ભરૂચના વતનીને દક્ષિણ આફ્રિકાના વેન્ડા શહેરમાં ગન પોઇન્ટ ઉપર લૂંટી લેવાયો, ઘટનાનાં સીસીટીવી ફૂટેજ સામે આવ્યા

સાઉથ આફ્રિકા ના વેન્ડામાં ભરૂચના વતનીને ગન પોઇન્ટ ઉપર લૂંટી લેવાયો છે લૂંટારુઓએ ભરચક વિસ્તારમાં કોઈ મદદે ન આવે તે માટે એક રાઉન્ડ હવામાં ફાયરિંગ પણ કર્યું હતું. મૂળ ભરૂચના વોરા સમની ગામના અકરમ કોઠા દક્ષિણ આફ્રિકામાં સ્થાયી થયા છે. ગઈકાલે અકરમ પોતાની કારમાં શોપિંગ માટે વેન્ડા સિટીના શોપિંગ સેન્ટર તરફ રાવણ થયા ત્યારે લુટારૂઓની કારે તેમનો પીછો કર્યો હતો. શોપિંગ સેન્ટર નજીક અકરમની કાર થોભી ત્યારે બે લૂંટારુઓ તેમની તરફ ધસી આવ્યા હતા અને ગન પોઇન્ટ ઉપર લૂંટ ચલાવી હતી.

લૂંટારુઓએ એક રાઉન્ડ હવામાં ફાયરિંગ પણ કર્યું હતું. સમગ્ર ઘટનાક્રમ અંગેના સીસીટીવી ફૂટેજ સામે આવ્યા છે.  આ મામલે વેન્ડા પોલીસે સીસીટીવી ફૂટેજના આધારે તપાસ શરુ કરી લૂંટારુઓની શોધખોળ શરુ કરી છે જોકે દક્ષિણ આફ્રિકામાં નીગ્રો દ્વારા ભારતીઓ ઉપર હુમલાની આ પ્રકારની સમયાંતરે બનતી ઘટનાઓ વિદેશમાં વસેલા ભારતીયોની સુરક્ષા મામલે ચિંતાનું વાતાવરણ સર્જી રહી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો