ગાંધીનગર : એસીબીના હાથે મસમોટો પગાર ધરાવતા બે સરકારી બાબુઓ લાંચ લેતા ઝડપાયા
એસીબીના સકંજામાં આવેલ બે સરકારી બાબુઓની પુછપરછ કરતા સામે આવ્યું કે પ્લોટના માપ અને અભિપ્રાય માટે 15 લાખની લાંચ માંગી હતી.જેમાં 14 લાખ રૂપિયા ટાઉન પ્લાનર અને.એન.મહેતા અને 1 લાખ રૂપિયા પ્લાનિંગ આસિસ્ટન્ટ સંજયકુમાર હઠીલા લેવાના હતા.
ગાંધીનગર : ફરી એક વખત એસીબીની (ACB) ટીમે સરકારી બાબુઓને (Government Employee) પકડવામાં સફળ રહી છે. લાખો રૂપિયાનો પગાર ધરાવતા સરકારી બાબુઓ લાંચ (Bribery) લેતા રંગે હાથ ઝડપાયા. ગાંધીનગરની એક જમીન માપ અને અભિપ્રાય માટે ટાઉન પ્લાનર માંગી લાખો રૂપિયાની લાંચ. કોણ છે બે સરકારી બાબુઓ વાંચો આ અહેવાલમાં.
એન્ટી કરપ્શન બ્યુરોની ગિરફતમાં રહેલ વર્ગ 1ના ટાઉન પ્લાનર અધિકારી એન.એન.મહેતા અને વર્ગ 3ના પ્લાનિંગ આસિસ્ટન્ટ સંજયકુમાર હઠીલા બન્ને જાણ 15 લાખ રૂપિયાની લાંચ લેતા રંગે હાથ ઝડપાયા. ઘટનાની વાત કરીએ તો ગાંધીનગર (Gandhinagar)જીલ્લામાં આવેલ શેરથા ગામની એક જમીન માલિક બે ફાઇનલ પ્લોટના માપ અને અભિપ્રાય માટે ફરિયાદીએ ગુડામાં અરજી કરેલી હતી. આ બન્ને પ્લોટના માપ કાઢવા તથા અભિપ્રાય માટે ગાંધીનગરના નગર રચના અધિકારીની કચેરીના ટાઉન પ્લાનર એન.એન.મહેતા તપાસ કરતા હતા. તે દરમિયાન પ્લોટના માલિક પાસે વર્ગ 1ના ટાઉન પ્લાનર એન.એન.મહેતાએ પ્લોટના અવેજ પેટે કામ પૂરું કરવા 15 લાખ રૂપિયાની માંગણી કરી હતી. જેને લઈ ફરિયાદીએ એસીબીમાં ફરિયાર કરતા છટકું ગોઠવી બન્ને અધિકારી લાંચની રકમ સાથે પકડી લીધા.
એસીબીના સકંજામાં આવેલ બે સરકારી બાબુઓની પુછપરછ કરતા સામે આવ્યું કે પ્લોટના માપ અને અભિપ્રાય માટે 15 લાખની લાંચ માંગી હતી.જેમાં 14 લાખ રૂપિયા ટાઉન પ્લાનર અને.એન.મહેતા અને 1 લાખ રૂપિયા પ્લાનિંગ આસિસ્ટન્ટ સંજયકુમાર હઠીલા લેવાના હતા. જોકે પ્લોટ માપ અને અભિપ્રાય આપવા પહેલા લાંચના પૈસાની માંગણી કરી હતી. જોકે એસીબી ટાઉન પ્લાનર એન.એન.મહેતા ઘરે સર્ચ કરવામાં આવ્યું હતું. પરંતુ બેંકના બે લોકર મળી આવ્યા. જેમાં 4.22 લાખ રૂપિયા રોકડા મળી આવ્યા છે. જેને લઈ વધુ તપાસ શરૂ કરી છે. પરંતુ ભ્રષ્ટાચારી સરકારી બાબુઓ દ્વારા કેટલા લોકો પાસે પૈસા પડાવ્યા છે જે દિશામાં તપાસ શરૂ કરી છે.