North Eastern Assembly Election 2023 Results Highlight : નાગાલેન્ડ-ત્રિપુરામાં ફરી ભાજપ સરકાર, મેઘાલયમાં પણ મળશે સાથ

નાગાલેન્ડના રાજકીય દિગ્ગજ અને રાજ્યના સૌથી લાંબા સમય સુધી મુખ્ય પ્રધાન રહેલા નેફિયુ રિયો ફરી એકવાર રાજ્યના મુખ્ય પ્રધાન તરીકેની જવાબદારી સંભાળવા માટે તૈયાર છે. ભાજપ સાથે ગઠબંધન કર્યા બાદ તેઓ રાજ્યમાં 5મી વખત મુખ્યમંત્રી બનવા જઈ રહ્યા છે. તમને જણાવી દઈએ કે 60 સીટોવાળી વિધાનસભામાં બંને પાર્ટીઓએ મળીને 33 સીટો જીતી છે.

આસામના મુખ્યમંત્રી હિમંતા બિસ્વા સરમાએ કહ્યું કે ભાજપના રાષ્ટ્રીય અધ્યક્ષ જેપી નડ્ડાએ મેઘાલય ભાજપને મેઘાલયમાં આગામી સરકાર બનાવવા માટે નેશનલ પીપલ્સ પાર્ટીને સમર્થન આપવાની સલાહ આપી છે.

મેઘાલયની 57 સીટો માટે પરિણામ જાહેર કરવામાં આવ્યા છે. જ્યારે NPPને 24 બેઠકો મળી હતી.

કેન્દ્રીય રક્ષા મંત્રી રાજનાથ સિંહે નાગાલેન્ડ વિધાનસભા ચૂંટણીમાં ભાજપ અને NDPP ગઠબંધનને અભિનંદન પાઠવ્યા અને ટ્વીટમાં લખ્યું – આ ભવ્ય જીત માટે મુખ્યમંત્રી Neiphiu Rio અને નાગાલેન્ડ ભાજપને અભિનંદન. રાજ્યમાં બીજેપી બીજી વખત ગઠબંધન સરકાર બનાવવા જઈ રહી છે.

ત્રિપુરામાં ભાજપ ગઠબંધનને 33 બેઠકો મળી છે. ભાજપ ફરી સત્તામાં આવી ગયું છે. નાગાલેન્ડમાં પણ NDPP અને BJPના ગઠબંધનની જીત થઈ છે. ગઠબંધન 59માંથી 37 બેઠકો જીતીને સત્તામાં પરત ફર્યું છે. NPP મેઘાલયમાં સૌથી મોટી પાર્ટી તરીકે ઉભરી છે. તેને 26 બેઠકો મળતી જણાય છે. સરકારને અન્ય પક્ષોના સમર્થનની જરૂર પડશે.

વડાપ્રધાન નરેન્દ્ર મોદીએ નાગાલેન્ડ અને ત્રિપુરામાં ભાજપની જીત માટે નાગાલેન્ડ, ત્રિપુરા અને મેઘાલયની જનતાનો આભાર માન્યો છે. તેમણે કહ્યું છે કે ભાજપ ત્રણેય રાજ્યોના વિકાસ માટે કામ કરવાનું ચાલુ રાખશે.

મેઘાલયના મુખ્યમંત્રી કોનરાડ સંગમાએ ગૃહ પ્રધાન અમિત શાહ સાથે વાત કરી અને સરકારમાં સમર્થન માંગ્યું. NPP 20 બેઠકો જીતી છે અને 5 પર આગળ છે. જ્યારે ભાજપે 2 બેઠકો જીતી છે અને 1 પર આગળ છે. UDPને 11 બેઠકો મળી છે. કોંગ્રેસે 5 બેઠકો જીતી છે. ટીએમસીએ 4 બેઠકો જીતી છે અને એક બેઠક પર આગળ ચાલી રહી છે.

પશ્ચિમ બંગાળના મુખ્યમંત્રી મમતા બેનર્જીએ મેઘાલયના લોકોને અભિનંદન પાઠવ્યા છે. મમતાએ કહ્યું, “હું મેઘાલયના લોકોને અભિનંદન આપવા માંગુ છું. અમે અહીંથી માત્ર 6 મહિના પહેલા શરૂઆત કરી હતી અને 15% વોટ મેળવ્યા. અહીં TMC રાષ્ટ્રીય પાર્ટી તરીકે મજબૂત થશે.”

ત્રિપુરાના મુખ્યમંત્રી માણિક સાહાએ કહ્યું કે કેન્દ્રની યોજનાએ જીતમાં મુખ્ય ભૂમિકા ભજવી હતી. તેમને કહ્યું, “હું પીએમ મોદી, ગૃહમંત્રી અમિત શાહ, બીજેપી અધ્યક્ષ જેપી નડ્ડા અને પાર્ટીના અન્ય વરિષ્ઠ નેતાઓનો તેમના વિશ્વાસ માટે આભાર માનું છું. કેન્દ્ર સરકારની અનેક યોજનાઓ, રાજ્ય સરકારની કાર્યવાહી અને પાર્ટીના કાર્યકર્તાઓની સખત મહેનતે જીતમાં મહત્વની ભૂમિકા ભજવી છે.”

