Drugs Case: ડ્રગ્સ સાથે હોટલમાંથી મળી ટૉલીવુડ અભિનેત્રી, NCBની કસ્ટડીમાં પહોચી અભિનેત્રી

સુશાંત સિંહ રાજપૂતનાં મોત બાદ શરૂ થયેલા બોલીવુડ ડ્રગ્સ કનેક્શન કેસની તપાસ હજી ચાલુ છે. આમા એનસીબીએ એક ટૉલીવુડ અભિનેત્રીની અડકાયત કરી છે. આ અભિનેત્રીની ઉંમર ફક્ત 20 વર્ષની હોવાનું કહેવાય છે. સમાચારો અનુસાર, અભિનેત્રી પાસેથી એમડી ડ્રગ્સનો કેટલોક જથ્થો પણ મળી આવ્યો છે.

એક માહિતીના આધારે, એનસીબીએ રવિવારે રાત્રે બાન્દ્રા વેસ્ટના એસવી રોડ પર ચાંદ મોહમ્મદ શેખ નામના શખ્સને અટકાવીને તેની સ્કૂટીમાંથી રૂ. 10 લાખની 400 ગ્રામ એમડી ડ્રગ્સ મળી હતી.

મીડિયા રિપોર્ટ્સ અનુસાર, ચંદ મોહમ્મદ શેખને સઈદ શેખ નામના ડ્રગ્સ સપ્લાયર વિશે ખબર પડી. ચાંદે એનસીબીને જણાવ્યું હતું કે 25 વર્ષિય સઈદ મીરારોડની ક્રાઉન બિઝનેસ હોટલમાં છુપાયેલો છે અને તે ત્યાં પોતાનો ધંધો ચલાવી રહ્યો છે.

એનસીબીએ હોટલમાં દરોડો પાડ્યો હતો પરંતુ ત્યાં સુધીમાં સઈદ નાસી ગયો હતો પરંતુ ત્યાંથી ટૉલીવુડની અભિનેત્રીને મળી હતી અને તેની પાસેથી એમડી ડ્રગ્સનો કેટલો જથ્થો પણ મળી આવ્યો હતો. હાલમાં, એનસીબી સઈદની શોધમાં છે અને તે ટોલીવુડ અભિનેત્રીની પૂછપરછ કરી રહી છે. આ સાથે એનસીબી સઈદ અને તેના સંબંધો પર પણ સવાલ ઉઠાવી રહી છે. એવું કહેવામાં આવી રહ્યું છે કે અભિનેત્રીની કોઈપણ સમયે ધરપકડ થઈ શકે છે.