Indian Idol 12: ‘બચપન કા પ્યાર’ ફેમ સહદેવ શોમાં કરશે મસ્તી, આદિત્ય નારાયણે શેર કર્યો ફની વિડીયો

સિંગિંગ રિયાલિટી શો ઇન્ડિયન આઇડલ 12 (Indian Idol 12) તેના છેલ્લા પડાવ પર છે. શોનો જેમ જેમ અંત આવતો જઈ રહ્યો છે શો તેમ તેમ મજેદાર થતો જઈ રહ્યો છે. શોમાં દર અઠવાડિયે ખાસ મહેમાનો આવી રહ્યા છે જે સ્પર્ધકોને પ્રોત્સાહિત કરી રહ્યા છે. ઇન્ડિયન આઇડલ 12 ની સેમી ફાઇનલે ઘણી જ મજેદાર બનવાની છે. આ શોમાં રાતોરાત સોશિયલ મીડિયા સ્ટાર (Social Media Star) બની ગયેલા સહદેવ દિરદો (Sahdev Dirdo) જોવા મળશે.

બચપન કા પ્યાર મેરા ગીત આ સમયે દરેકની જીભ પર છે. છત્તીસગઢનો સહદેવ, જે આ ગીત ગાઈને પ્રખ્યાત થઇ ગયો તે હવે ઈન્ડિયન આઈડલ 12 નો ભાગ બનવા જઈ રહ્યો છે. જ્યાં દરેકને તેની સાથે આ ગીત ગાવામાં ખૂબ જ મજા આવશે. શોના હોસ્ટ આદિત્ય નારાયણે સહદેવ અને બાકીના સ્પર્ધકો સાથે એક વિડીયો શેર કર્યો છે.

ઇન્ડિયન આઈડલના સેટ પર મસ્તી

આદિત્ય નારાયણે એક વિડીયો શેર કર્યો છે જેમાં સહદેવ અને બાકીના લોકો જોવા મળે છે. વિડીયોના બેકગ્રાઉન્ડમાં બચપન કા પ્યાર સોંગ વાગી રહ્યું છે. તેમજ સહદેવ સાથે 6 સ્પર્ધકો પવનદીપ, સન્મુખપ્રિયા, અરુણિતા, સાયલી, નિહાલ, દાનિશ અને જજ અનુ મલિક તેમજ સોનુ કક્કર ઉભા છે. સહદેવ સાથે મળીને, દરેક વ્યક્તિ આ ગીત સાથે મસ્તી કરતા જોવા મળે છે, અને બાદમાં સ્ટેજ પર નાચવા લાગે છે.

આ વિડીયો શેર કરતાં આદિત્યએ લખ્યું – આ ક્યુટ સહદેવ અને ઇન્ડિયન આઇડલની ટીમ સાથે બચપન કા પ્યાર. આદિત્યની આ પોસ્ટને લગભગ 2 લાખ લોકોએ લાઈક કરી છે.

બાદશાહ સાથે કરશે કામ

સહદેવનો વિડીયો વાયરલ થયા બાદ તેને કામ કરવાની તક મળી છે. તે રેપર બાદશાહ સાથે કામ કરવા જઈ રહ્યો છે. બાદશાહે સોશિયલ મીડિયા પર સહદેવ સાથેની એક તસવીર પણ શેર કરી છે.

આ પણ વાંચો: Ullu ટીવીના CEO વિભુ અગ્રવાલ સામે કેસ દાખલ, મહિલાએ જાતીય શોષણનો લગાવ્યો આરોપ

આ પણ વાંચો: અમિતાભ બચ્ચને ફેસબુક પર એવું કંઈક લખ્યું કે એક યુઝરે કહ્યું – ‘અરે, અમે કંટાળી ગયા છીએ આ માણસથી’