વડાપ્રધાન નરેન્દ્ર મોદીએ ત્રિપુરામાં ભાજપની જીત પર ટ્વિટ કર્યું છે. તેમણે કહ્યું કે ત્રિપુરાનો આભાર માન્યો છે. આ સ્થિરતા અને વિકાસ માટેનો મત છે. ભાજપ ત્રિપુરામાં વિકાસ માટે કામ કરવાનું ચાલુ રાખશે. મને તમામ કાર્યકરો પર ગર્વ છે.

નાગાલેન્ડના મુખ્યમંત્રી Neiphiu Rio એ ટ્વિટ કરીને લખ્યું- ઈતિહાસ રચાઈ ગયો છે. વિધાનસભાની ચૂંટણીમાં બે મહિલા ઉમેદવારોની જીત પર તેમને લખ્યું કે સલહૌતુઓનુઓ અને હેકાની જાખાલુને તેમની જીત પર હાર્દિક અભિનંદન. તમે મહિલાઓની આશા અને ભવિષ્યની પેઢીઓ માટે રોલ મોડેલ છો. હું આશા રાખું છું કે તમે એવી જ હિંમત સાથે આગળ વધશો.

મેઘાલયમાં એનપીપીએ 19 બેઠકો જીતી છે. આ સાથે જ ભાજપે પણ 2 બેઠકો જીતી છે.

ભારતીય જનતા પાર્ટી અને તેની ગઠબંધન પાર્ટી નેશનલ ડેમોક્રેટિક પ્રોગ્રેસિવ પાર્ટીએ 31 સીટો જીતી છે અને 6 સીટો પર આગળ છે. જેમાં ભાજપે 11 બેઠકો જીતી છે. જ્યારે એનડીપીપીએ 20 બેઠકો જીતી છે. ભાજપ 1 સીટ પર અને એનડીપીપી 5 સીટ પર આગળ છે.

Tyui વિધાનસભા બેઠક પરથી રાજ્યના નાયબ મુખ્યમંત્રી Y Patton જીત્યા છે. તેમણે રાષ્ટ્રીય જનતા દળના વાય કિકોણને હરાવ્યા છે.

ત્રિપુરાના ડેપ્યુટી સીએમ જિષ્નૂદેવ બર્મા ચરિલમ સીટ પરથી ચૂંટણી હારી ગયા છે. તેઓ 858 મતોથી ચૂંટણી હારી ગયા હતા. ટીપરા મેથા પાર્ટીના સુબોધ દેબ બર્માએ જીત મેળવી છે.

નાગાલેન્ડ બીજેપી અધ્યક્ષે પોતાના ટ્વિટર હેન્ડલ પર એક વીડિયો શેયર કરતા રાજ્યમાં તેમની અને ભાજપની જીતને લોકોની જીત ગણાવી છે.

સતંગા સૈપુંગ બેઠક પરથી કોંગ્રેસના સાંસદ વિન્સેન્ટ એચ પાલા એનપીપીની સાંતા મેરી શાયલા સામે 1,828 મતોથી હારી ગયા.

કેન્દ્રીય મંત્રી રામદાસ આઠવલેની રિપબ્લિકન પાર્ટીએ નાગાલેન્ડમાં બે બેઠકો જીતી છે. તેમણે કહ્યું, મારી પાર્ટીના બે ઉમેદવારો જીત્યા છે. જો વધુ લોકો વિજયી બનશે તો મારી પાર્ટી ત્યાં એનડીએને સમર્થન આપશે અને રિપબ્લિકન પાર્ટી પણ સત્તામાં ભાગીદારી માંગશે.

ચૂંટણી પંચના જણાવ્યા મુજબ મેઘાલયમાં 59માંથી 35 બેઠકો પર ઉમેદવારોએ જીત મેળવી છે. જ્યારે 24 બેઠકો પર મતગણતરી ચાલી રહી છે. ચૂંટણી પંચના ડેટા મુજબ NPPએ 13 બેઠકો, TMC-3, કોંગ્રેસ-4, UDP – 9 બેઠકો પર જીત મેળવી છે.

પીએમ નરેન્દ્ર મોદી સાંજે 7 વાગે ભાજપના મુખ્યાલય પહોંચશે અને ત્રણેય રાજ્યોમાં જીત બદલ લોકોનો આભાર વ્યક્ત કરતા ભાજપના કાર્યકર્તાઓને સંબોધિત કરશે.

