Shiv Shastri Balboa: 5 હજાર સૈનિક જોશે અનુપમ ખેરની ફિલ્મ, એક્ટરે શેયર કર્યો ખાસ Video

Anupam Kher Shiv Shastri Balboa: બોલિવૂડના દિગ્ગજ એક્ટર અનુપમ ખેર છેલ્લા કેટલાક સમયથી તેમની ફિલ્મ ‘શિવ શાસ્ત્રી બાલ્બોઆ’ને લઈને ચર્ચામાં છે. તેમની આ ફિલ્મ 10 ફેબ્રુઆરીએ થિયેટરોમાં રિલીઝ થઈ રહી છે. આ ફિલ્મની રિલીઝ પહેલા તેને એક વીડિયો પોસ્ટ કર્યો છે જેમાં તેવો  સીઆઈએસએફના જવાનો સાથે જોવા મળી રહ્યા  છે.

આ વીડિયો અનુપમ ખેરે પોતાની ફિલ્મની રિલીઝના એક દિવસ પહેલા 9 ફેબ્રુઆરીએ પોસ્ટ કર્યો છે. આ વીડિયોમાં અનુપમ ખેર બેઠેલા જોવા મળે છે. તેની સાથે ઘણા સીઆઈએસએફ જવાન જોવા મળે છે. વીડિયો શેયર કરતા અનુપમ ખેરે જણાવ્યું કે આવતીકાલે દેશભરના અલગ-અલગ ભાગોમાંથી લગભગ 5000 જવાન તેમની ફિલ્મ જોવાના છે.

અનુપમ ખેરે કહી આ ખાસ વાત

આ વીડિયોમાં જવાન સાથે જોવા મળતા અનુપમ ખેર કહે છે કે, “મિત્રો, આવતીકાલે અમારી ફિલ્મ શિવ શાસ્ત્રી બાલ્બોઆ રીલિઝ થઈ રહી છે અને જુઓ અમારી ફિલ્મ જોવા કોણ આવે છે. અમારા ખાસ મહેમાનો, સીઆઈએસએફ જવાનો, ઓફિસર્સ, તેમની ફેમિલી અને આજે આ લોકો થિયેટરની સુરક્ષા ચેક કરવા આવ્યા છે. આ વીડિયોમાં આગળ અનુપમ ખેર સીઆઈએસએફના જવાનોનો આભાર માને છે અને કહે છે, “તમે આવશો, અમારી ફિલ્મ જોશો, અમારા માટે આનાથી મોટું સૌભાગ્ય શું હોઈ શકે.” આગળ બધા મળીને ફિલ્મનું નામ લે છે અને પછી ભારત માતા કી જયના ​​નારા લગાવે છે.

View this post on Instagram

A post shared by Anupam Kher (@anupampkher)

આ વીડિયોના કેપ્શનમાં અનુપમ ખેરે લખ્યું છે કે, “આ ટીમ શિવ શાસ્ત્રી બાલ્બોઆ માટે ગર્વની વાત છે કે આવતીકાલે દેશના અલગ અલગ ભાગોમાં આપણા આર્મ્ડ ફોર્સેસના લગભગ 5000 જવાન અને ઓફિસર્સ તેમના પરિવાર સાથે અમારી ફિલ્મ જોશે. જેઓ આપણી રક્ષા કરે છે, તેમનું અને તેમનું મનોરંજન કરવું એ આપણું કર્તવ્ય છે.

આ પણ વાંચો : Alone Song: કપિલ શર્માએ કર્યું સિંગિંગ ડેબ્યૂ, રિલીઝ થયું પહેલું ગીત, જુઓ Video

ફિલ્મમાં જોવા મળશે આ સ્ટાર્સ

આ ફિલ્મમાં અનુપમ ખેર સિવાય નીના ગુપ્તા, મોહબ્બતેં ફેમ જુગલ હંસરાજ, શારીબ હાશમી અને એક્ટ્રેસ નરગીસ ફખરી જોવા મળશે. એવું કહેવામાં આવી રહ્યું છે કે આ ફિલ્મમાં નરગીસ શારીબની અપોઝિટ જોવા મળશે. આ ફિલ્મને અજયન વેણુગોપાલને ડાયરેક્ટ કરી છે.