Ahmedabad: AMCના કર્મચારી ઉપર હુમલાની ઘટનામાં આશિષ ત્રિપાઠી સામે પોલીસ ફરિયાદ દાખલ, જુઓ VIDEO
આ હુમલો કરનાર વ્યક્તિ નિવૃત IAS અધિકારી અને પૂર્વ મ્યુનિસિપલ કમિશનર આર.કે.ત્રિપાઠીનો પુત્ર છે. વેરા વસૂલાત મુદ્દે મનપાના કર્મચારીઓ વિરૂદ્ધ દાદાગીરી કરતા તેણે આ હુમલો કર્યો. આ તમામ દ્રશ્યો મોબાઇલમાં કેદ થયા હતા.
અમદાવાદમાં મનપાના કર્મચારી પર છરી વડે હુમલાના કેસમાં આખરે પોલીસ ફરિયાદ દાખલ થઈ છે. આરોપી આશિષ ત્રિપાઠીની પોલીસે અટકાયત કરી છે. બોડકદેવ પોલીસ સ્ટેશનમાં આરોપી સામે ફરિયાદ નોંધાઈ છે..હુમલો અને ફરજમાં રૂકાવટની ફરિયાદ દાખલ થઈ છે. આરોપી સામે એટ્રોસીટિ એક્ટ હેઠળ પણ ફરિયાદ નોંધાઈ છે. સમગ્ર ઘટનાની તપાસ SC-ST સેલને સોંપાઈ છે. મોડે મોડે ફરિયાદ નોંધાતા પોલીસની કામગીરી પર સવાલ ઉભા થયા છે.
અમદાવાદમાં થલતેજ વિસ્તારમાં AMCના કર્મચારી ઉપર હુમલો કરાયો હતો. AMCની ટેક્સ ક્લેક્શન ટીમના કર્મચારી પર છરી અને કાચનો ગ્લાસ ફોડી હુમલો કરાયો હતો. આ હુમલો કરનાર વ્યક્તિ નિવૃત IAS અધિકારી અને પૂર્વ મ્યુનિસિપલ કમિશનર આર.કે.ત્રિપાઠીનો પુત્ર છે. વેરા વસૂલાત મુદ્દે મનપાના કર્મચારીઓ વિરૂદ્ધ દાદાગીરી કરતા તેણે આ હુમલો કર્યો. આ તમામ દ્રશ્યો મોબાઇલમાં કેદ થયા હતા.
હુમલાની આ ઘટના બાદ મનપાના 3 ડેપ્યુટી મ્યુનિસિપલ કમિશનર બોડકદેવ પોલીસ સ્ટેશન પહોંચ્યા હતા. જ્યાં તેમણે ભોગ બનનાર સ્ટાફને ન્યાય અપાવવાની બાંહેધરી આપવાની રજૂઆત કરી હતી.
ઓફિસના માલિક દ્વારા જ કોર્પોરેશનના કર્મચારી પર હુમલો
મોટી રકમના વેરા બાકી હોય તેવા શહેરીજનો પાસેથી વેરા વસૂલાતની કડક ઝુંબેશ ચાલી રહી છે. શહેરમાં મેગા ટ્રીગર સીલીંગ ઝુંબેશ શરૂ કરવામાં આવી. જેને લઈ કોર્પોરેશનની ટીમ અલગ અલગ વિસ્તારમાં કામગીરી કરી રહી હતી. સવારે AMCની ટીમ ટેક્સની વસુલાત માટે ગઈ હતી. આ ટીમ ઉત્તર પશ્ચિમ ઝોનમાં આવતા રાજપથ ક્લબ રોડ પર પહોંચી હતી. જ્યાં એરોન સ્પ્રેક્ટ્રા નામની બિલ્ડિંગમાં આવેલી એક ઓફિસમાં સીલીંગ ઝુંબેશની કામગીરી ચાલી રહી હતી. ત્યારે ઓફિસના માલિક દ્વારા કોર્પોરેશનના અધિકારી પર છરીથી હુમલો કરાયો હતો.
આરોપીએ છરીથી કર્યો હુમલો
ગત રોજ તારીખ 24 ફેબ્રુઆરીના રોજ થલતેજ વિસ્તારમાં સવારે 7 વાગ્યે ટેક્સ ડિપાર્ટમેન્ટના બે કર્મચારી રાકેશભાઇ અને યોગેશભાઇને દ્વારા સીલીંગની કર્મચારી કરવામાં આવી રહી હતી. કુલ 31 સીલ મારવાની કામગીરી સોંપવામાં આવી હતી. જે પૈકી 30 સીલની કામગીરી પૂર્ણ કરી દેવામાં આવી હતી. જે પછી 31મું સીલ કરવા માટે આ બંને કર્મચારી એરોન સ્પ્રેક્ટ્રા નામની બિલ્ડિંગમાં છઠ્ઠા માળે પહોંચ્યા હતા. આ કર્મચારી દુકાનના માલિકની રાહ જોઇ રહ્યા હતા. જે પછી લિફ્ટમાંથી આવીને દુકાનના માલિકે તરત જ આ બંને કર્મચારી પર હુમલો કર્યો હતો.