ભાજપને વિશાળ જીત મળી છે, હું આ માટે ત્રિપુરાના લોકોને અભિનંદન આપું છું. આજે મતગણતરી શાંતિપૂર્ણ રીતે પૂર્ણ થઈ. ત્રિપુરાના સીએમ માણિક સાહાએ ક્હ્યું કે અમે વડાપ્રધાનના નેતૃત્વમાં ચૂંટણીની વ્યૂહરચના તૈયાર કરી હતી અને આજે અમે જીત્યા છીએ, આ માટે હું પીએમનો પણ આભાર માનું છું.

એનપીપીના પ્રદેશ અધ્યક્ષ ખરલુખીએ કહ્યું કે હું લોકોને અમારામાં વિશ્વાસ રાખવા બદલ શ્રેય આપીશ. મને લાગે છે કે અમે સારું પ્રદર્શન કર્યું અને તેથી જ લોકો અમને ફરીથી વોટ આપી રહ્યા છે. મને નથી લાગતું કે સરકારની રચનામાં કોઈ સમસ્યા છે અને મને ખાતરી છે કે અમારી પાર્ટી સરકાર બનાવશે.

ત્રિપુરામાં ફરી સરકાર બનાવવા જઈ રહેલી ભાજપ જીતનો જશ્ન મનાવી રહી છે. અગરતલામાં ભાજપ કાર્યાલયમાં હોળીની ઉજવણી કરવામાં આવી રહી છે. ત્યાં મુખ્યમંત્રી માણિક સાહા અને ભાજપના કાર્યકરો ઢોલ-નગારાંના તાલે નાચી રહ્યા છે. ભાજપ ગઠબંધન ત્રિપુરામાં 34 બેઠકો પર જીત મેળવશે તે વલણ દર્શાવે છે. 33 બેઠકો જીતતી જોવા મળી રહેલી ભાજપ પોતાના દમ પર સરકાર બનાવવાની સ્થિતિમાં છે.

ત્રિપુરામાં પરિણામો હવે લગભગ ભાજપની તરફેણમાં દેખાઈ રહ્યા છે. ભાજપે 22 બેઠકો જીતી છે જ્યારે તે 11 બેઠક પર આગળ છે. ટીપરા મોથા પાર્ટીએ 10 સીટો જીતી છે અને પાર્ટી 2 બેઠક પર આગળ ચાલી રહી છે.

મેઘાલયમાં એનપીપીએ 5 સીટો જીતી છે અને અત્યાર સુધી 20 સીટો પર આગળ ચાલી રહી છે. આ જોતા પક્ષના સમર્થકોએ મુખ્યમંત્રી કોનરાડ સંગમાનું સ્વાગત કર્યું અને ઉજવણી કરી.

ત્રિપુરામાં અત્યાર સુધી ભાજપે 17 બેઠકો જીતી છે, જ્યારે ભાજપ 16 બેઠકો પર આગળ ચાલી રહી છે.

• ભાજપ – 03
• કોંગ્રેસ – 05
• NPP- 26
• TMC – 05
• અન્ય – 20

• ભાજપ+ – 39
• કોંગ્રેસ – 00
• NPF – 01
• TMC- 00
• અન્ય -20

• ભાજપ+ – 34
• કોંગ્રેસ+ – 15
• TMP – 11
• TMC – 00
• અન્ય – 00

મેઘાલય, નાગાલેન્ડ અને ત્રિપુરાની ચૂંટણીઓ પર કેન્દ્રીય મંત્રી જ્યોતિરાદિત્ય સિંધિયાએ કહ્યું કે લોકોનો વિશ્વાસ અને આશીર્વાદ અમારી ત્રિમૂર્તિ પર છે અને આ ચૂંટણી પરિણામોમાં સ્પષ્ટ દેખાય છે.

મેઘાલયના મુખ્યમંત્રી કોનરાડ સંગમાએ કહ્યું કે અમને વોટ આપવા માટે રાજ્યના લોકોનો આભાર માનીયે છીએ. અમારી પાસે થોડી સંખ્યા ઓછી છે, તેથી અમે અંતિમ પરિણામોની રાહ જોઈશું. આગળ શું પગલાં લેવામાં આવે છે તે જોઈશું.

ત્રિપુરા ચૂંટણીના પરિણામો હવે આવવા લાગ્યા છે. ભાજપે 8 બેઠકો જીતી છે અને ટીપરા મોથાને 4 બેઠકો મળી છે.

નાગાલેન્ડમાં 60 વર્ષમાં પહેલી વખત મહિલા ધારાસભ્ય ચૂંટાયા છે. એનડીપીપીના ઉમેદવાર હેકાની જાખલુ જીત્યા છે. તેઓ નાગાલેન્ડ વિધાનસભામાં ચૂંટાયેલા પહેલા મહિલા ધારાસભ્ય છે.

ત્રિપુરાના મુખ્યમંત્રી માણિક સાહા ટાઉન બારડોવાલી બેઠક પરથી ચૂંટણી જીત્યા છે. આ વખતે ભાજપે ત્રિપુરામાં માણિક સાહાના ચહેરા પર ચૂંટણી લડી છે.

