Navya Naveli Nanda Video: દિગ્ગજ અભિનેતા અમિતાભ બચ્ચન કામ અને અંગત જીવનને લઈને હંમેશા ચર્ચામાં રહે છે. હવે તેની સાથે તેની પૌત્રી અને શ્વેતા નંદાની પુત્રી નવ્યા નવેલી નંદા પણ લાઈમલાઈટમાં રહેવા લાગી છે. ગ્લેમરથી દૂર હોવા છતાં તે પોતાની સાદગીના કારણે ચર્ચામાં રહે છે. નવ્યાનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોમાં તેની સાદગી ચાહકોના દિલને સ્પર્શી ગઈ છે.
આ પણ વાંચો : Amitabh Bachchanની ભાણેજ થઈ ટ્રોલ, Navya Naveli Nandaએ આપ્યો એનો જવાબ
વાસ્તવમાં નવ્યાએ પોતે જ તેનો વીડિયો સોશિયલ મીડિયા પર પોસ્ટ કર્યો છે. શેર કરાયેલા વીડિયોમાં અમિતાભ બચ્ચનની પૌત્રી ટ્રેક્ટર ચલાવતી જોવા મળી રહી છે. નવ્યા ટ્રેક્ટર ખૂબ સારી રીતે ચલાવે છે. ટ્રેક્ટર પછી તે ગામની સ્થાનિક મહિલાઓ સાથે પણ વાત કરે છે. વાસ્તવમાં નવ્યા નવેલીનો આ વીડિયો ગુજરાત પ્રવાસ દરમિયાનનો છે અને હાલ તે ગુજરાતના ગણેશપુરા ગામમાં છે. નવ્યા આરા હેલ્થની સહ-સ્થાપક છે, જે વુમન ફોકસ્ડ હેલ્થ ટેક કંપની છે.
શ્વેતા નંદાની પુત્રીએ તેના તાજેતરના દિવસોમાં ગુજરાતના ઘણા સ્થળોની મુલાકાત લીધી હતી. નવ્યાએ સોશિયલ મીડિયા પર વીડિયો શેર કરતાની સાથે જ ઘણા નેટીઝન્સ તેની સાદગીના વખાણ કરવા લાગ્યા. આ વીડિયોમાં નવ્યા સાદા સૂટમાં જોવા મળી રહી છે અને તેણે કોઈપણ પ્રકારનો મેકઅપ પણ કર્યો નથી. એક યુઝરે લખ્યું, નવ્યા તેના પિતાના વારસાને આગળ વધારશે.
અન્ય એક યુઝરે લખ્યું, તમે કંઈક અદ્ભુત કરશો. બચ્ચન અને નંદા પરિવાર બંને માટે તે ખૂબ જ ગર્વની વાત છે કે તમે કેવી રીતે નવા ક્ષેત્રમાં વારસાને આગળ લઈ જઈ રહ્યા છો અને આ તો માત્ર શરૂઆત છે. મને ખાતરી છે કે તમે કરશો. એક ઈન્ટરનેટ યુઝરે લખ્યું, ‘તમે જે રીતે આટલી સાદગીથી બીજાને સપોર્ટ કરવાનો પ્રયાસ કરી રહ્યા છો તે અદ્ભુત છે.’ તમને જણાવી દઈએ કે, આ પહેલા પણ નંદાએ સોશિયલ મીડિયા પર પોતાની સાદગીની તસવીરો પોસ્ટ કરી છે. જેને ચાહકોએ ખૂબ પસંદ કર્યો.