ICAI CA Exam 2023 : CA નવેમ્બરની Exam Date જાહેર, જાણો ક્યારે હશે કયું પેપર
ICAI CA November Exam 2023 : ઈન્સ્ટીટ્યુટ ઓફ ચાર્ટર્ડ એકાઉન્ટન્ટ ઓફ ઈન્ડિયા દ્વારા CAની આગામી સત્રની પરીક્ષા 1 નવેમ્બરથી શરૂ થશે. આ માટેનું રજીસ્ટ્રેશન શિડ્યુલ પણ જાહેર કરી દેવામાં આવ્યું છે.
ICAI CA November Exam 2023 : ઈન્સ્ટિટ્યુટ ઓફ ચાર્ટર્ડ એકાઉન્ટન્ટ ઓફ ઈન્ડિયા (ICAI) દ્વારા CA ઈન્ટર અને ફાઈનલ મે સત્રની પરીક્ષાનું પરિણામ જાહેર કરવામાં આવ્યું છે. આ સાથે, CA નવેમ્બર સત્રની પરીક્ષાની તારીખો પણ જાહેર કરવામાં આવી છે. આગામી સત્રની પરીક્ષાનું રજીસ્ટ્રેશન શિડ્યુલ પણ બહાર પાડવામાં આવ્યું છે. આ પરીક્ષા માટે નોંધણી પ્રક્રિયા ઓગસ્ટમાં શરૂ થવા જઈ રહી છે.
આ પણ વાંચો : CA Result 2023 : દેશને મળ્યા 13000 થી વધુ નવા ચાર્ટર્ડ એકાઉન્ટન્ટ, અમદાવાદનો વિદ્યાર્થી બન્યો ટોપર, જુઓ Video
તમે 2 ઓગસ્ટ 2023 થી CA ફાઉન્ડેશન ઇન્ટર અને ફાઇનલ નવેમ્બર સત્રની પરીક્ષાઓ માટે અરજી કરી શકો છો. આમાં અરજી કરવા માટે તમને 23 ઓગસ્ટ 2023 સુધીનો સમય મળશે. પાત્ર ઉમેદવારો લેટ ફી સાથે 30 ઓગસ્ટ 2023 સુધી અરજી કરી શકે છે. તે જ સમયે સુધારણા માટે 1 સપ્ટેમ્બરથી 7 સપ્ટેમ્બર સુધીનો સમય ઉપલબ્ધ રહેશે.
CA નવેમ્બરની પરીક્ષા માટે કેવી રીતે અરજી કરવી
ICAI દ્વારા જાહેર કરાયેલા નોટિફિકેશન મુજબ, CA ફાઉન્ડેશન, ઇન્ટર અને ફાઇનલ પરીક્ષા 2023 માટેની અરજી પ્રક્રિયા ઓનલાઇન હાથ ધરવામાં આવશે. આમાં રજીસ્ટ્રેશન કરવા માટે, વ્યક્તિએ ઓફિશિયલ વેબસાઇટ- icai.org પર જવું પડશે. રજીસ્ટ્રેશન લિંક ઓફિશિયલ વેબસાઇટ પર 2 ઓગસ્ટથી સક્રિય થશે. રજીસ્ટ્રેશનની છેલ્લી તારીખ પસાર થાય તે પહેલાં અરજી કરો.
Important Announcement – Schedule of ICAI Chartered Accountancy Final, Intermediate & Foundation Exams for Students & PQC Exams for Members(November – December 2023 Attempt)
Apply
Students – https://t.co/X96ZtXmPl2
Members – https://t.co/wWKlj1vF0t
Detailshttps://t.co/cOxV6ktskX pic.twitter.com/u5qWWdfTbK— Institute of Chartered Accountants of India – ICAI (@theicai) July 5, 2023
CA November 2023 Examની ડેટશીટ
ICAI CA ફાઉન્ડેશન નવેમ્બર 2023ની પરીક્ષાઓ 24, 26, 28 અને 30 ડિસેમ્બરે લેવામાં આવશે. ICAI CA ફાઉન્ડેશન પેપર 1 અને 2 ની પરીક્ષા બપોરે 2 PM થી 5 PM સુધી ત્રણ કલાકના સમયગાળા માટે લેવામાં આવશે. જ્યારે પેપર 3 અને 4 ની પરીક્ષા બપોરે 2 થી 4 કલાકના સમયગાળા માટે લેવામાં આવશે.
પરીક્ષાનો સમય
CA ઇન્ટરમીડિયેટ નવેમ્બર 2023ની પરીક્ષા ગ્રુપ 1 માટે 2, 4, 6 અને 8 નવેમ્બરે અને ગ્રુપ 2 માટે 10, 13, 15 અને 17 નવેમ્બરે લેવામાં આવશે. CA ઇન્ટરમીડિયેટ પેપરની પરીક્ષાનો સમયગાળો બપોરે 2 વાગ્યાથી સાંજે 5 વાગ્યા સુધી ત્રણ કલાકનો રહેશે.
સીએ ફાઇનલ ગ્રુપ 1ની પરીક્ષા 1, 3, 5 અને 7 નવેમ્બરના રોજ બપોરે 2 થી 5 દરમિયાન લેવામાં આવશે. જ્યારે ગ્રુપ 2 ની પરીક્ષા 9, 11, 14 અને 16 નવેમ્બર 2023 ના રોજ લેવામાં આવશે. ICAI વતી ટ્વીટ કરીને સંપૂર્ણ ડેટશીટ જાહેર કરવામાં આવી છે.