ઉત્તર પૂર્વમાં ચૂંટણીના પરિણામો પર,કેન્દ્રીય કાયદા પ્રધાન કિરેન રિજીજુએ કહ્યું કે ભાજપ ઉત્તર પૂર્વમાં જે રીતે જીતી રહ્યો છે, તેનું એક કારણ એ છે કે મોદી જીએ જે કાર્ય કર્યું છે તે લોકો સુધી પહોંચી રહ્યું છે. જો આપણે ચૂંટણી જીતી રહ્યા છીએ, તો તેનો અર્થ એ કે આપણે લોકોનો વિશ્વાસ મેળવી રહ્યા છીએ.

ત્રિપુરાના ચૂંટણી અધિકારીઓએ જણાવ્યું હતું કે સીપીઆઈ(એમ)ના રાજ્ય સચિવ જિતેન્દ્ર ચૌધરીએ સબરૂમ બેઠક પર 343 મતોના માર્જિનથી જીત મેળવી હતી. રાજ્યના શિક્ષણ મંત્રી ભાજપના રતન લાલ નાથ મોહનપુર બેઠક પરથી 7,385 મતોથી જીત્યા. આઈપીએફટીના સુક્લા ચરણ નોઆટિયાએ જોલાઈબારી સીટ પર 375 મતોથી જીત મેળવી હતી.

નાગાલેન્ડ ચૂંટણી પંચના ડેટા અનુસાર, ભાજપ 2 બેઠકો જીતીને 11 બેઠકો પર આગળ છે. નેશનલિસ્ટ ડેમોક્રેટિક પ્રોગ્રેસિવ પાર્ટી 3 સીટો જીતીને 23 સીટો પર આગળ છે. રિપબ્લિકન પાર્ટી ઓફ ઈન્ડિયા (આઠાવલે)એ 2 બેઠકો જીતી.

ત્રિપુરામાં ચૂંટણી પંચના આંકડા મુજબ ભાજપ 1 સીટ જીતીને 32 સીટો પર આગળ છે. ટીપ્રા મોથા પાર્ટી 11 સીટો પર, કોંગ્રેસ 4 સીટો પર અને કોમ્યુનિસ્ટ પાર્ટી ઓફ ઈન્ડિયા (માર્કસિસ્ટ) 11 સીટો પર આગળ ચાલી રહી છે. હજુ મતગણતરી ચાલુ છે.

ત્રિપુરામાં ભાજપ 32 સીટો પર આગળ છે

ત્રિપુરા ભાજપના મુખ્ય પ્રવક્તા સુબ્રત ચક્રવર્તીએ કહ્યું કે, ટીપ્રા ગ્રેટર ટીપ્રાલેન્ડ સિવાય મોથાની તમામ માંગણીઓ સ્વીકારવા તૈયાર છે. જો કે હાલના વલણ મુજબ ભાજપને લાગી રહ્યુ છે કે ત્રિપુરામાં તેની ગાડી અટકી શકે છે.

ત્રિપુરાના ચૂંટણી વલણોમાં ભાજપને સ્પષ્ટ બહુમતી મળી રહી છે. અહીં પાર્ટી સતત બીજી વખત સરકાર બનાવી રહી છે. પાર્ટીને 33 સીટો પર સરસાઈ મળી છે. આ દરમિયાન મુખ્યમંત્રી માણિક સાહાના નિવાસસ્થાને ઉજવણી શરૂ થઈ ગઈ છે.

ચૂંટણી પંચના જણાવ્યા અનુસાર નાગાલેન્ડની પાંચ બેઠકો માટે પરિણામ જાહેર કરવામાં આવ્યા છે. જેમાં ભાજપે બે બેઠકો, NDPP એ એક બેઠક અને રિપબ્લિકન પાર્ટી ઓફ ઈન્ડિયાએ બે બેઠકો જીતી છે અને 55 સીટોના ​​ટ્રેન્ડમાં NDPP 25 સીટો પર આગળ છે.

અત્યાર સુધીના ચૂંટણી વલણો અનુસાર,પૂર્વોત્તરના ત્રણેય રાજ્યોમાં સરકાર સત્તામાં પરત ફરતી જોવા મળી રહી છે. નાગાલેન્ડ અને ત્રિપુરામાં ભાજપને સ્પષ્ટ બહુમતી મળતી દેખાઈ રહી છે, જ્યારે મેઘાલયમાં NPP 25 બેઠકો પર આગળ છે. અહીં ભાજપને પાંચ સીટો પર લીડ મળી રહી છે. સત્તામાં આવવા માટે ભાજપે ફરી એકવાર અહીં NPP સાથે હાથ મિલાવવો પડશે.

સવારે 8 વાગ્યાથી નાગાલેન્ડ વિધાનસભા ચૂંટણી માટે મત ગણતરી કરવામાં આવી રહી છે, ત્યારે માહિતી મુજબ નાગાલેન્ડમાં ભાજપે પ્રથમ બેઠક જીતી છે.

