Bigg Boss 15 : સલમાનની જગ્યાએ કરણ કરશે શો ને હોસ્ટ, ટીવીની જગ્યાએ પહેલા OTT પર થશે ટેલિકાસ્ટ

Bigg Boss 15 ની નવી સીઝન શરૂ થવા જઇ રહી છે પરંતુ આ વખતે તેમાં એક ટ્વીસ્ટ હશે. ટીવી પર ટેલીકાસ્ટ કરવા પહેલા તેને ઓટીટી (OTT ) પ્લેટફોર્મ પર ટેલીકાસ્ટ કરવામાં આવશે. Bigg Boss ના ચાહકો માટે આ વખતે વધુ એક ટ્વીસ્ટ હશે. સલમાન ખાનના જે ફેન તેમના કારણે Bigg Boss જોય છે તેમને હવે સલમાન જોવા નહીં મળે. ના ના તમે જેવુ વિચારી રહ્યા છો તેનું નથી. સલમાનને કોઇએ રિપ્લેસ નથી કર્યા પરંતુ ઓટીટી પર ટેલીકાસ્ટ થનાર એપિસોડમાં તમને જોવા મળશે કરણ જોહર. જી હાં, બીગ બોસના OTT વર્ઝનને કરણ જોહર હોસ્ટ કરશે.

પહેલી વાર આ શો ઓટીટી પ્લેટફોર્મ પર ડેબ્યૂ કરશે પરંતુ શો શરૂ થવાની પહેલા જ શોના સેટ પરની પહેલી તસવીર લીક થઇ ગઇ છે. વાયરલ થયેલી તસવીરને જોઇને લોકો વિચારી રહ્યા છે કે આ વખતે Bigg Boss હાઉસ કેવુ હશે. તમને જણાવી દઇએ કે, Bigg Boss 15 ઓટીટી પ્લેટફોર્મ પર 8 ઓગષ્ટના રોજ પ્રતિસ્પર્ધિઓને ઘરમાં લોક કરી દેશે. જેના માટે 2 ઓગષ્ટથી જ બધાને ક્વોરન્ટાઇન કરી દેવામાં આવશે.

આવુ હશે ઘર

Bigg Boss એક વિવાદિત રિયાલીટી શો છે. ઘરમાં રહેતા સેલિબ્રીટીઝ પર તેમના ફેન્સની નજરો ટકેલી હોય છે. તેવામાં આ વખતે પણ શો ને લઇને લોકોની ઉત્સુક્તા જોઇ શકાય તેવી છે. સોશિયલ મીડિયા પર બીગ બોસ ઓટીટીની કેટલીક તસવીરો લીક થઇ ગઇ છે. અને આ તસવીરો ખૂબ જ ઝડપથી વાયરલ પણ થઇ રહી છે.

હાલમાં જ કરણ જોહરે કહ્યુ હતુ કે, મારી માતાને Bigg Boss ખૂબ જ પસંદ છે. અમે એક પણ દિવસ આ શોને મીસ નથી કરતા. હવે હુ Bigg Boss ઓટીટી પણ હોસ્ટ કરીશ. ઉમ્મીદ કરવામાં આવે છે કે હુ દર્શકોની ઉમ્મીદો પર સાચો સાબિત થઇ શકુ

તમને જણાવી દઇએ કે, Bigg Boss 15 માં ઘણા બધા કલાકારો જોવા મળશે. આ લિસ્ટમાં અર્જુન બિજલાનીનું નામ પણ ફાઇનલ થઇ ચૂ્કયુ છે. બાકીના નામો પર સસ્પેન્સ યથાવત છે. ગત વર્ષે આ શોની વિજેતા રુબિના દિલેક હતી. રુબિનાએ રાહુલ વૈધને હરાવીને શોનું ટાઇટલ જીત્યુ હતુ