Artificial Intelligence : પરીક્ષામાં ‘ચોરી’ રોકવામાં AI કામમાં આવ્યું, મુખ્ય સેવિકાની પરીક્ષામાં આ સોફ્ટવેરનો ઉપયોગ કરીને પકડી 8 મહિલા સોલ્વર

ઉત્તર પ્રદેશ સબઓર્ડિનેટ સર્વિસ સિલેક્શન બોર્ડ (UPSSSC) દ્વારા રવિવાર 24 સપ્ટેમ્બર 2023ના રોજ મુખ્ય સેવિકા ભરતી પરીક્ષાનું આયોજન કરવામાં આવ્યું હતું. આ પરીક્ષામાં 8 મહિલા સોલ્વરોની ધરપકડ કરવામાં આવી છે. રાજ્યની રાજધાની લખનઉમાં 7 પરીક્ષા કેન્દ્રો પર ધરપકડ કરવામાં આવી છે. તમને જણાવી દઈએ કે મુખ્ય સેવિકા ભરતી પરીક્ષા રાજ્યભરમાં 49 કેન્દ્રો પર લેવામાં આવી રહી હતી.

આ પણ વાંચો : રેલવેએ ગ્રુપ ‘C’ અને ગ્રુપ ‘D’ પોસ્ટ્સ માટે ભરતીની કરી જાહેરાત, અરજી કરવા માટે આ ડિગ્રી હોવી જરૂરી

UPSSSC દ્વારા આપવામાં આવેલી માહિતી અનુસાર આ સોલ્વર્સની ઓળખ આર્ટિફિશિયલ ઈન્ટેલિજન્સનાં ફેશિયલ રેકગ્નિશન સોફ્ટવેર દ્વારા કરવામાં આવી છે. 8 મહિલા સોલ્વર ઉપરાંત 2 હેલ્પરની પણ ધરપકડ કરવામાં આવી છે. તમને જણાવી દઈએ કે પંચ દ્વારા રવિવારે લેવામાં આવેલી મુખ્ય સેવકની પરીક્ષામાં 10,867 ઉમેદવારો હાજર રહ્યા ન હતા.

આ કેન્દ્રો પર સોલ્વર પકડાયા

ડીસીપી અપર્ણા રજત કૌશિકે પરીક્ષામાં સુરક્ષા વ્યવસ્થા વિશે માહિતી આપી હતી. તેમણે જણાવ્યું કે પકડાયેલા સોલ્વર્સ ભારતીય બાલિકા વિદ્યાલય, ફ્લોરેન્સ નાઇટીંગેલ કોલેજ, ગવર્નમેન્ટ જ્યુબિલી ઇન્ટર કોલેજ, રેસિડેન્શિયલ પબ્લિક ઇન્ટર કોલેજ, એન્જલ કોર્મલ ઇન્ટર કોલેજ, વિદ્યાંત હિન્દુ ઇન્ટર કોલેજ, બજરંગી લાલ સાહુ ઇન્ટર કોલેજના હતા.

આ મહિલાઓ મૂળ ઉમેદવારોની જગ્યાએ પરીક્ષા આપી રહી હતી. દરેક જગ્યાએથી એક-એક મહિલા સોલ્વર અને એન્જલ કાર્મેલ ઈન્ટર કોલેજ, મડિયાનવમાંથી બે મહિલા સોલ્વર પકડાઈ છે. હાલ પોલીસ તમામ આરોપીઓની પૂછપરછ કરી રહી છે.

AI સોફ્ટવેરમાંથી મદદ લેવામાં આવી છે

UPSSSCના પ્રમુખ પ્રવીર કુમારના જણાવ્યા અનુસાર, તમામ સોલ્વર્સને આર્ટિફિશિયલ ઈન્ટેલિજન્સ આધારિત ચહેરાની ઓળખ સોફ્ટવેર દ્વારા પકડવામાં આવ્યા છે. આ ઉપરાંત તમામ સામે કાયદેસરની કાર્યવાહી પણ કરવામાં આવી રહી છે. તમને જણાવી દઈએ કે આ ખાલી જગ્યા માટેની પરીક્ષા લગભગ એક વર્ષ બાદ લેવામાં આવી રહી છે.

આ જગ્યા માટે અરજી પ્રક્રિયા 3 ઓગસ્ટ 2022 ના રોજ શરૂ થઈ હતી. આ માટે અરજી કરવા માટે ઉમેદવારોને 24 ઓગસ્ટ 2023 સુધીનો સમય આપવામાં આવ્યો હતો. લગભગ 1 વર્ષ અને 1 મહિના પછી આ ખાલી જગ્યા માટે પરીક્ષા લેવામાં આવી હતી. આ પરીક્ષા દ્વારા કુલ 2693 જગ્યાઓ ભરવામાં આવશે. જો કે પરીક્ષા દરમિયાન માત્ર 76 ટકા ઉમેદવારો જ હાજર રહ્યા હતા.