મેઘાલયમાં  NPP ના સ્નિયોભાલંગ ધરે કોંગ્રેસના ઉમેદવાર એમલાંગ લાલુને 2,123 મતોથી હરાવીને નર્તિઆંગ વિધાનસભા બેઠક પર જીત મેળવી. નાગાલેન્ડની ચૂંટણીમાં તુએનસાંગ સદર-1 સીટ પરથી ભાજપના ઉમેદવાર પી. બશાંગમોંગબા ચાંગે તેમના નજીકના હરીફ એનસીપીના તોયાંગ ચાંગને 5,644 મતોથી હરાવ્યા હતા.

ત્રિપુરા અને મેઘાલય ચૂંટણીના પ્રારંભિક વલણો પર, ભાજપના રાષ્ટ્રીય ઉપાધ્યક્ષ દિલીપ ઘોષે કહ્યું, “જેમ આખા દેશમાં થઈ રહ્યું છે, તેમ અહીં પણ ભાજપ આગળ છે.” અમારા માટે ઉજવણી કરવાનો સમય છે. કેટલાક પક્ષો પોતાનું ખાતું ખોલાવવાનો પ્રયાસ કરી રહ્યા છે પરંતુ હાલની સ્થિતિમાં ખાતું ખોલવું પણ મુશ્કેલ છે.

મેઘાલયના ચૂંટણી વલણોમાં અપક્ષ ઉમેદવારોએ તમામ પક્ષોની રમત બગાડી છે. અહીં 18 બેઠકો પર અપક્ષ ઉમેદવારો આગળ છે, જેના કારણે કોઈ પણ પક્ષને બહુમતી મળતી નથી.

• કોનરાડ સંગમા, NPP, આગળ
• વિન્સેન્ટ પાલા, INC, પાછળ
• મુકુલ સંગમા, તૃણમૂલ કોંગ્રેસ, આગળ
• અર્નેસ્ટ મોરી, ભાજપ,પાછળ
• મેટબાહ લિંગદોહ, યુડીપી ,પાછળ

મેઘાલયમાં મુખ્ય પ્રધાન કોનરાડ સંગમાની નેશનલ પીપલ્સ પાર્ટી સૌથી મોટી પાર્ટી હોય તેમ લાગે છે. ચૂંટણી પંચના વલણો અનુસાર NPP 19 બેઠકો પર આગળ છે.

ત્રિપુરામાં ચૂંટણીના વલણો ભાજપ અને TMP વચ્ચે જોડાણ સૂચવે છે. ટીપ્રા મોથાના પ્રદોત વર્માએ વલણો વચ્ચે કહ્યું કે, જો ભાજપ આદિવાસી મુદ્દાઓ પર તેમને સમર્થન આપે તો તેઓ જોડાણ કરી શકે છે.

ત્રિપુરામાં વલણો સતત બદલાઈ રહ્યા છે, જે બાદ ભાજપ હાઈકમાન્ડ એક્શનમાં આવી ગયું છે. પાર્ટીના રાષ્ટ્રીય પ્રવક્તા સંબિત પાત્રા અને મહેશ શર્મા ત્રિપુરા ભાજપના ચૂંટણી વોર રૂમમાં પહોંચી ગયા છે, જ્યાંથી તેઓ સ્થિતિ પર નજર રાખશે.

નેશનલિસ્ટ ડેમોક્રેટિક પ્રોગ્રેસિવ પાર્ટી 11 સીટો પર આગળ ચાલી રહી છે, BJP એ એક સીટ જીતી છે અને 3 સીટો પર આગળ છે. જનતા દળ (યુનાઈટેડ) અને લોક જનશક્તિ પાર્ટી (રામ વિલાસ) એક-એક સીટ પર આગળ ચાલી રહી છે.

કોંગ્રેસ અધ્યક્ષ મલ્લિકાર્જુન ખડગેએ કહ્યું કે, ત્રિપુરામાં અમે બહુ ઓછી સીટો પર ચૂંટણી લડ્યા છીએ અને વિચાર્યું હતું કે ગઠબંધનથી બહુમતી મેળવી શકીશું. જ્યારે અંતિમ પરિણામો આવશે, ત્યારે અમે જોશું કે અમને ક્યાં બહુમત મળે છે અને ક્યાં અમારી સરકાર નથી બની.

મતદાન પછીના સર્વેમાં મેઘાલયમાં ત્રિશંકુ પરિણામની આશા વ્યક્ત કરવામાં આવી હતી.મહત્વનું છે કે મુખ્ય પ્રધાન કોનરાડ કે સંગમા રાત્રે આસામના મુખ્ય પ્રધાન હિમંતા વિશ્વ શર્માને મળ્યા, ચૂંટણી પછીના જોડાણની અટકળોને વેગ આપ્યો. મેઘાલયમાં 60 વિધાનસભા સીટો છે, પરંતુ સોહ્યોંગ સીટ પર એક ઉમેદવારના મૃત્યુને કારણે આ સીટની ચૂંટણી મોકૂફ રાખવામાં આવી હતી.

