ડિજિટલ હેલ્થમાં પીજી ડિપ્લોમા કોર્સ શરૂ કરવામાં આવ્યો છે. IIM રાયપુર, ડિજિટલ હેલ્થ એકેડમીએ સંયુક્ત રીતે PG ડિપ્લોમા ઇન ડિજિટલ હેલ્થની બીજી આવૃત્તિ શરૂ કરી છે. કોર્સ ઓનલાઈન (Online Course) મોડમાં છે. ચાલો જાણીએ ડિજિટલ હેલ્થ કોર્સ (Digital Health Course) શું છે અને તેમાં શું શીખવવામાં આવે છે. કોર્સમાં એડમિશન લેવા માટે કઇ લાયકાત જરૂરી છે.
ઈન્ડિયન ઈન્સ્ટિટ્યૂટ ઓફ મેનેજમેન્ટ, રાયપુર અને ડિજિટલ હેલ્થ એકેડમીએ સંયુક્ત રીતે આ કોર્સ શરૂ કર્યો છે. આ કાર્યક્રમ એક વર્ષ સુધી ચાલશે અને વિદ્યાર્થીઓને એક વ્યાપક સ્વ-ગત શિક્ષણનો અનુભવ મળશે.
ડિજિટલ હેલ્થમાં ડિપ્લોમા પ્રોગ્રામમાં પ્રવેશ મેળવવા માંગતા વિદ્યાર્થી પાસે સ્નાતકની ડિગ્રી હોવી આવશ્યક છે. આ સાથે જ ઉમેદવારોની ઉંમર 20 જુલાઈ સુધી 25 વર્ષ કે તેથી વધુ ન હોવી જોઈએ. વ્યવસાયિક ડિગ્રી ધારકોને વય મર્યાદામાંથી મુક્તિ આપવામાં આવે છે.
ડિજિટલ હેલ્થમાં પીજી સર્ટિફિકેટ પ્રોગ્રામ માટેના અરજદારો પાસે વિવિધ હેલ્થકેર ભૂમિકાઓમાં ઓછામાં ઓછા બે વર્ષનો સંબંધિત કાર્ય અનુભવ સાથે સ્નાતકની ડિગ્રી અથવા તેની સમકક્ષ હોવી આવશ્યક છે. સાથે જ ઉમેદવારોને અંગ્રેજી ભાષાનું જ્ઞાન પણ ફરજિયાત હોવું જોઈએ.
આ પણ વાંચો : GATE 2024ની પરીક્ષામાં પૂછવામાં આવશે ડેટા સાયન્સ અને AIના પ્રશ્નો, જાણો ક્યારે યોજાશે પરીક્ષા, અહીં ચેક કરો શેડ્યૂલ
મીડિયા અહેવાલો અનુસાર, હેલ્થકેર સિસ્ટમની રચના, વિકાસ અને સંચાલન માટે જરૂરી જ્ઞાન અને કુશળતા શીખવવામાં આવે છે. પ્રવેશ માટે નોંધણીની પ્રક્રિયા 25 ઓગસ્ટથી શરૂ થશે અને 25 સપ્ટેમ્બર સુધી ચાલશે. digitalacademy.health પર રજીસ્ટ્રેશન કરાવી શકાશે. વધુ માહિતી માટે, ઉમેદવારોએ સંસ્થાની સત્તાવાર વેબસાઇટની મુલાકાત લઈ શકે છે.