Ahmedabad: સોલા પોલીસ સ્ટેશનમાં આત્મહત્યા માટે મજબૂર કરવાની ઘટના સામે આવી છે, જેમાં આરોપી પતિએ પોતાની 32 વર્ષ જૂની પત્નીને પોતાની લિવ ઇનમાં રહેતી સ્ત્રી સાથે મળી પત્નીને આત્મહત્યા કરવા મજબૂર કરી દીધી. પત્નીને 32 વર્ષથી બાળક ન થતા હોવાના કારણે આ ઘટનાને અંજામ આપ્યો હોવાનું સામે આવ્યું છે.
પોલીસ ગિરફતમાં આવેલ આરોપી મહાદેવ પંચાલ અને લિવ ઇન રિલેશનમાં રહેતી મહિલાએ ભેગા મળી એવી ધટના અંજામ આપ્યો કે કૈલાસ બહેન આત્મ હત્યા કરવા માટે મજબૂર કરી દીધો. મૃતક કૈલાશબેન નાના ભાઈએ સોલા પોલીસ સ્ટેશનમાં નોંધાવેલ ફરિયાદ પ્રમાણે બહેન કૈલાશના લગ્ન મહાદેવ સાથે 32 વર્ષ પહેલા થયા હતા.
આશરે 3 વર્ષ પહેલાં તેમના બનેવી આરોપી મહાદેવએ હંસા નામની મહિલા સાથે અનૈતિક સંબંધ હોય જેને ભગાડી ઘરે લાવી પત્નીની જેમ રાખતો હતો. ફરિયાદ પ્રમાણે જ્યારથી હંસાને ઘરે લાવેલા ત્યારથી તેની બહેન કૈલાશ સાથે આરોપી મહાદેવ અત્યારચાર અને માનસિક શારીરિક ત્રાસ આપવાનું શરૂ કરેલ હતું.
પોલીસ તપાસમાં ફરીયાદીનું કહેવું છે કે તેમની બહેનને બાળક થતું ન હતું જેના કારણે ત્રાસ આપતા હતા. મહત્વનું છે કે આરોપી મહાદેવને ઘરે અવારનવાર અલગ અલગ લોકો દ્વારા સમજાવાની કોશિશ કરવામાં આવી હતી. જેથી તેમના બહેનનું ઘર તૂટે નહિ તેમ છતાં બનેવી મહાદેવએ ત્રાસ આપવાનું ચાલુ રાખેલ.
એવી પણ વાત સામે આવી છે કે આરોપી મહાદેવ લિવ ઇનમાં રહેતી હંસાને પોતાની ફેક્ટરી દતાલી ગામ ખાતે રાખતો હતો. ત્યાં પણ ફરીયાદી દ્વારા સમજાવાની કોશિશ કરવામાં આવી હતી પરતું ત્યાં પણ આરોપી મહાદેવએ પત્ની હંસાને મારમાંર્યો હતો. જેના કારણે 3 જાન્યુઆરી રોજ કંટાળી ગળેફાંસો ખાઈ આપઘાત કરેલ હતો.
જે આપઘાતને છુપાવવા માટે આરોપી મહાદેવ અને લિવઇન રિલેશનમાં રહેતી હંસા આપઘાતને કુદરતી મોતમાં ઉભું કરવાં અનેક પ્રયાસ કર્યા હતા. જો કે મૃતદેહનું પોસ્ટમોર્ટમ કરતા આપઘાત કર્યો હોવાનું સામે આવ્યું જેથી આરોપીએ પોલીસને ગેરમાર્ગે દોરી પુરાવા નાશ કરવાનો પ્રયાસ કર્યો. જે મામલે આરોપી મહાદેવ અને મહિલા હંસા વિરુદ્ધ અન્ય એક ફરીયાદ નોંધાઇ શકે છે.
સંતાન પ્રાપ્તિ ઘેલછામાં અન્ય સ્ત્રી મહિલા સાથે મૈત્રી કરાર તો કર્યો. પરતું તે સંબંધ અંતે જેલના સળિયા સુધી લઈ ગયો છે.
આ પણ વાંચો: Technology News: ક્વેર્ટી કીપેડને પ્રખ્યાત બનાવનાર ફોન હવે કામ કરશે નહીં, જાણો શું છે કારણ
આ પણ વાંચો: Viral: કેનાલ પાર કરવાના ચક્કરમાં યુવક અધવચ્ચે ફસાયો, જુઓ આ ફની વીડિયો
Published On - 8:49 am, Wed, 5 January 22