ICAI CA Result 2022: ઈમેલ પર મેળવો CA ફાઈનલ, ફાઉન્ડેશનની પરીક્ષાઓનું પરિણામ, જાણો ક્યારે આવશે પરિણામ
ICAI CA Result 2022: ઈન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઈન્ડિયા (ICAI) પાસે CA ફાઈનલ અથવા ફાઉન્ડિંગની પરીક્ષામાં બેસનારા વિદ્યાર્થીઓ માટે મોટા સમાચાર છે.
ICAI CA Result 2022: ઈન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઈન્ડિયા (ICAI) પાસે CA ફાઈનલ અથવા ફાઉન્ડિંગની પરીક્ષામાં બેસનારા વિદ્યાર્થીઓ માટે મોટા સમાચાર છે. માહિતી શેર કરવામાં આવી હતી કે, CA ફાઉન્ડેશન અને CA ફાઇનલ ડિસેમ્બર 2021 ની પરીક્ષાઓના પરિણામો ICAI દ્વારા 10 ફેબ્રુઆરીની સાંજે અથવા 11 ફેબ્રુઆરી 2022 ના રોજ જાહેર કરવામાં આવશે. ICAI ના CCM ધીરજ ખંડેલવાલે તાજેતરમાં જ માહિતી આપી હતી કે, CA ફાઈનલ અને ફાઉન્ડેશન પરીક્ષાના પરિણામો 10 કે 11 તારીખે જાહેર કરવામાં આવશે. તમને જણાવી દઈએ કે પરિણામ ઈમેલ દ્વારા પણ મેળવી શકાશે, આ માટે ઉમેદવારોએ રજીસ્ટ્રેશન કરાવવું પડશે.
ICAI (Institute of Chartered Accountant of India)એ આજે, 8 ફેબ્રુઆરી 2022ના રોજ એક મહત્વપૂર્ણ સૂચના બહાર પાડી છે. જેમાં આવા તમામ વિદ્યાર્થીઓ પાસેથી ઈમેલ નોંધણી માટે આમંત્રણ આપવામાં આવ્યું છે. પરિણામ CA પરીક્ષા પોર્ટલ, icaiexam.icai.org પર જોઈ શકાશે.
CA final and foundation results likely to be expected on 10/11th Feb.
— DHIRAJ KHANDELWAL (@kdhiraj123) February 3, 2022
પરિણામ આ રીતે ચકાસી શકાય છે
વિદ્યાર્થીઓ તેમના CA ફાઉન્ડેશન પરિણામ 2021 અથવા CA ફાઈનલ પરિણામ 2021 ICAI, caresults.icai.org અને icai.nic.in ની સત્તાવાર વેબસાઇટ્સ પર પણ જોઈ શકશે. વિદ્યાર્થીઓએ નોંધ લેવી જોઈએ કે, આ પોર્ટલ પર સંબંધિત લિંક પર ક્લિક કરીને, તેઓ પરિણામ પૃષ્ઠ પર જઈ શકશે, જ્યાં તેઓએ તેમનો નોંધણી નંબર અથવા પિન દાખલ કરવો પડશે અને તેમનો રોલ નંબર સબમિટ કરવાનો રહેશે. તે પછી તેઓ સ્ક્રીન પર તેમનું પરિણામ અને સ્કોર કાર્ડ જોઈ શકશે.
જે વિદ્યાર્થીઓએ ડિસેમ્બર 2021 દરમિયાન વિવિધ તારીખો પર ICAI દ્વારા આયોજિત CA ફાઈનલ અથવા ફાઉન્ડેશન કોર્સની પરીક્ષાઓમાં હાજરી આપી હતી તેઓએ ઈમેલ પર પરિણામ મેળવવા માટે પરીક્ષા પોર્ટલ, icaiexam.icai.orgની મુલાકાત લેવાની રહેશે.
CAમે 2022 પરીક્ષાનું સમયપત્રક
ઈન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઈન્ડિયા (ICAI) એ મે 2022 માં યોજાનારી CA પરીક્ષાઓ 2022 માટેની તારીખોની જાહેરાત કરી છે. ICAI એ તેની સત્તાવાર વેબસાઇટ icai.org પર CA મે 2022ની પરીક્ષાનું ટાઇમ ટેબલ જાહેર કર્યું છે. જાહેર કરાયેલા શેડ્યૂલ મુજબ, વિવિધ અભ્યાસક્રમો અને વિષયો માટેની ICAI CA પરીક્ષા 14 મે થી 30 મે, 2022 દરમિયાન લેવામાં આવશે.
Published On - 6:21 pm, Tue, 8 February 22