Indian Railways Recruitment 2021: રેલવેએ બહાર પાડી ભરતી, ધોરણ 10 પાસ પણ કરી શકે છે અરજી, જાણો તમામ વિગતો
ઉત્તર મધ્ય રેલવે દ્વારા એપ્રેન્ટિસની પોસ્ટ માટે ઉમેદવારોની અરજીઓ મંગાવવામાં આવી છે.
Indian Railways Recruitment 2021: ઉત્તર મધ્ય રેલવે દ્વારા એપ્રેન્ટિસની પોસ્ટ માટે ઉમેદવારોની અરજીઓ મંગાવવામાં આવી છે. લાયક ઉમેદવારો RRC NCR ની સત્તાવાર વેબસાઇટ rrcpryj.org દ્વારા ઓનલાઇન અરજી કરી શકે છે. આ અરજી પ્રક્રિયા 2 ઓગસ્ટ 2021થી શરૂ થશે અને 1 સપ્ટેમ્બર 2021ના રોજ સમાપ્ત થશે. તમને જણાવી દઈએ કે, આ ભરતી દ્વારા 1,664 પદો માટે નિમણૂક કરવામાં આવશે.
એપ્રેન્ટિસને વર્ષ 2020-21 માટે ઉત્તર મધ્ય રેલવેના કાર્યક્ષેત્રમાં વિવિધ વિભાગ, વર્કશોપમાં એપ્રેન્ટિસ એક્ટ 1961 હેઠળ નિયુક્ત ટ્રેડમાં તાલીમ આપવામાં આવશે. ઉમેદવારોએ ભરતીના નોટિફિકેશનની તમામ વિગત સત્તાવાર વેબસાઈટ પર જઈને ચકાસી લેવી, ત્યાર બાજ પદ માટે અરજી કરવી.
લાયકાત
પરીક્ષા માટે અરજી કરવા માંગતા ઉમેદવારોએ 10 + 2 પરીક્ષા પદ્ધતિમાં માન્ય બોર્ડથી ધોરણ 10ન ઓછામાં ઓછા 50 ટકા માર્ક સાથે પાસ કરવું આવશ્યક છે.
જો કે, ટ્રેડ વેલ્ડર, વાયરમેન અને સુથાર માટે લઘુતમ શૈક્ષણિક લાયકાત માન્ય શાળામાંથી 8મું ધોરણ પાસ છે અને NCVT/SCVT દ્વારા સૂચિત ટ્રેડ ઇશ્યૂમાં રાષ્ટ્રીય ટ્રેડ પ્રમાણપત્ર/ITI પ્રમાણપત્ર છે. જ્યારે ઉમેદવારની વયમર્યાદા 15 વર્ષથી 24 વર્ષની વચ્ચે હોવી જોઈએ.
અરજી ફિ
ઉમેદવારોએ અરજી ફી તરીકે 100 રૂપિયા ચૂકવવા પડશે. એસસી / એસટી / પીડબ્લ્યુડી / મહિલા અરજદારો દ્વારા કોઈ ફી ચૂકવવાની જરૂર નથી.
નોટિફિકેશન વાંચવા માટે આ લિંક પર ક્લિક કરો.