AIને લીધે છુટી અમિતાભ બચ્ચનની નોકરી ? Amazon Alexa એ બંધ કર્યું સેલિબ્રિટી વોઈસ ફીચર
Amazon Alexa : બોલિવૂડના સુપર સ્ટાર બિગ B માટે એક મોટા સમાચાર સામે આવ્યા છે. એમેઝોન એ યુઝર્સ માટે એલેક્સા ડિવાઈસ પર સેલિબ્રિટી વોઈસ ફીચર બંધ કરી દીધું છે.ચાલો જાણીએ તેની પાછળનું કારણ શું છે ?
એમેઝોન એલેક્સા પર હવે યુઝર્સ સેલેબ્રિટી વોઈસ ફીચરનો ઉપયોગ નહીં કરી શકે. કંપનીએ એ વાતની પુષ્ટિ કરી છે કે યુઝર્સ એલેક્સા પર અમિતાભ બચ્ચનનો અવાજ નહીં સાંભળી શકે. જણાવી દઈએ કે આ ફીચરના ઉપયોગ માટે અલગથી પ્લાન લેવાની જરુર પડતી હતી.
અમિતાભ બચ્ચન સિવાય અમેરિકી અભિનેતા Samuel L. Jackson, પૂર્વ અમેરિકી બાસ્કેટબોલ ખેલાડી haquille O’Neal જેવી સેલિબ્રિટીના અવાજ પણ હવે એમેઝોન એલેક્સા પર સાંભળવા મળશે નહીં.
એમેઝોનનું આ ફીચર ખુબ જ રસપ્રદ હતું. યુઝર્સ અમિતાભ બચ્ચનના અવાજની મદદથી પોતાની સમસ્યાનું સમાધાન કરતા હતા અને આનંદ લેતા હતા. એલેક્સા પાસે બિગ Bના અવાજ વાળો પ્લાન 299 રુપિયામાં ઉપલબ્ધ હતો.
વર્ષ 2019માં આ શાનદાર ફીચરની શરુઆત થઈ હતી. પ્લાન ખરીદીને 1 વર્ષ સુધી સેલેબ્રિટી વોઈસનો આનંદ લઈ શકાતો હતો. હવે યુઝર્સ નવા પ્લાન ખરીદી શકશે નહીં. જેની પાસે હાલમાં આ પ્લાન ઉપલબ્ધ છે તે થોડા સમય માટે આ ફીચરનો ઉપયોગ કરી શકશે. વર્ષ 2020માં ભારતના આ ફીચરની શરુઆત થઈ હતી. દેશમાં બિગ બી એલેક્સા માટે પહેલા સેલિબ્રિટી વોઈસ બન્યા હતા.
જણાવી દઈએ કે દુનિયામાં હવે AIનો ઉપયોગ વધી રહ્યો છે. ઘણા લોકોનું માનવું છે કે હવે એમેઝોન એલેક્સા પર AIની મદદથી આ ફીચર નવા રુપમાં લોન્ચ કરવામાં આવી શકે છે.
Published On - 5:03 pm, Thu, 1 June 23
