પ્રમોદ સાવંત ફરીથી બનશે ગોવાના મુખ્યપ્રધાન, હોળી પછી યોજાશે શપથગ્રહણ
બીજેપીની યોજાયેલી મહત્વની બેઠકમાં ગોવાના સીએમ તરીકે પ્રમોદ સાવંતના નામને મંજૂર કરવામાં આવ્યું હોવાનું સામે આવ્યુ છે. દરમિયાન પ્રમોદ સાવત વડાપ્રધાન નરેન્દ્ર મોદીને મળ્યા હતા.
ગોવામાં (Goa) મુખ્યમંત્રી પદને લઈને સ્થિતિ લગભગ સ્પષ્ટ થઈ ગઈ છે. સૂત્રો પાસેથી મળેલી માહિતી મુજબ પ્રમોદ સાવંત (Pramod Sawant) ગોવાના સીએમ હશે જ્યારે એન બિરેન સિંહ (N. Biren Singh) મણિપુરના સીએમ હશે. બંને મુખ્યમંત્રી હોળી પછી સીએમ પદના શપથ લેશે. બંને નેતાઓ આજે વડાપ્રધાન નરેન્દ્ર મોદીને (PM Narendra Modi) મળ્યા હતા. બીજી તરફ, પ્રમોદ સાવંતને મળ્યા બાદ પીએમ મોદીએ ટ્વીટ કર્યું કે અમને ફરીથી રાજ્યની સેવા કરવાનો જનાદેશ આપવા બદલ અમારી પાર્ટી ગોવાના લોકોનો આભારી છે.
પીએમ મોદી અને મણિપુરના કાર્યકારી મુખ્ય પ્રધાન એન બિરેન સિંહ વચ્ચેની મુલાકાત પછી, પીએમએ કહ્યું કે તેમણે (N. Biren Singh)તાજેતરમાં પૂર્ણ થયેલી વિધાનસભા ચૂંટણીમાં ભવ્ય જીત બદલ ભાજપને અભિનંદન આપ્યા છે. અમારી પાર્ટી મણિપુરના લોકોની આકાંક્ષાઓને પૂર્ણ કરવા માટે વધુ મહેનત કરવા માટે પ્રતિબદ્ધ છે.
ગોવામાં ભાજપને 20 બેઠકો મળી છે
જોકે ગોવામાં કોઈને બહુમતી મળી નથી, પરંતુ બીજેપીએ અન્યના સમર્થનથી સરકાર બનાવવાનો દાવો કર્યો છે. ગોવામાં ભાજપને 20 બેઠકો મળી છે, જ્યારે બહુમત માટે 21 બેઠકોની જરૂર છે. ગોવામાં કોંગ્રેસને 12, તૃણમૂલ કોંગ્રેસને બે અને આમ આદમી પાર્ટીને બે બેઠકો મળી છે. સાથે જ અન્યની વાત કરીએ તો તેમના ખાતામાં ચાર બેઠકો ગઈ છે.
મણિપુર વિધાનસભા ચૂંટણીમાં ભાજપે 60 બેઠકોમાંથી 32 બેઠકો જીતી છે. કોંગ્રેસને માત્ર પાંચ બેઠકો મળી હતી, જ્યારે નાગા પીપલ્સ ફ્રન્ટને પણ પાંચ બેઠકો મળી હતી. આ ઉપરાંત નેશનલ પીપલ્સ પાર્ટીએ સાત બેઠકો જીતી હતી. બીજી તરફ અપક્ષોની વાત કરીએ તો મણિપુરમાં પણ ત્રણ અપક્ષ ઉમેદવારો જીત્યા છે. આ સિવાય કુકી પીપલ્સ એલાયન્સે બે અને જનતા દળ (યુનાઈટેડ)એ છ બેઠકો જીતી છે.
અગાઉ ગોવા વિધાનસભાના 39 નવા ચૂંટાયેલા સભ્યોએ મંગળવારે શપથ લીધા હતા. રાજ્યપાલ પીએસ શ્રીધરન પિલ્લઈએ નવા ચૂંટાયેલા ધારાસભ્યોને શપથ લેવડાવવા માટે મંગળવારે વિધાનસભા સત્ર બોલાવ્યું હતું. શ્રીધરને વિધાનસભા સત્ર પહેલા સોમવારે નવા ચૂંટાયેલા ધારાસભ્ય ગણેશ ગાંવકરને પ્રોટેમ સ્પીકર તરીકે શપથ લેવડાવ્યા હતા. 40 સભ્યોની ગોવા વિધાનસભા માટે 14 ફેબ્રુઆરીએ મતદાન થયું હતું અને 10 માર્ચે પરિણામ જાહેર કરવામાં આવ્યું હતું.
આ પણ વાંચોઃ
કેન્દ્રીય મંત્રી જી કિશન રેડ્ડીએ રાજ્યસભામાં કહ્યું ‘પૂર્વોત્તરમાં હવે શાંતિ અને સમૃદ્ધિની શરૂઆત, ક્ષેત્રના વિકાસ માટે મોદી સરકાર લઈ રહી છે પગલા’
આ પણ વાંચોઃ