અક્ષય-સારા અને ધનુષની અતરંગી રે એ બનાવ્યો નવો રેકોર્ડ, ડિઝની હૉટસ્ટાર પર બની સૌથી વધુ જોવાયેલી ફિલ્મ
આ ફિલ્મમાં ઘણો ડ્રામા છે, પરંતુ લાગણીઓને બાજુએ મૂકી દેવામાં આવી હોય તેવું લાગે છે. આ હોવા છતાં, આ ફિલ્મ ડિઝની + હોટસ્ટાર પર સૌથી વધુ વખત જોવામાં આવી છે.
અક્ષય-સારા (Akshay Kumar and Sara Ali Khan) અને ધનુષની (Dhanush) ફિલ્મ ‘અતરંગી રે’ (Atrangi re) ઘણા સમયથી ચર્ચામાં હતી. આ ફિલ્મ ત્રણ પ્રોડક્શન હાઉસ દ્વારા સંયુક્ત રીતે બનાવવામાં આવી છે – ટી-સિરીઝ, કલર યલો પ્રોડક્શન્સ અને કેપ ઑફ ગુડ ફિલ્મ્સ. અક્ષય-સારા અને ધનુષની તાજેતરમાં રિલીઝ થયેલી ફિલ્મ ‘અતરંગી રે’ની વાર્તા પણ નામ પ્રમાણે ‘અતરંગી’ છે. આમ છતાં આ ફિલ્મ ડિઝની હોટસ્ટાર પર સૌથી વધુ જોવાયેલી ફિલ્મ બની ગઈ છે.
આ ફિલ્મના દિગ્દર્શક આનંદ એલ રાયે દિગ્દર્શક તરીકે રાંઝણા, તનુ વેડ્સ મનુ, તનુ વેડ્સ મનુ રિટર્ન્સ જેવી હિટ ફિલ્મો આપી છે. આ તમામ ફિલ્મોની વાર્તા હિમાંશુ શર્માએ લખી હતી. આ બધી વાર્તાઓ નાના શહેર અને ત્યાં થતા લગ્નોની આસપાસની છે.
અને હવે ‘અતરંગી રે’માં અક્ષય-સારા અને ધનુષની ત્રિપુટીથી શણગારેલી આ ફિલ્મ ડિઝની હોટસ્ટાર પર 24 ડિસેમ્બરે રિલીઝ થઈ હતી. જો કે આ ફિલ્મનું ટ્રેલર લોકોને પસંદ આવ્યું છે, પરંતુ ફિલ્મની વાર્તા પણ ટાઇટલ પ્રમાણે છે.
આ વાર્તા બિહારના સિવાન પર આધારિત છે. જ્યાં રિંકુ (સારા અલી ખાન) ઘરમાંથી ભાગી જાય છે અને સંબંધીઓ તેની પાછળ દોડે છે. તે લગ્ન કરવા નથી માંગતી પરંતુ અંતે તે જ રોમાંસ અને લગ્નમાં અટવાઇ જાય છે.
બળજબરીપૂર્વક કરાવાયેલા લગ્ન, આંતરજ્ઞાતિય લગ્ન, ઓનર કિલિંગ, માનસિક બીમારી જેવા મુદ્દાઓ પર આ ફિલ્મ બનાવવામાં આવી છે.
પરંતુ ફિલ્મના લેખક હિમાંશુ કે દિગ્દર્શક આનંદ એલ રાય આ તમામ મુદ્દાઓ સાથે ન્યાય કરી શક્યા નથી. આ ફિલ્મમાં ઘણો ડ્રામા છે, પરંતુ લાગણીઓને બાજુએ મૂકી દેવામાં આવી હોય તેવું લાગે છે.
આ હોવા છતાં, આ ફિલ્મ ડિઝની + હોટસ્ટાર પર સૌથી વધુ વખત જોવામાં આવી છે. આ એકદમ નવી ફિલ્મ છે, જે રિલીઝ થતાની સાથે જ નવા રેકોર્ડ બનાવી રહી છે. રિલીઝના દિવસે જ જેણે આ ફિલ્મ જોઈ છે તેણે એક નવો રેકોર્ડ બનાવ્યો છે.
‘ATRANGI RE’ IS MOST-WATCHED FILM ON DISNEY+HOTSTAR… #AtrangiRe – streaming on #DisneyPlusHotstar – has set new records… Had the highest-ever viewership for a *new movie* on *release day* on *this streaming platform*… Stars #AkshayKumar, #Dhanush and #SaraAliKhan. pic.twitter.com/ShjDdzk4aS
— taran adarsh (@taran_adarsh) December 26, 2021
ટ્રેડ એનાલિસ્ટ તરણ આદર્શે ટ્વીટ કરીને આ ફિલ્મ વિશે જાણકારી આપી છે. આ સાથે આ ફિલ્મનું એક પોસ્ટર પણ શેર કરવામાં આવ્યું છે જેમાં અક્ષય-સારા અને ધનુષ જોવા મળી રહ્યા છે.
આ એક વાર જોવાની ફિલ્મ છે, જે તમને ભાગ્યે જ ફરી જોવાનું મન થશે.
આ પણ વાંચો –
NPCIL Recruitment 2021: ન્યુક્લિયર પાવર કોર્પોરેશનમાં નર્સ સહિતની ઘણી જગ્યાઓ માટે અરજી કરવાની આવતીકાલે છેલ્લી તારીખ, જુઓ વિગતો
આ પણ વાંચો –