ફિલ્મ વિશે કહેવામાં આવી રહ્યું છે કે આ ફિલ્મ એક્શન અને ડ્રામાનું પાવર પેક હશે. આમાં ફિલ્મનો લીડ એક્ટર સમાજ માટે સ્ટેન્ડ લેશે અને કોઈપણ સુપરહીરોની જેમ સમાજને બચાવવાનો પ્રયાસ કરશે. એટલે કે હીરો પોતાનું ‘હિરોઈક’ કામ કરશે. એક રિપોર્ટમાં કહેવામાં આવ્યું છે કે, આમિર ખાન, રાજકુમાર સંતોષી અને સની દેઓલની તાજેતરમાં જ મુલાકાત થઈ હતી. આમાં શૂટિંગની ટાઈમલાઈન અને ફાઈનાન્સની ચર્ચા કરવામાં આવી છે.

રાજકુમાર સંતોષી સાથે સની-આમિરનું રીયૂનિયન

તમને જણાવી દઈએ કે રાજકુમાર સંતોષી આ પહેલા સની દેઓલ સાથે ‘ઘાતક’ અને ‘ઘાયલ’ જેવી ફિલ્મો કરી ચૂક્યા છે. વર્ષ 1994માં સંતોષીએ આમિર ખાન સાથે ફિલ્મ ‘અંદાઝ અપના અપના’ પણ બનાવી હતી. હવે વર્ષો પછી આ બંને બોલિવુડ કલાકારો સાથે રાજકુમાર સંતોષીનું રીયૂનિયન થશે અને બંને સ્ટાર્સ એક જ ફિલ્મમાં જોવા મળશે.

આ પણ વાંચો: દીકરીનું કન્યાદાન કરતી વખતે ચહેરા પર નિરાશા જોવા મળી, પરિણીતી ચોપરાના પિતા અને રાઘવ ચઢ્ઢા સાથે વિધિ કરતો Emotional Video થયો વાયરલ

આમિરની ‘ચેમ્પિયન્સ’ વિશે

રિપોર્ટમાં આમિરની ફિલ્મ ‘ચેમ્પિયન્સ’ વિશે કહેવામાં આવ્યું છે કે આ ફિલ્મ હાલમાં તેના કાસ્ટિંગ સ્ટેજમાં છે. ફિલ્મનું શૂટિંગ 20 જાન્યુઆરી 2024થી શરૂ થશે. એવું કહેવામાં આવી રહ્યું છે કે આ ફિલ્મ આવતા વર્ષે ડિસેમ્બર સુધીમાં જોવા મળી શકે છે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો