NMACC : એક ફ્રેમમાં સલમાન ખાન અને ઐશ્વર્યા રાય, વર્ષો પછી જોવા મળ્યા આટલા નજીક

બોલિવૂડ ઈન્ડસ્ટ્રીમાં આવા ઘણા કપલ છે, તેમને એકસાથે જોવું એ લોકો માટે કોઈ સપનાથી ઓછું નથી. તે જ સમયે કેટલાક સ્ટાર્સ પોતે તેમના ઘણા કો-સ્ટાર્સ સાથે ઑફ-સ્ક્રીન મળવાનું પસંદ કરતા નથી. પરંતુ જ્યારે સલમાન ખાન અને ઐશ્વર્યા રાયની વાત આવે છે તો દરેક આ જોડીને સાથે જોવા માંગે છે. વર્ષો પહેલા થયેલા વિવાદ બાદ સલમાન અને ઐશ્વર્યાને એકસાથે જોવું એ સપનાથી ઓછું નહીં હોય. જો કે બંને એક જ ઈવેન્ટમાં ઘણી વખત અલગ-અલગ જોવા મળ્યા છે પરંતુ વર્ષો પછી ઐશ્વર્યા રાય અને સલમાન ખાન એક ફ્રેમમાં જોવા મળ્યા છે.

આ પણ વાંચો : Viral Video: જ્યારે સલમાન ખાનને મળ્યો શાહરુખ ખાનનો પુત્ર આર્યન ખાન, ફેન્સે આપી આવી પ્રતિક્રિયા

વાસ્તવમાં NMACCના લોન્ચિંગ ઈવેન્ટમાં બોલિવૂડ ઈન્ડસ્ટ્રીના તમામ સ્ટાર્સે હાજરી આપી હતી. આ દરમિયાન સલમાન શાહરૂખ, વરુણ ધવન, રણવીર, દીપિકા, ઐશ્વર્યા રાય સહિતના કેટલા સ્ટાર્સ પહોંચ્યા હતા. આ ઘટનાની એક તસવીર ટોક ઓફ ધ ટાઉન બની છે. આ તસવીરમાં સૌથી પહેલા શાહરૂખ અને સલમાન હોલીવુડના સ્પાઈડરમેન ટોમ અને નીતા અંબાણી સાથે જોવા મળી રહ્યા છે, પરંતુ આ સ્ટાર્સ સિવાય આ તસવીરોમાં એક ખૂબ જ ખાસ સ્ટાર હાજર છે.

વિવાદ બાદ પહેલીવાર સાથે જોવા મળ્યા

વાયરલ થઈ રહેલા આ ફોટોના બેકગ્રાઉન્ડમાં ઐશ્વર્યા રાય તેની પુત્રી આરાધ્યા સાથે ઉભેલી જોવા મળે છે. જો કે ઐશ્વર્યા રાયને એ પણ ખબર નથી કે તે સલમાનના ફોટોની ફ્રેમમાં જોવા મળી રહી છે. પરંતુ ફેન્સ માટે ઐશ્વર્યા અને સલમાનને એક જ ફ્રેમમાં જોવું એ કોઈ સરપ્રાઈઝથી ઓછું નથી. તમને જણાવી દઈએ કે બંને વચ્ચેના વિવાદ બાદ આ પહેલીવાર છે જ્યારે સુપરસ્ટાર સલમાન અને ઐશ્વર્યા રાય સાથે જોવા મળ્યા છે.

આ તસવીર જોયા બાદ લોકોની ખુશીનું કોઈ ઠેકાણું નથી. ભાઈજાનના ફેન્સ ખુશ છે. ટ્વિટર પર આ તસવીર શેર કરતાં યુઝર્સ લખી રહ્યાં છે કે, સલમાન-ઐશ્વર્યા એક જ ફ્રેમમાં. કોમેન્ટ કરતી વખતે એક યુઝરે લખ્યું કે, જેણે પણ આ તસવીર ક્લિક કરી છે તે ખૂબ જ જીનિયસ વ્યક્તિ હોવી જોઈએ. તો બીજી તરફ ઘણા યુઝર્સે કેમેરામેનને ખૂબ જ સ્માર્ટ ગણાવ્યો છે.