બોલીવુડ અભિનેત્રી અનન્યા પાંડેના ઘરે NCB ના દરોડા, ડ્રગ્સ ચેટમાં આર્યન ખાનની બહેન સુહાનાનું નામ પણ સામે આવ્યુ !

Aryan Khan Drugs Case : નાર્કોટિક્સ કંટ્રોલ બ્યુરો (NCB) એ બોલિવૂડ અભિનેત્રી અનન્યા પાંડેના ઘરે દરોડા પાડ્યા છે. આર્યન ડ્રગ્સ કેસની પૂછપરછ માટે એનસીબીના અધિકારીઓ અનન્યા પાંડેના (Ananya Panday)ઘરે પહોંચ્યા હતા. ઉલ્લેખનીય છે કે, આર્યન ખાનની ડ્રગ્સ ચેટમાં બોલીવુડ અભિનેત્રી અનન્યા પાંડેનું નામ સામે આવ્યુ હતુ. જોકે હજુ સુધી તેની પુષ્ટિ થઈ નથી.હાલ,એનસીબીએ અનન્યા પાંડેને આજે 2 વાગ્યે ડ્રગ્સ કેસમાં પૂછપરછ માટે બોલાવી છે.

બોલીવુડ અભિનેત્રી અનન્યા પાંડેની વધી મુશ્કેલી

અહેવાલો અનુસાર, અનન્યા પાંડેની સાથે ડ્રગ્સ ચેટમાં (Aryan Drugs Chat) આર્યન ખાનની બહેન સુહાના ખાનનું નામ પણ સામે આવ્યું છે. અનન્યા પાંડેના ઘરની તલાશી લીધા બાદ એનસીબીની એક ટીમ શાહરૂખ ખાનના ઘરે મન્નત પહોંચી, જ્યાં સર્ચ ઓપરેશન ચાલી રહ્યું છે. સર્ચ ઓપરેશન (Search Operation) માટે શાહરુખ ખાનના ઘરે પહોંચેલી એનસીબી ટીમની ઘણી તસવીરો સામે આવી છે. એનસીબીની ટીમ હાલ આર્યન ખાનના ડ્રગ્સ કેસની ફાઈલો સાથે શાહરુખ ખાનના ઘરે પહોંચી છે.

આર્યન ખાનની  ડ્રગ્સ ચેટમાં ચોંકાવનારા ખુલાસા

તમને જણાવી દઈએ કે, શાહરુખ ખાનના પુત્ર આર્યન ખાનની ડ્રગ્સના કેસમાં ક્રૂઝ પાર્ટીમાંથી ધરપકડ કરવામાં આવી હતી. આર્યન ખાન આ કેસમાં 3 ઓક્ટોબરથી જેલમાં છે. બુધવારે આર્યન ખાનની જામીન અરજી મુંબઈ સેશન્સ કોર્ટે ફગાવી દીધી હતી. બાદમાં આર્યન ખાનના વકીલોએ શાહરુખના પુત્રના જામીન માટે બોમ્બે હાઈકોર્ટનો સંપર્ક કર્યો હતો. આર્યન ખાનની જામીન અરજી પર હવે બોમ્બે હાઈકોર્ટમાં 26 ઓક્ટોબરના રોજ સુનાવણી હાથ ધરવામાં આવશે.

આ પણ વાંચો: આર્થર રોડ જેલમાં શાહરૂખ ખાને આર્યન સાથે 15 મિનિટ સુધી વાતચીત કરી, જેલમાં બોલિવુડ સુપરસ્ટારને આ રીતે મળી એન્ટ્રી !

આ પણ વાંચો: Jacqueline Fernandezની EDએ કરી 7 કલાક સુધી પુછપરછ, એજન્સીનો દાવો સુકેશે અભિનેત્રીને ગિફ્ટ કરી હતી લગ્ઝરી કાર