Animal Husbandry: આગથી પશુઓની સલામતી માટે આ બાબતોનું રાખો ધ્યાન
ઉનાળાની ઋતુમાં આગના બનાવોમાં વધારો થાય છે આગથી બચવા માટે પશુઓની ખાસ તકેદારી રાખવાની જરૂર હોય છે. આ માટે જરૂરી છે કે પશુઓને બાંધવાના સ્થળે કોઈપણ પ્રકારની જ્વલનશીલ સામગ્રી ન રાખવી જેથી આગની ઘટનાની શક્યતા ન રહે.
દર વર્ષે ઉનાળાની ઋતુમાં આગના બનાવોમાં વધારો થાય છે. આ આગમાં ઝૂંપડાં સળગી જવાથી પાકની સાથે પશુઓ પણ મૃત્યુ પામે છે. તેનાથી બચવા માટે ખાસ તકેદારી રાખવાની જરૂર છે. આ માટે જરૂરી છે કે પશુઓને લોખંડની સાંકળમાં બાંધવામાં ન આવે અને બાંધવાના સ્થળે કોઈપણ પ્રકારની જ્વલનશીલ સામગ્રી ન રાખવી જેથી આગની ઘટનાની શક્યતા ન રહે.
આ પણ વાંચો: Breaking News : પશુપાલકો માટે સારા સમાચાર, સુમુલ ડેરી પશુપાલકોને 350 કરોડ રૂપિયા બોનસ ચૂકવશે
ગ્રામીણ વિસ્તારોમાં એપ્રિલથી જૂન મહિનાને આગ માટે સંવેદનશીલ ગણવામાં આવે છે. KVKના પશુપાલન વૈજ્ઞાનિક ડૉ.વી.કે. સિંઘે જણાવ્યું હતું કે જે જગ્યાએ પશુઓને બાંધવામાં આવે છે ત્યાં ભૂસું કે અન્ય જ્વલનશીલ સામગ્રી કે કેરોસીન તેલ, ગેસ સિલિન્ડર વગેરે રાખશો નહીં. આ સિવાય મચ્છરોને ભગાડવા માટે આ જગ્યાએ ધૂમાડો ન કરો. જ્યાં પશુઓ બાંધેલા હોય ત્યાં ક્યારેય ચૂલાની બચેલી રાખ ન મુકો. પશુઓને બાંધવાની જગ્યાએ પાણીની વ્યવસ્થા રાખો.
આટલું તાત્કાલિક કરો
- જો પશુ દાઝી જાય, તો તરત જ ઠંડુ પાણી રેડવું જોઈએ.
- ઘાને સ્વચ્છ સોફ્ટ કોટન કપડાથી સાફ કરો.
- આ પછી, નારિયેળ તેલ અથવા અળસીનું તેલ સમાન માત્રામાં મિક્સ કરીને, ઘા પર પેસ્ટ લગાવો.
- પશુઓને ઠંડી અને છાયાદાર જગ્યાએ બાંધો.
- કાચા બટેટાને કાપીને તેના બારીક ટુકડા કરી લો અને તેને અસરગ્રસ્ત જગ્યા પર લગાવો.
- જંતુઓ માખીઓ બળી ગયેલા ઘામાં બેસીને ઇંડા મૂકે છે તેના કારણે જીવાત થાય છે. આનાથી બચવા માટે લીમડાનું તેલ લગાવો અને આગથી દાઝેલા પશુને પુષ્કળ શુદ્ધ પાણી આપો.
- આ પછી તરત જ ડૉક્ટરની સલાહ લો.
આટલુ ન કરવું જોઈએ
- જે જગ્યાએ પશુઓને બાંધવામાં આવે છે ત્યાં ભૂસું કે અન્ય જ્વલનશીલ સામગ્રી કે કેરોસીન તેલ, ગેસ સિલિન્ડર વગેરે રાખશો નહીં
- આ સિવાય મચ્છરોને ભગાડવા માટે આ જગ્યાએ ધૂમાડો ન કરો
- જ્યાં પશુઓ બાંધેલા હોય ત્યાં ક્યારેય ચૂલાની બચેલી રાખ ન મુકો