• ખોવાઈ  : CPM આગળ
• કલ્યાણપુર-પ્રમોદનગર: ભાજપ અગ્રણી આગળ
• સબરૂમ: CPM ઉમેદવાર અને CPM રાજ્ય સચિવ જિતેન્દ્ર ચૌધરી આગળ
• આશારામબારી (ST) સીટઃ ટીપરા મોથા આગળ છે.
• બામુતિયા: CPM મોખરે
• પાણીસાગર: ભાજપ આગળ
• માતરબારી: ભાજપ આગળ
• બગ્મા: ભાજપ આગળ
• સૂર્યમણી નગરઃ કોંગ્રેસ આગળ
• કંચનપુર (ST): અપક્ષ નેતા
• સિમના: ટીપરા મોથા અગ્રણી

નાગાલેન્ડમાં આવતા, વલણો દર્શાવે છે કે BJP+NDPP 41 અને NPF 5 પર આગળ છે, કોંગ્રેસ એક અને 13 અન્ય સીટો પર આગળ છે.

ત્રિપુરામાં પહેલીવાર ડાબેરી મોરચાએ તેની પૂર્વ કટ્ટર હરીફ કોંગ્રેસ સાથે મળીને વિધાનસભા ચૂંટણી લડી હતી. 2018ની વિધાનસભા ચૂંટણીમાં ભાજપે 36 બેઠકો જીતી હતી, જ્યારે તેના સહયોગી IPFTએ 18 બેઠકો જીતી હતી. CPI(M) ની આગેવાની હેઠળના ડાબેરી મોરચાને 16 બેઠકો મળી હતી, જ્યારે કોંગ્રેસને એક પણ બેઠક મળી ન હતી.

ત્રિપુરામાં 60 સીટોનો ટ્રેન્ડ સામે આવ્યો છે. ભાજપ 35, ડાબેરીઓ 18, ટીએમસી, ટીપરા 7 પર આગળ છે. તો મેઘાલયમાં NPP 23, TMC 11, BJP 10, કોંગ્રેસ 5 અને UDP 5 અને અન્ય 6 સીટો પર આગળ છે. નાગાલેન્ડમાં BJP-NDPP 46 પર, NPF 6 પર, કોંગ્રેસ-1 અને અન્ય 9 પર આગળ છે.

• ત્રિપુરાના મુખ્યમંત્રી માણિક સાહા ટાઉન બોરડોવાલી વિધાનસભા સીટ પરથી ચૂંટણીમાં ઉતર્યા છે. બે વર્ષ પહેલા બિપ્લબ દેબના સ્થાને તેમને મુખ્યમંત્રી બનાવવામાં આવ્યા હતા.
• ત્રિપુરાના ભાજપ પ્રમુખ રાજીવ ભટ્ટચાર્ય બનમાલીપુર સીટ પરથી ચૂંટણી મેદાનમાં
• નાયબ મુખ્યમંત્રી જિષ્ણુ દેવ ચારિલમ સીટથી ચૂંટણી મેદાનમાં ઉતર્યા
• કેન્દ્રીય મંત્રી પ્રતિમા ભૌમિક ધનપુર વિધાનસભા સીટ પરથી મેદાનમાં
• કોંગ્રેસ પ્રદેશ અધ્યક્ષ બિરાજીત સિન્હા કૈલાશહર સીટથી ચૂંટણી લડયા

મેઘાલયમાં કોઈ ગઠબંધનને લીડ મળી રહી નથી. વલણો મુજબ NPP-22, TMC-11, BJP-9, UDP-8, કોંગ્રેસ 6 પર આગળ છે.

ત્રિપુરામાં 2018માં ભાજપે 35 બેઠકો જીતી હતી જ્યારે CPI(M)એ 16 અને IPFTએ 8 બેઠકો જીતી હતી.

મેઘાલયમાં શરૂઆતી વલણોમાં TMC બે બેઠક આગળ જવા મળી રહ્યુ છે.

નાગાલેન્ડમાં ભાજપના ગઠબંધને અન્ય પક્ષોના સૂપડા સાફ કરી દીધા છે. શરૂઆતી વલણમાં ભાજપ અને NDPP 49 બેઠક પર આગળ છે, જ્યારે NPF 7 બેઠક પર અને કોંગ્રેસ 1 બેઠક સાથે સૌથી પાછળ છે.

પ્રારંભિક વલણો અનુસાર ત્રિપુરામાં ભાજપ 39 બેઠકો પર આગળ છે, જ્યારે કોંગ્રેસ અને ડાબેરીઓનું ગઠબંધન 12 બેઠકો પર અને ટીપરા 9 બેઠકો પર આગળ છે. રાજ્યમાં 16 ફેબ્રુઆરીના રોજ યોજાયેલા મતદાનમાં કુલ 28.12 લાખ મતદારોમાંથી 89.98 ટકાએ તેમના મતાધિકારનો ઉપયોગ કર્યો હતો.

