ઝારેરા ગામે લોક ડાયરામાં એક શખ્સ ભાન ભૂલ્યો અને ચલણી નોટોના વરસાદ વચ્ચે બે રાઉન્ડ ફાયરીંગ કર્યું. હાલ ફાયરિંગનો વીડિયો સોશિયલ મીડિયામાં વાયરલ થતા પોલીસ સક્રિય થઈ છે.
firing during a lok dayro function in Devbhoomi
Follow us on
દેવભૂમિ દ્વારકા જિલ્લામાં ધાર્મિક પ્રસંગમાં ફાયરિંગની ઘટના સામે આવી છે. ઝારેરા ગામે લોક ડાયરામાં એક શખ્સ ભાન ભૂલ્યો અને ચલણી નોટોના વરસાદ વચ્ચે બે રાઉન્ડ ફાયરીંગ કર્યું. હાલ ફાયરિંગનો વીડિયો સોશિયલ મીડિયામાં વાયરલ થતા પોલીસ સક્રિય થઈ છે. SOGએ હાલ ફાયરિંગ કરનાર શખ્સની અટકાયત કરી છે. પોલીસે ફાયરિંગ શખ્સ સામે ગુનો નોંધીને વધુ તપાસ હાથ ધરી છે.
પોલીસે ફાયરિંગ શખ્સ સામે ગુનો નોંધીને વધુ તપાસ હાથ ધરી
તો આ તરફ સુરેન્દ્રનગરમાં લગ્ન પ્રસંગમાં જાહેરમાં ફાયરિંગ કરનારની ધરપકડ થઈ છે. ચોટીલાના ચોરવીરા ગામે પિતાના પરવાના વાળી બંદુકમાંથી પુત્રએ ફાયરિંગ કર્યું હતું. જેનો વીડિયો વાયરલ થયા બાદ પોલીસે કાર્યવાહી કરી હતી. પુત્રએ જાહેરમાં બાર બોરની બંદુકમાંથી ફાયરિંગ કર્યું હતું. જેના લીધે પોલીસે બંદુકનું લાયસન્સ ધરાવનાર પિતાની અને ફાયરિંગ કરનાર પુત્રની ધરપકડ કરી છે.
ઉપરાંત પોરબંદરમાં લાયસન્સવાળા હથિયાર લઈ જાહેરનામાનો ભંગ કરતા 4 શખ્સોની SOGએ ધરપકડ કરી લીધી છે. ઘટનાની વાત કરીએ તો લગ્નપ્રસંગમાં ખુલ્લેઆમ હથિયાર લઈને ફરતા રમેશ છલાણાનો ફોટો સોશિયલ મીડિયામાં વાયરલ થયો હતો. વાયરલ ફોટોને લઇને SOGએ કડક કાર્યવાહી કરી હતી અને SOGએ આરોપી રમેશ છેલાણા અને તેના બે ભાઈઓ તથા એક પિતરાઇ ભાઇને લાયસન્સવાળા હથિયાર સાથે ઝડપી કાયદેસરની કાર્યવાહી હાથ ધરી છે.
