Bipasha Basu : આજે (7 જાન્યુઆરી) અભિનેત્રી બિપાશા બાસુનો 43મો જન્મદિવસ છે. બિપાશાએ તેના જન્મદિવસની ઘણી તૈયારીઓ કરી હતી. છેલ્લા બે વર્ષથી જ્યાં પહેલા જેવું સેલિબ્રેશનનું વાતાવરણ નથી બની રહ્યું ત્યાં બિપાશાને આશા હતી કે આ વખતે તે પતિ કરણ સિંહ ગ્રોવર સાથે પોતાનો જન્મદિવસ સારી રીતે ઉજવશે. પરંતુ બિપાશા (Bipasha Basu)નું પ્લાનિંગ અટકી ગયું. બિપાશાએ પોતે ખુલાસો કર્યો હતો કે, આ જન્મદિવસ પર તેણે તેના પતિ સાથે વેકેશનનો પ્લાન બનાવ્યો હતો.
પરંતુ અચાનક કોવિડના કેસ (Covid case)માં વધારો અને ઓમિક્રોનની એન્ટ્રીને કારણે અભિનેત્રીની યોજના બરબાદ થઈ ગઈ. બિપાશાએ કહ્યું કે, તે હંમેશા તેના જન્મદિવસને લઈને ખૂબ જ ઉત્સાહિત રહે છે. તેની ઉંમર કેટલી છે તેનાથી કોઈ ફરક પડતો નથી. તેણે કહ્યું કે આ વર્ષે પણ તેણે ઘણું પ્લાનિંગ કર્યું હતું. તેના પતિ સાથે માલદીવ જવાનું હતું, પરંતુ કોવિડ કેસ વધ્યા પછી, કરણ અને બિપાશાએ તેમના જન્મદિવસ પર ઘરે રહેવાનું નક્કી કર્યું અને પ્લાન કેન્સલ કર્યો.
બિપાશાએ જણાવ્યું કે, હવે તે પોતાનો જન્મદિવસ ઘરે કેવી રીતે ઉજવશે. અભિનેત્રીએ કહ્યું- હવે ઘરે રહીને માતા-પિતા સાથે જન્મદિવસ ઉજવશે. તેની મમ્મી બિપાશા માટે મનપસંદ વાનગી બનાવશે અને તે ખાશે. આ દરમિયાન બિપાશાએ કહ્યું કે તે તેના જન્મદિવસના અવસર પર તેના મિત્રો અને તેમની સાથેની પાર્ટીને મિસ કરી રહી છે. તે તેના જન્મદિવસ પર બહાર ન જઈ શકવાથી ખૂબ જ નારાજ છે.
જણાવી દઈએ કે, ગયા વર્ષે બિપાશાના પતિ અને અભિનેતા કરણ સિંહ ગ્રોવર પણ કોવિડ પોઝિટિવ આવ્યા હતા.આવી સ્થિતિમાં બિપાશાએ ત્યારે નવું વર્ષ પણ સેલિબ્રેટ કર્યું ન હતું.અભિનેત્રીએ આ વર્ષની શરૂઆતની ઉજવણી પરિવાર સાથે ખૂબ જ આનંદ સાથે કરી. ઉલ્લેખનીય છે કે, બિપાશા લાંબા સમયથી મોટા પડદાથી અંતર બનાવી રહી છે. અભિનેત્રી છેલ્લે વેબ સિરીઝ ‘ડેન્જરસ’માં જોવા મળી હતી. આ સિરીઝ વર્ષ 2020માં રિલીઝ થઈ હતી.
આ પણ વાંચો : Kazakhstan Protest: 12 પોલીસકર્મીના મોત, સુરક્ષા દળોએ વિરોધીઓને જડબાતોબ જવાબ આપી ગોળીએ દીધા