મેઘાલયમાં NPP 22 બેઠક પર આગળ ચાલી રહી છે, જ્યારે ટીએમસી અને બીજેપી વચ્ચે નજીકની લડાઈ જોવા મળી રહી છે. બંને 10 બેઠકો પર આગળ છે, જ્યારે કોંગ્રેસ 7 બેઠકોની લીડ સાથે પાછળ છે.

નાગાલેન્ડ વિધાનસભા ચૂંટણીની મતગણતરી હાલ ચાલી રહી છે. 60 સભ્યોની રાજ્ય વિધાનસભાની 59 બેઠકો માટે ચાર મહિલાઓ અને 19 અપક્ષ સહિત 183 ઉમેદવારો મેદાનમાં છે. ભારતીય જનતા પાર્ટી (BJP)ના ઉમેદવાર અને વર્તમાન ધારાસભ્ય કાઝેટો કિન્મીને ઝુનહેબોટો જિલ્લાની અકુલુટો બેઠક પરથી બિનહરીફ જાહેર કરવામાં આવ્યા છે.

ત્રિપુરાની 60 વિધાનસભા બેઠક માટે મતગણતરી ચાલી રહી છે. ભાજપ 36 બેઠકો પર આગળ છે. રાજ્ય ભાજપ-ઈન્ડિજિનિયસ પીપલ્સ ફ્રન્ટ ઑફ ત્રિપુરા (IPFT) અને ડાબેરી મોરચો-કોંગ્રેસ ગઠબંધન અને ભૂતપૂર્વ રાજવી પ્રદ્યોત માણિક્ય દેબબર્માની નવી પાર્ટી ટીપ્રા મોથા વચ્ચે ત્રિકોણીય હરીફાઈ જોવા મળી રહી છે.

મેઘાલયમાં પ્રારંભિક વલણો અનુસાર NPP 12 પર આગળ છે અને TMC અને BJP બંને 5-5 બેઠકો પર આગળ છે, જ્યારે UDP બે બેઠકો પર આગળ છે.

રાજ્ય અને કેન્દ્રીય સશસ્ત્ર પોલીસ દળોદ્વારા પૂરી પાડવામાં આવેલ ત્રિ-સ્તરીય સુરક્ષા હેઠળ નાગાલેન્ડમાં 16 મતગણતરી કેન્દ્રો પર મત ગણતરી કરવામાં આવી રહી છે. NDPP 40 પર, કોંગ્રેસ 2 પર, NPF 16 પર આગળ છે.

ત્રિપુરામાં શરૂઆતી વલણોમાં ભાજપ બહુમત તરફ આગળ વધી રહ્યુ છે.અત્યાર સુધીમાં ભાજપ 33 સીટો પર લીડ મેળવી છે. ડાબેરીઓએ 4, Tmp 3 પર આગળ છે.

ત્રિપુરામાં શરૂઆતના વલણો અનુ,સાર ભાજપ-24 બેઠક પર આગળ ચાલી રહી છે, તો  કોંગ્રેસ+ડાબેરી- 8,ટિપરા-4 અને અન્ય-0 બેઠક પર છે.

• NPP-5
• TMC-4
• INC-2
• ભાજપ-2
• UDP-0
• અન્ય-0

નાગાલેન્ડમાં ભાજપ 28 બેઠક પર આગળ ચાલી રહી છે , તો NPF બે બેઠકો પર આગળ છે. કોંગ્રેસનું ખાતું પણ હજુ ખૂલ્યું નથી.

ત્રિપુરા, નાગાલેન્ડ અને મેઘાલયની ચૂંટણી માટે કડક સુરક્ષા વચ્ચે મતગણતરી શરૂ થઈ ગઈ છે. મેઘાલયમાં NPP એક સીટ પર આગળ ચાલી રહી છે. તો ત્રિપુરામાં ભાજપ 11 સીટો પર આગળ છે.

ત્રિપુરામાં ભાજપ ફરી સત્તામાં આવશે અને અમને બહુમતી મળશે, મત ગણતરી શરૂ થતા જ ભાજપના અધ્યક્ષ રાજીવ ભટ્ટાચાર્યએ જીતનો વિશ્વાસ વ્યક્ત કર્યો.

આ ચૂંટણીમાં ભાજપ માટે ત્રિપુરા અને નાગાલેન્ડમાં પોતાની સત્તા જાળવી રાખવાનો પડકાર છે. તેનું નાગાલેન્ડમાં NDPP સાથે ગઠબંધન છે. મેઘાલયમાં કોનરેડ સંગમાની પાર્ટી એનપીપી, ભાજપ અને કોંગ્રેસ સિવાય તૃણમૂલ કોંગ્રેસ મેદાનમાં છે.ભાજપે આ વખતે રાજ્યમાં જોરદાર તાકાત લગાવી છે.

