Bihar Board 12th Result 2022: બિહાર બોર્ડે બનાવ્યો રેકોર્ડ, પ્રથમ વખત 19 દિવસમાં જાહેર કર્યુ પરિણામ
બોર્ડના જણાવ્યા અનુસાર આધુનિક ટેક્નોલોજી સાથે પરીક્ષા પ્રણાલીમાં ઘણા ફેરફારો કરવામાં આવ્યા છે અને તેના પરિણામે માત્ર 19 દિવસમાં 13,25,749 વિદ્યાર્થીઓનું પરિણામ જાહેર કરવામાં આવ્યું છે.
Bihar Board 12th Result 2022 Record Set: બિહાર બોર્ડ (Bihar Board 12th Result 2022) એટલે કે બિહાર સ્કૂલ એક્ઝામિનેશન કમિટી (BSEB) એ બુધવારે ધોરણ 12નું પરિણામ જાહેર કર્યું છે. આ વખતે બોર્ડે 19 દિવસમાં પરિણામ જાહેર કરીને એક રેકોર્ડ બનાવ્યો છે. બોર્ડના જણાવ્યા અનુસાર આધુનિક ટેક્નોલોજી સાથે પરીક્ષા પ્રણાલીમાં ઘણા ફેરફારો કરવામાં આવ્યા છે અને તેના પરિણામે માત્ર 19 દિવસમાં 13,25,749 વિદ્યાર્થીઓનું પરિણામ જાહેર કરવામાં આવ્યું છે. સમિતિના ઈતિહાસમાં આ સૌથી ઝડપી પરિણામ છે અને સમગ્ર દેશમાં એક રેકોર્ડ પણ છે. આ મધ્યવર્તી પરીક્ષા 14 ફેબ્રુઆરી, 2022ના રોજ પૂર્ણ થઈ હતી અને 26 ફેબ્રુઆરીથી મૂલ્યાંકન શરૂ થયું હતું.
13,25,749 વિદ્યાર્થીઓની લગભગ 70 લાખ કોપી અને 70 લાખ OMR શીટ્સની ચકાસણી કર્યા પછી પરિણામ 19 દિવસમાં જાહેર કરવામાં આવ્યું છે, જે સમગ્ર દેશમાં એક રેકોર્ડ છે. અગાઉ વર્ષ 2021માં સમિતિએ મધ્યવર્તી મૂલ્યાંકન શરૂ થયાની તારીખથી માત્ર 21 દિવસમાં પરિણામ જાહેર કર્યું હતું. આ વર્ષે પણ બોર્ડે નવા સોફ્ટવેર દ્વારા પરિણામની પ્રક્રિયા કરી હતી. બિહાર બોર્ડનું કહેવું છે કે નવા સોફ્ટવેરની સ્પીડ અગાઉના સોફ્ટવેર કરતા 16 ગણી વધારે છે.
2020માં તૈયાર થયું હતું સોફ્ટવેર
દેશમાં પ્રથમ વખત આ સોફ્ટવેરને બિહાર બોર્ડ દ્વારા વર્ષ 2020માં તૈયાર કરવામાં આવ્યું હતું. જણાવી દઈએ કે બિહાર બોર્ડનું પરિણામ BSEBની વેબસાઈટ biharboardonline.bihar.gov.in અને biharboardonline.com પર અપલોડ કરવામાં આવ્યું છે. વિદ્યાર્થીઓ અહીં જઈને પરિણામ જોઈ શકે છે. આ વર્ષે 4,52,171 વિદ્યાર્થીઓ પ્રથમ શ્રેણીમાં, 5,10,831 બીજી શ્રેણીમાં અને 99,550 વિદ્યાર્થીઓ ત્રીજી શ્રેણીમાં પાસ થયા છે. આ ઈન્ટરમીડિયેટ પરીક્ષામાં કુલ 13,25,749 વિદ્યાર્થીઓ હાજર રહ્યા હતા, જેમાંથી 6,83,920 છોકરાઓ અને 6,41,829 છોકરીઓ છે.
કેવી રીતે જોવુ બિહાર બોર્ડનું પરિણામ?
જો પરિણામ જોવામાં કોઈ સમસ્યા હોય તો પરિણામ TV9 ડિજિટલ પર જોઈ શકાશે. આ માટે સમાચારમાં જ સીધી લિંક આપવામાં આવી છે. માત્ર વિદ્યાર્થીઓએ બિહાર બોર્ડના રોલ નંબર, રોલ કોડ અને તેમના પાસવર્ડને લગતી માહિતી નાખવાની રહેશે. તે પછી પરિણામ સ્ક્રીન પર દેખાશે. વેબસાઈટ પર પરિણામ જોવા માટે ત્યાં જાઓ અને બિહાર બોર્ડ 12માનું પરિણામ ધરાવતી લિંક પર ક્લિક કરો. તે પછી જરૂરી માહિતી દાખલ કરો. પછી પરિણામ સ્ક્રીન પર દેખાશે. તમે તેને અહીંથી ડાઉનલોડ કરી શકો છો. જો તમે ઈચ્છો તો ભવિષ્યની સગવડતા માટે તમે તેની પ્રિન્ટ પણ લઈ શકો છો.
આ પણ વાંચો: IPL 2022 માટે દક્ષિણ આફ્રિકાના તમામ ખેલાડીઓ ઉપલબ્ધ રહેશે! બાંગ્લાદેશ સામેની ટેસ્ટ શ્રેણીમાં છૂટ મળી શકે છે
આ પણ વાંચો: Mahemdavad સિદ્ધિ વિનાયક દેવસ્થાન ખાતે વૈદિક હોળીનું ભવ્ય આયોજન