પૂર્વોતર રાજ્યોમાં કોની સત્તા આવશે તેના પર સૌ કોઈની નજર મંડરાયેલી છે. 8 વાગ્યાથી મત ગણતરી શરૂ કરવામાં આવી છે.

નાગાલેન્ડમાં ઝુન્હેબોટો મત વિસ્તારમાં ન્યુ કોલોની, સાનિસ મતવિસ્તારમાં પંગતી વી, તિજીત મતવિસ્તારમાં જબોકા ગામ અને થોનોકન્યુ મત વિસ્તારમાં પાથસો પૂર્વ વિંગમાં પુનઃ મતદાન કરવામાં આવ્યુ હતુ.

ત્રિપુરામાં, 1 માર્ચથી 3 માર્ચના રોજ સાંજે 6 વાગ્યા સુધી સમગ્ર રાજ્યમાં કલમ 144 હેઠળ પ્રતિબંધિત આદેશો લાગુ કરવામાં આવ્યા છે, જેથી આ સમયગાળા દરમિયાન કોઈ અનિચ્છનીય ઘટના ન બને.જો કે આવશ્યક સેવાઓ અને પરીક્ષાર્થીઓને આ પ્રતિબંધના દાયરામાંથી દૂર રાખવામાં આવ્યા છે.

મેઘાલયમાં 74.3 ટકાથી વધુ મતદાન નોંધાયુ હતુ.તો નાગાલેન્ડમાં 83 ટકાથી વધુ મતદારોએ તેમના મતાધિકારનો ઉપયોગ કર્યો હતો અને ત્રિપુરામાં, લગભગ 88 ટકા મતદારોએ મતદાન કર્યું હતું.

મેઘાલય વિધાનસભા ચૂંટણીનું પરિણામ આજે જાહેર થશે, ત્યારે હાલ મતગણતરી કેન્દ્રો પર ચાંપતો બંદોબસ્ત ગોઠવી દેવામાં આવ્યો છે.

ત્રિપુરામાં કોની સત્તા આવશે, તેના પરથી આજે પડદો ઉંચકી જશે, થોડીવારમાં મત ગણતરી શરૂ થશે.

મેઘાલયમાં જિલ્લા મેજિસ્ટ્રેટ દ્વારા પૂર્વ પશ્ચિમ ખાસી હિલ્સ જિલ્લામાં કલમ 144 લાગુ કરવામાં આવી છે

નાગાલેન્ડના કોહિમામાં મતદાનની તૈયારીઓ પૂર્ણ થઈ ગઈ છે. મોટી સંખ્યામાં સુરક્ષા દળો તૈનાત કરવામાં આવ્યા છે. સવારે 8 વાગ્યાથી મતગણતરી શરૂ થશે.

પૂર્વોત્તર રાજ્યોમાં આજે સવારે 8 વાગ્યાથી મતગણતરી શરૂ થશે.આપને જણાવી દઈએ કે, મતગણતરી કેન્દ્રો પર સુરક્ષાની પૂરતી વ્યવસ્થા કરવામાં આવી છે.

મેઘાલયના મુખ્યમંત્રી કોનરાડ સંગમા વિધાનસભા ચૂંટણીની મતગણતરી પહેલા ગુવાહાટીમાં આસામના મુખ્યમંત્રી હિમંતા બિસ્વા સરમાને મળ્યા હતા. સૂત્રોનુ માનીએ તો ભારતીય જનતા પાર્ટીની આગેવાની હેઠળના નોર્થઈસ્ટ ડેવલપમેન્ટ એલાયન્સ (NEDA)ના વડા સરમા અને સંગમા રાત્રે ગુવાહાટીની એક હોટલમાં મળ્યા હતા.

Assembly Election Results Live : પૂર્વોત્તરના ત્રણ રાજ્યોમાં ભારતીય જનતા પાર્ટી (BJP) માટે ઘણું દાવ પર છે. આ રાજ્યોના ચૂંટણી પરિણામો આજે બતાવશે કે ભાજપે 2018માં ડાબેરીઓ પાસેથી તેનો ગઢ છીનવી લીધા બાદ ત્રિપુરામાં પોતાનો પગ મજબૂત કર્યો છે કે કેમ.

Election Results 2023 Live Updates :ત્રિપુરાના મુખ્ય ચૂંટણી અધિકારી જી. કિરણકુમાર દિનકરરાવે જણાવ્યુ હતુ કે રાજ્ય વિધાનસભા ચૂંટણી માટે મતગણતરી સંબંધિત તમામ તૈયારીઓ પૂર્ણ કરી લેવામાં આવી છે. મહત્વનું છે કે ત્રિપુરા વિધાનસભાની 60 વિધાનસભા બેઠકો માટે 16 ફેબ્રુઆરીએ મતદાન થયુ હતુ. આ દરમિયાન કુલ 23.13 લાખ મતદારોમાંથી 89.90 ટકા મતદારોએ તેમના મતાધિકારનો ઉપયોગ કર્યો હતો.